Ahmedabad Municipal Corporationના ઝોનવાઈઝ પાર્કિંગ પ્લાનથી અમદાવાદના ટ્રાફિકની સમસ્યાઓમાં મોટી રાહત. નોર્થ, વેસ્ટ અને નોર્થ-વેસ્ટ ઝોનમાં પાર્કિંગ વ્યવસ્થાથી ટ્રાફિકમાં નોંધપાત્ર સુધારો. ઝીરો ટોલરન્સ રોડ અને કડક એન્ફોર્સમેન્ટથી શહેરના મુખ્ય માર્ગો ખુલ્લા બન્યા. પાર્કિંગ સર્વેથી અમલ સુધી AMCની વ્યૂહરચના ટ્રાફિક દબાણ ઘટ્યું. ઓન-સ્ટ્રીટ અને ઓફ-સ્ટ્રીટ પાર્કિંગથી અમદાવાદમાં રોજિંદી અવરજવરમાં રાહત મળી. સાઇનેજ, ડિમાર્કેશન અને એન્ફોર્સમેન્ટથી ટ્રાફિકમાં સુધારો થયો. અમદાવાદ શહેરમાં વધતા ટ્રાફિકદબાણ અને ગેરવ્યવસ્થિત પાર્કિંગની સમસ્યાને દૂર કરવા માટે AMC દ્વારા નોર્થ, વેસ્ટ અને નોર્થ-વેસ્ટ ઝોન માટે વિસ્તૃત પાર્કિંગ પ્લાન અમલમાં મુકવામાં આવ્યો છે. વર્ષ 2023માં GPMC એક્ટ, 1949 હેઠળ અમલમાં આવેલી પાર્કિંગ નીતિના અનુસાર AMC દ્વારા પાર્કિંગ વ્યવસ્થાને સુવ્યવસ્થિત બનાવવા માટે કાર્યવાહી હાથધરાઈ છે. આ નીતિનો મુખ્ય હેતુ શહેરની આયોજન નીતિઓને અનુરૂપ પાર્કિંગ ઈન્ફ્રાસ્ટ્રક્ચર વિકસાવવો, વાહનવ્યહારને નિયંત્રિત કરવો અને નાગરિકોને વધુ સુલભ પાર્કિંગ વ્યવસ્થા ઉપલબ્ધ કરાવવાનો છે. પાર્કિંગ પ્લાન તૈયાર કરવા માટે નોર્થ, વેસ્ટ અને નોર્થ-વેસ્ટ ઝોનમાં વિગતવાર પાર્કિંગ સર્વે હાથ ધરવામાં આવ્યો હતો. ગ્રાઉન્ડ લેવલ પર પાર્કિંગ સપ્લાઈ-ડિમાન્ડનું મૂલ્યાંકન, પાર્કિંગ મેનેજમેન્ટ પ્લાનની રચના તેમજ એન્ફોર્સમેન્ટ, શૈર્ડ પાર્કિંગ, IPTS પાર્કિંગ, ડાયનામિક પ્રાઇસિંગ અને પાર્ક એન્ડ રાઇડ જેવી વ્યૂહરચનાઓનો સમાવેશ કરવામાં આવ્યો છે. આ નીતિના આધારે AMC દ્વારા શહેરના સિંધુ ભવન રોડ, સી.જી. રોડ અને 120 ફૂટ રિંગ રોડ પર પાયલોટ પ્રોજેક્ટ અમલમાં મૂકવામાં આવ્યો છે. આ માર્ગો પર ગેરકાયદેસર પાર્કિંગ સામે કડક એન્ફોર્સમેન્ટ, શેર્ડ પાર્કિંગ વ્યવસ્થા, પદયાત્રીઓની સુરક્ષા માટે સેફ્ટી રેલિંગ તથા પાર્કિંગ રેગ્યુલરાઇઝેશન જેવી વ્યવસ્થાઓ અમલમાં આવશે. ખાસ કરીને સિંધુ ભવન રોડ, રાજપથ રંગોલી રોડ અને બોપલ-આંબલી રોડને “ઝીરો ટોલરન્સ રોડ” જાહેર કરીને હવે આ માર્ગો પર કોઈપણ પ્રકારના ગેરકાયદેસર પાર્કિંગને મંજૂરી નહીં આપવામાં આવે. શહેરમાં પાર્કિંગ વ્યવસ્થાને વધુ સ્પષ્ટ બનાવા માટે AMC દ્વારા ઓફ-સ્ટ્રીટ અને ઓન-સ્ટ્રીટ પાર્કિંગ સ્થળોએ કુલ 883 પાર્કિંગ સાઇનેજ સ્થાપિત કરવામાં આવ્યા છે. સાથે 661 “નૉ વેન્ડિંગ” સાઇનેજ લગાવવામાં આવ્યા છે. ઓન-સ્ટ્રીટ પાર્કિંગના અમલના ભાગરૂપે શહેરના 38 માર્ગો પર થર્મોપ્લાસ્ટ પેઇન્ટ અને ડિમાર્કેશન કરવામાં આવ્યું છે. mettરો સ્ટેશન, બસ સ્ટોપ, ચોક અને AMC પે એન્ડ પાર્ક સ્થળો નજીક “નô પાર્કિંગ” તથા “પાર્કિંગ ઉપલબ્ધ” સાઇનેજ લગાવવામાં આવ્યા છે. IPTS પાર્કિંગ, કેબ અને ઓટો રિક્ષા માટે પિકઅપ-ડ્રોપ ઝોન તેમજ ઓફ-સ્ટ્રીટ પાર્કિંગ સુવિધાઓ વિકસાવવામાં આવશે. AMC પ્લોટ્સ પર મૂળભૂત સુવિધાઓ વિકસાવીને ઓફ-સ્ટ્રીટ પાર્કિંગના ઉપયોગને વધાથવા તથા જાહેર પરિવહનને પ્રોત્સાહન આપવા દિશામાં આ પગલાં મહત્વપૂર્ણ સાબિત થશે. નિયમિત એન્ફોર્સમેન્ટ, ગેરકાયદેસર પાર્ક કરાયેલા વાહનો સામે કાર્યવાહી, ફૂટપાથ રિપેરેંગ અને નવા ફૂટપાથ નિર્માણ સાથે નાગરિકોમાં પાર્કિંગ શિસ્ત અંગે જાગૃતિ ફેલાવવાના અભિયાન દ્વારા AMC ટ્રાફિક સમસ્યાને મૂળથી ઉકેલવાનો પ્રયાસ કરાયું છે.