પ્રથમવાર દેશની રાજધાની દુનિયાની બહાર નર્મદા જિલ્લામાં પ્રવાસન સ્થળ સ્ટેચ્યુ ઓફ યુનિટી, એકતાનગરના આંગણે ભારત પર્વ ૨૦૨૫ની રાષ્ટ્રીય કક્ષાની ભવ્ય ઉજવણી થઇ રહી છે. આ પર્વમાં શનિવારની સાંજે ગુજરાત અને મહારાષ્ટ્રના રાજ્યપાલ આચાર્ય દેવવ્રતજી, ઓડિશાના રાજ્યપાલ ડૉ. હરિ બાબુ કંભમપતિ, લેડી ગવર્નર શ્રીમતી કંબામપતિ, ઓડિશા રાજ્યની વિધાનસભાના અધ્યક્ષા સુરમા paddhi, મહારાષ્ટ્ર વિધાનપિષદ અધ્યક્ષ પ્રો. રામ શિંદે, ગુજરાતના પાણી, પુરવઠા અને જળશક્તિ રાજ્યમંત્રી ઈશ્વરસિંહ પટેલ તેમજ ઓડિશાના રમતગમત અને યુવા સેવા, સાહિત્ય અને સંસ્કૃતિ વિભાગના કેબિનેટ મંત્રીઓ સુર્યબંશી સુરજ સહભાગી બન્યા હતા. રાજ્યપાલ આચાર્ય દેવવ્રતજીએ આ ભવ્ય આયોજન બદલ ગુજરાત સરકારની પ્રસંશા કરી હતી. ભારત પર્વ ૨૦૨૫ ના આઠમા દિવસે એકતાનગરના આંગણે દેશભરના વૈવિધ્યભાગી સાંસ્કૃતિક રંગોની ઝલક જોવા મળી હતી. ઓડિશાના સંભલપુરી અને ઓડિશી નૃત્યથી કાર્યક્રમની શરૂઆત થઈ હતી. ત્યારબાદ મહારાષ્ટ્રના ધાંગરી ગાજા અને સોંગી મુકુતેના લોકનૃત્યોએ દર્શકોને મંત્રમુગ્ધ કરી દીધા હતાં. ગુજરાતના મિશરા રાસ, ડાંગી ટ્રાઇબલ અને તિમ્બલી નૃત્યે સ્થાનિક પરંપરાનું ગૌરવ વધાર્યું હતું, જ્યારે પશ્ચિમ બંગાળના દુર્ગાપૂજા અને ખુશન હુડુમની રજૂઆતોએ પૂર્વ ભારતની સંસ્કૃતિને જીવંત બનાવી હતી. આ રંગબેરંગી સાંસ્કૃતિક કાર્યક્રમ નિહાળતા ઉપસ્થિત મહાનુભાવોએ ભારતની એકતામાં વિવિધતાની જીવંત અનુભૂતિ કરી કલાકારોના કૃતિ બદલ પ્રશંસા વ્યક્ત કરી હતી.