ગુજરાત સરકારના મહિલા અને બાળ વિકાસ વિભાગના રાજ્ય કક્ષાના મંત્રી ડૉ.મનીષાબેન વકીલે તા.૦૬ નવેમ્બર, ૨૦૨૫ ના રોજ સ્ટેચ્યુ ઑફ યુનિટી આક્થેनगर પરિસરની બહાર પિંક ઓટો ચલાવીને આત્મનિર્ભર બનવાની અનોખી સફર લખી રહેલ સ્થાનિક આદિવાસી બહેનો સાથે સૌહાર્દપૂર્ણ સંવાદ સાધ્યો હતો. જ્યાં સ્વાવલંબનની સફરનો સુંદર સંયોગ સર્જાયો હતો. મંત્રી ડૉ. મનીષાબેન વકીલે મનીષાબેનની પિંક રીક્ષાની સવારી કરી હતી. ઓટો ચાલક મનીષાબેન તડવી સાથે સંવાદ સાધ્યો હતો. આ તકે મંત્રીએ જણાવ્યું હતું કે આ પિંક ઓટો રીક્ષા ચલાવવાથી ગામડાની બહેનોમાં આત્મવિશ્વાસ વધ્યો છે. દેશ અને પર્યાવરણ સંરક્ષણ માટે વડાપ્રધાન શ્રી નરેન્દ્રભાઈ મોદીના વિકસિત ભારત સંકલ્પને સાકાર કરવામાં મહિલાઓની ભાગીદારી પણ ખૂબ જ મહત્વપૂર્ણ છે. પિંક ઓટો ચલાવતી આ બહેનો માત્ર પરિવહન સેવા નહીં, પરંતુ પર્યાવરણ સંરક્ષણ અને મહિલા સશક્તિકરણનું જીવનત પ્રતિક બની છે.