ગુજરાત પ્રદેશ ભાજપના નવનિયુક્ત અધ્યક્ષ જગદીશભાઈ વિશ્વકર્માના અભિવાદન માટે સુરત અને તાપી જિલ્લો ભાજપ દ્વારા આજે બારડોલીના નાંદીડા ચોકડી ખાતે એક ભવ્ય કાર્યક્રમનું આયોજન કરવામાં આવ્યું હતું. નવા પ્રદેશ અધ્યક્ષનું સ્વાગત સુરત જિલ્લામાં પ્રવેશતા જ કાર રેલી અને બાઈક રેલી સાથે કરવામાં આવ્યું હતું. કડોદરાથી બારડોલી સુધીના માર્ગ પર અલગ-અલગ પોઈન્ટ્સ પર કાર્યકર્તાઓ દ્વારા તેમના પર પુષ્પવર્ષા કરીને ઉમળકાભેર આવકાર આપવામાં આવ્યો હતો. આ ભવ્ય સન્માન સમારોહમાં સુરત અને તાપી જિલ્લામાં 20 હજારથી વધુ કાર્યકર્તાઓ મોટી સંખ્યામાં ઉપસ્થિત રહ્યા હતા. આ ઉપરાંત, રાજ્ય સરકારના મંત્રીઓ, ધારાસભ્યો, સંસદસભ્યો અને વિવિધ ૨૫ થી વધુ સમાજના અગ્રણે આગેવાને દ્વારા પણ નવનિયુક્ત પ્રદેશ ભાજપ અધ્યક્ષ જગદીશભાઈ વિશ્વકર્માનું ઉમળકાભેર સન્માન કરવામાં આવ્યું હતું. જગદીશભાઈ વિશ્વકર્માએ આ અભિવાદન બદલ સુરત અને તાપી ജില്ലാ ના કાર્યકર્તાઓનો આભાર વ્યક્ત કર્યો હતો અને સંગઠનને વધુ મજબૂત બનાવવાનો સંકલ્પ વ્યક્ત કર્યો હતો.