સુરત શહેરમાં છેલ્લા કેટલાય સમયથી કોમર્શિયલ ગેસ સિલિન્ડરની ભારે અછત સર્જાઈ છે. આ અછતની સીધી અસર હવે શહેરના સ્વાદપ્રિય લોકો અને નાના ખાણીપીણીના ધંધાર્થીઓ પર જોવા મળી રહી છે. ઉધના-નવસારી રોડ જેવા ધમધમતા વિસ્તારોમાં ગેસ ન મળવાને કારણે અનેક નાસ્તાની દુકાનો બંધ થઈ ગઈ છે. પરિસ્થિતિ એટલી ગંભીર છે કે ધંધા વગર લાચાર બનેલા દુકાનદારો હવે દુકાનો વધાવીને વતન તરફ હિજરત કરી રહ્યા છે. સુરતના ઉધના-નવસારી રોડ પર જ્યાં સાંજ પડતા જ મનચુરીયન, પાવભાજી અને ઈડલી-ઢોસાની સુગંધ આવતી હતી, ત્યાં આજે સન્નાટો જોવા મળી રહ્યો છે. કોમર્શિયલ ગેસની બાટલાની તીવ്ര અછતને કારણે નાના વેપારીઓ માટે ધંધો چلાવવો અશક્ય બન્યો છે. ગેસ વગર નાસ્તો બનવો કેવી રીતે? એ પ્રશ્ન આજે સેકડો પરિવારોના રસોડા અને રોજગાર પર તરાપ મારી રહ્યો છે. ગેસ ન મળતા અનેક વેપારીઓએ પોતાની દુકાનોને તાળા મારી દીધા છે. સતીશ કુમાર યાદવ (દુકાનદાર) કોમર્શિયલ ગેસના બાટલા ન મળતા ખાણીપીણીની દુકાનો બંધ થઈ રહી છે. ઉધના-નવસારી રોડ પર મનચુરીયન, પાવભાજી, ઈડલી-ઢોસાની લારીઓ ઠપ થઈ ગયાં છે. ધંધો બંધ થતા અનેક સંચાલકો વતન પરત ફર્યા. ગેસનો એક બાટલો 5 થી 7 હજાર રૂપિયામાં બ્લેકમાં વેચાતો હોવાનો વેપારીઓનો દાવો. અમે ક્યાંથી લાવીએ આટલો મોંઘો ગેસ? ઓફિશિયલ મળતો નથી અને બ્લેકમાં 5 થી 7 હજાર માંગે છે. આટલા मોંઘા ગેસમાં નાસ્તો બનાવીએ તો ગ્રાહક પાસે કેટલા પૈસા લેવા? આ સમયે દુકાન બંધ કરવી પડી છે, હવે વતન જઈ રહ્યા છીએ. સતીશ કુમાર યાદવ (દુકાનદાર) સુરતની ઓળખ તેના સ્વાદથી છે, પરંતુ હાલમાં આ સ્વાદ પર 'ગેસની અછત'નું ગ્રહણ લાગ્યું છે. જે દુકાનદારો વર્ષોથી અહીં રોજગારી ધરાવતા હતા, તેઓ આજે ગેસના કાળો બજાર અને અછત સામે લાચાર છે. જો તંત્ર વહેલી રીતે ગેસનો પુરવઠો નિયમ અનુસાર કરવામાં આવે તો આગામી દિવસોમાં મધ્યમ વર્ગ માટે બહારનું જમવું પણ મોંઘું બની શકે છે.