ગુજરાત સરકારમાં આજે થયેલા મંત્રિત મંડળના વિસ્તરણમાં ગણદેવીના ધારાસભ્ય નરેશ પટેલને મંત્રીપદ મળવાની જાણ થતા જ ગણદેવીમાં કાર્યકર્તાઓમાં ખુશી જોવા મળી હતી. ગણદેવી શહેર અને તાલુકાના આગેવાનો સાથે જ કાર્યકર્તાઓએ ગણદેવી ચાર રસ્તા પાસે ફટાકડા ફોડી ધારાસભ્યના મંત્રી પદને વધાવી લીધું હતું. નરેશ પટેલની ગત ટીર્મમાં અન્ન અને પુરવઠા મંત્રી તરીકેની કામગીરીને બિરદાવી આ વર્ષે પણ તેમને સારૂ ખાતું મળે તેવી આશા રહે હતી. સાથે જ પાર્ટીના આગેવાનો અને કાર્યકરોએ અભિનંદન પાઠવી ગણદેવી માટે ગૌરવવંતી ક્ષણ ગણાવી હતી.