ગાંધીનગર ભારત દેશનો દરિયા કિનારો જેટલો વિશાળ છે એટલો જ દેશની સુરક્ષા અને અર્થતંત્ર માટે પણ ખુબ જ મહત્વનો છે. ત્યારે દેશની દરિયાર્થી સીમાની સુરક્ષા, નશીલા પદાર્થોની હેરાફેરી રોકવા, કુદરતી આપત્તિઓ સમયે સર્ચ અને રેસ્ક્યુ ઓપરેશન સહિતની અતિ મહત્વની કામગીરી પણ ભારતીય કોસ્ટગાર્ડ કરતું હોય છે. આ તમામ બાબતોની વર્તમાન સમીક્ષા અને ભવિષ્યની ચર્ચા-આયોજન કરવા ગાંધીનગરની ગિફ્ટસિટી ખાતે નેશનલ મેરિટાઇમ સર્ચ એન્ડ રેસ્ક્યુ બોર્ડની 23 મી મિટિંગ યોજાઈ. અતિ મહત્વની આ બેઠકમાં ભારતીય કોસ્ટગાર્ડના ડીજી ઉપરાંત, એરફોર્સ, નેવી, દેશ અને રાજ્યના શિપિંગ મંત્રાલય ઉપરાંત અન્ય સંબંધિત વિભાગોના ઉચ્ચ અધિકારીઓ ઉપસ્તિત રહ્યા. નોંધનીય છે કે આ બેઠક સમયાંતરે દેશના જુદા જુદા દરિયાઈ રાજ્યોના શહેરોમાં યોજાતી હોય છે. દરિયાઈ સુરક્ષા અને સર્ચ રેસ્ક્યુ સાથે સંકળાયેલા વિભાગ અને એજન્સીઓને સંયુક્ત વિચાર વિમર્શ કરી ભવિઃય યોજનાઓ તૈયાર કરી. દરમ્યાન બોર્ડના ચેરમેન તરીકે કોસ્ટગાર્ડના ડાયરેક્ટર જનરલે મિડિયા સાથે વાતચીત કરી. જેમાં સર્ચ એન્ડ રેસ્ક્યુ ઓપરેશન ઉપરાંત ગુજરાતના દરિયાઈ વિસ્તારમાં સમયાંતરે ગુજરાત ats સાથે મળીને કરવામાં આવેલા નાર્કોટિક્સ સબંધી ઓપરેશન અંગે પણ વાત કરી. આ મામલે ઝી મીડિયાએ કરેલા પ્રશ્નના જવાબમાં તેઓએ આ કામગીરી વધુ અસરકારક રીતે ચાલુ રાખવાની વાત કરી.