જામનગરમાં હિમાલય સોસાયટી વિસ્તારમાંથી એક નેપાળી હોટલ બોય નો મૃતદેહ શંકાસ્પદ હાલતમાં મળી આવતાં ચકચાલ: પોલીસ દ્વારા તપાસનો ધમધમાટ જામનગરમાં હિમાલય સોસાયટી વિસ્તારમાંથી એક નેપાળી હોટલ બોયનો મૃતદેહ ગળાફાંસો ખાધેલી હાલતમાં અને શંકાસ્પદ રીતે મળી આવ્યો હતો. পুলিশের મૃતદેહનો કબજો સંભાળી આ બનાવ મામલે ગંભીર તપાસ શરૂ કરી છે. આ બનાવની વિગત એવી છે કે જામનગરમાં ખોડીયાર કોલોની નજીક હિમાલય સોસાયટી શેરી નંબર -૩ માં રહેતા અને એક હોટેલમાં કામ કરતા રાજન કેસી નેપાળી નામના ૩૨ વર્ષના નેપાળી યુવેકનો મૃતદેહ મકાનની અગાસીપર લોખંડના એન્ગલમાં ગળા ફાંસો ખાધેલી હાલતમાં અને લટકતી અવસ્થામાં મળી આવ્યો હતો. મોડી સાંજે આ મૃતદેહ મળી આવતાં જામનગર ની સીટી સી. ડિવિઝનનો પોલીસ કાફલો ઘટના સ્થળે દોડતો હતો, ત્યારબાદ શહેર વિભાગના ડીવાયએસપી જે. એન. ઝાલા બનાવના સ્થળે પહોંચ્યા હતા, અને ઘટના સ્થળનું બારીકાઇ થી નિરીક્ષણ કર્યું હતું. પોલીસ દ્વારા નેપાળી યુવકના મૃતદેહ નો કબજો સંભાળી જામનગરની સરકારી જી.જી.હોસ્પિટલમાં ખસેડવામાં ગયો છે. અને તેના પોસ્ટ મોર્ટમ ના રિપોર્ટની રાહ જોવાઈ રહી છે. પોલીસ દ્વારા આસપાસના રહેવાસીઓ તેમજ હોટલ સાથે કામ કરતા અન્ય વ્યક્તિ વગેરેના નિવેદનો નોંધવાનું શરૂ કર્યું છે.