સુરત ક્રાઈમ બ્રાન્ચના એન્ટી હ્યુમન ટ્રાફીકીંગ યુનિટનો વહીવટદાર અને વચેટીયો યુટ્યૂબ ચેનલનો સંચાલક રૂ. ૨૫ હજારની લાંચ લેતા ઝડપાયા છે. વહીવટદારે એક યુવાનને મસાજ પાર્લરનો ધંધો શરૂ કરો તમને કોઈ હેરાન નહીં કરે તેમ કહી લાંચ માંગી હતી. વડોદારા એસીબીએ સુરતના વરાછા પોદાર આર્કેડ પાસે છટકું ગોઠવી વહીવટદાર એવા લોકરક્ષક અને વચેટીયા યુટ્યુબ ચેનલના સંચાલકને લાંચ લેતા રંગેહાથ નીચે લીધા હતા. સુરતના વિવિધ વિસ્તારોમાં સ્કૅનલ આડમાં કે હોટલમાં ધમધમતા કુટણખાના અંગે કાર્યવાહી કરવાની જવાબદારી ક્રાઈમ બ્રાન્ચના એન્ટી હ્યુમન ટ્રાફીકીંગ યુનિટના શિરે છે. પરંતુ અહીં પ્રવર્તી સ્થિતિ વાર્તાલાપિતા જેવી લાગી રહી છે. એન્ટી હ્યુમન ટ્રાફીકીંગ યુનિટના વહીવટદાર એવા લોકરક્ષક ધીરુભાઈ ઠાકરીયાએ એક યુવાનને મસાજ પાર્લર શરૂ કરવા પ્રોત્સાહન આપ્યું હતું. હકીકતમાં તે મસાજ પાર્લરની આડમાં યુવાનને કુટણખાનું ચલાવવા માટે જ કહી રહ્યો હતો. લોકરક્ષક ધીરુભાઈ ઠાકરીયાાએ તે માટે પોતાના સાગરીત એવા યુટ્યુબ ચેનલના સંચાલક રોનક મણીલાલ ત્રિવેદી ને સાથે રાખી યુવાનને બેરોકટોક મસાજ પાર્લરના નામે ગોરખધંધો કરવા કહ્યું હતું. તે માટે બંનેએ યુવાન પાસે રૂ.૨૫ હજારની લાંચની માંગણી કરી હતી. લાંચની રકમ આપવા નહીં માંગતા મસાજ પાર્લરના સંચાલક યુવાને આ અંગે એસીબીના ટોલ ફ્રી નંબર ઉપર ફરિયાદ કરી હતી. તેના આધારે વડોદરા એસીબીની ટીમે છટકું ગોઠવ્યું હતું. છટકા મુજબ લોકરક્ષક ધીરુભાઈ નકાભાયા ઠાકરીયા અને તેના વચેટીયો યુટ્યુબ ચેનલના સંચાલક રોનક મણીલાલ ત્રિવેદીવ વરાછા રેલવે ગરનાળા પાસે પોદાર આર્કેડની પાસે મસાજ પાર્લરના સંચાલક યુવાનને મળ્યા અને લાંચની રકમ રૂ.૨૫ હજાર સ્વીકારી તે સાથે જ એસીબીએ બંનેને રંગેહાથ ઝડપી લીધા હતા. બાઈટ..આર આરસ ચૌધરી..એસીબી સુરત