Visakhapatnam Vijayawada Metro Funding: ఆంధ్రప్రదేశ్‌లోని ప్రధాన నగరాలైన విశాఖపట్నం, విజయవాడ వాసులకు రాష్ట్ర ప్రభుత్వం తీపి కబురు అందించింది. ఎప్పుడెప్పుడా అని ఎదురుచూస్తున్న మెట్రో రైలు ప్రాజెక్టులకు సంబంధించి కేంద్ర ప్రభుత్వం నుండి సానుకూల సంకేతాలు వచ్చాయి. ముఖ్యమంత్రి చంద్రబాబు నాయుడు ఇటీవల ఢిల్లీ పర్యటనలో కేంద్ర మంత్రులతో జరిపిన చర్చలు సఫలమవ్వడంతో, ఈ ప్రాజెక్టుల డీపీఆర్ (DPR)లకు త్వరలోనే ఆమోదం లభించనుంది.

రాష్ట్ర విభజన తర్వాత ఏపీలో మెట్రో రైలు కల సాకారం అయ్యే దిశగా అడుగులు పడుతున్నాయి. కేంద్రం డీపీఆర్‌లను ఆమోదించిన వెంటనే నిర్మాణ పనులు ప్రారంభం కానున్నాయి. ఈ మెట్రో ప్రాజెక్టుల కోసం మొత్తం రూ.42 వేల కోట్లు ఖర్చవుతాయని అంచనా.

తొలి దశ: రూ.22 వేల కోట్లు (విశాఖకు రూ.12 వేల కోట్లు, విజయవాడకు రూ.11 వేల కోట్లు).

నిధుల పంపిణీ: కేంద్రం 20%, రాష్ట్రం 20% చొప్పున ఈక్విటీ షేర్లను పంచుకోనున్నాయి.

రుణాలు: మిగిలిన 60% నిధులను ప్రపంచ బ్యాంకు (World Bank), ఆసియా అభివృద్ధి బ్యాంకు (ADB)ల నుండి రుణంగా తీసుకోనున్నారు. ఈ రుణాలకు కేంద్ర ప్రభుత్వం గ్యారెంటీ ఇవ్వనుంది.

విశాఖపట్నం మెట్రో - మార్గాలు
విశాఖ మెట్రోను రెండు దశల్లో నిర్మించనున్నారు. మొత్తం పొడవు సుమారు 76.9 కిలోమీటర్లు. తొలి దశ 46.23 కి.మీ. పనులు చేపట్టనున్నారు. ఈ దశలో  స్టీల్ ప్లాంట్ నుండి కొమ్మాది కూడలి వరకు.. గురుద్వారా నుండి పాత పోస్టాఫీసు వరకు.. తాటిచెట్లపాలెం నుండి చినవాల్తేరు వరకు మెట్రో ప్రాజెక్టును చేపట్టనున్నారు. అలాగే రెండో దశలో 30.67 కి.మీ. మేర కొమ్మాది నుండి భోగాపురం అంతర్జాతీయ విమానాశ్రయం వరకు పనులు జరగనున్నాయి.

విజయవాడ మెట్రో - కారిడార్లు
విజయవాడ మెట్రో కారిడార్లలో కేంద్రం సూచనల మేరకు కొన్ని సవరణలు జరగనున్నాయి. తొలి దశలో పండిట్ నెహ్రూ బస్టాండ్ (PNBS) నుండి గన్నవరం విమానాశ్రయం వరకు ఉండగా.. రెండో దశలో బస్టాండ్ నుండి రాజధాని ప్రాంతం అమరావతి వరకు కనెక్టివిటీ ఉండనుంది.

ఈ ప్రాజెక్టులకు సంబంధించి ఇప్పటికే టెండర్లు ఖరారు అయినప్పటికీ, కేంద్రం నుండి డీపీఆర్‌ల ఆమోదం పెండింగ్‌లో ఉంది. ఇటీవల జరిగిన చర్చల నేపథ్యంలో, డీపీఆర్‌లకు తుది ఆమోదం లభించిన వెంటనే భూసేకరణ, నిర్మాణ పనులు శరవేగంగా ప్రారంభం కానున్నాయి.

విశాఖ, విజయవాడ మెట్రో ప్రాజెక్టులు అందుబాటులోకి వస్తే రాష్ట్రంలో రవాణా వ్యవస్థ పూర్తిగా మారిపోనుంది. ట్రాఫిక్ కష్టాలు తగ్గడమే కాకుండా, పారిశ్రామిక, ఆర్థిక వృద్ధికి ఈ ప్రాజెక్టులు ఊతమివ్వనున్నాయి.

Budhaditya Raja Yoga 2026 Effect On Zodiac Telugu: వచ్చే శుక్రవారం ఫిబ్రవరి 13వ తేదీ చాలా శుభప్రదమైనదిగా జ్యోతిష్య శాస్త్ర నిపుణులు భావిస్తున్నారు. ఎందుకంటే సౌరమండల రాజుగా భావించే సూర్యుడు మకర నుంచి కుంభంలోకి ప్రవేశించబోతున్నాడు. బుధుడు ఇప్పటికే శని పాలించే కుంభరాశిలో సంచార దశలో ఉన్నాడు. దీంతో ఈ రెండు గ్రహాల శక్తివంతమైన సంయోగం జరగబోతుందని జ్యోతిష్యులు తెలుపుతున్నారు. దీని కారణంగానే ఎంతో శుభప్రదమైన బుధాదిత్య రాజయోగం ఏర్పడుతుంది. ఇది కొన్ని రాశుల వారికి అదృష్టాన్ని తెచ్చి పెట్టబోతోంది. 

ముఖ్యంగా బుధాదిత్య రాజయోగం ఏర్పడడం వల్ల దీని ప్రభావం కొన్ని రాశుల వారి తెలివితేటలతో పాటు విద్యాభివృద్ధి ఆర్థిక విషయాలపై పడే అవకాశాలున్నాయి. దీని కారణంగా ఏకకాలంలో మార్పులు సంభవించే అవకాశాలు కనిపిస్తున్నాయని జ్యోతిష్యులు చెబుతున్నారు. ముఖ్యంగా ఫిబ్రవరి 13 నుంచి నాలుగు రాశుల వారి జీవితాల్లో అద్భుతమైన మార్పులు రాబోతున్నాయి. అంతేకాకుండా ఊహించని అదృష్టం కూడా లభించబోతోంది.

ఈ రాశులవారికి బంపర్‌ లాభాలు:
మేషరాశి 
మేష రాశి వారికి బుధాదిత్య రాజయోగం కారణంగా ఎన్నో రకాల ప్రయోజనాలు కలుగుతాయి. ముఖ్యంగా ఈ సమయంలో వీరికి కొత్త ఆదాయ వనరులు రావడం ప్రారంభమవుతాయి. దీనివల్ల వీరు ఆర్థికంగా మెరుగుపడతారు. అలాగే సామాజిక సంబంధాలు కూడా భారీ మొత్తంలో పెరిగే అవకాశాలు ఉన్నాయి. తోబుట్టుల నుంచి మంచి సపోర్టు పొంది అద్భుతమైన లాభాలు కూడా పొందుతారు. 

మిథున రాశి 
మిధున రాశి వారికి తొమ్మిదవ స్థానంలో ఈ బుధాదిత్య రాజయోగం ఏర్పడుతుంది. ఫలితంగా ఈ రాశి వారికి ఊహించని ప్రయోజనాలు కలుగుతాయి. అలాగే మానసిక ప్రశాంతత కూడా మెరుగుపడే అవకాశాలున్నాయి. దీంతోపాటు చదువులతో పాటు పోటీ పరీక్షలు అద్భుతమైన విజయాలు సాధించగలుగుతారు. అంతేకాకుండా ఒత్తిడి నుంచి కూడా ఎంతో సులభంగా ఉపశమనం కలుగుతుంది.

సింహరాశి 
సింహరాశి వారికి బుధాదిత్య రాజయోగ ప్రభావంతో విశేషమైన ప్రయోజనాలు కలుగుతాయి. వ్యాపారాలపరంగా ఈ సమయం చాలా లాభదాయకంగా ఉంటుంది. ఒపందాలు విజయాలు సాధించే అవకాశాలున్నాయి. అంతేకాకుండా సమాజంలో గౌరవంతో పాటు హోదా కూడా విపరీతంగా పెరుగుతుంది. అలాగే వైవాహిక జీవితం చాలా బాగుంటుంది. వీరికి ఈ సమయంలో సృజనాత్మకత కూడా ఊహించని స్థాయిలో పెరుగుతుంది. 

తులారాశి 
మహారాష్ట్రలో జన్మించిన వ్యక్తులకు బుధాదిత్య రాజయోగ ప్రభావం అద్భుతంగా ఉంటుంది. వీరికి ఈ సమయంలో ప్రేమ జీవితం చాలా సానుకూలంగా మారుతుంది. తెలివితేటలు కూడా చాలా వరకు పెరుగుతాయి. దీనివల్ల వీరు అనుకోని లాభాలు కూడా పొందుతారు. వైవాహిక జీవితంలో వస్తున్న అన్ని రకాల సమస్యలు పూర్తిగా తొలగిపోతాయి.

Gold Silver Price Prediction: బులియన్ మార్కెట్‌లో బంగారం, వెండి ధరలు ప్రస్తుతం ఒక రేంజ్ బౌండ్‌లో కదులుతున్నాయి. జనవరిలో ఆకాశాన్ని తాకిన ధరలు, ఫిబ్రవరి నాటికి కొంత దిగివచ్చినప్పటికీ, మళ్లీ పుంజుకునే సంకేతాలు కనిపిస్తున్నాయి. అంతర్జాతీయ పరిణామాలు, అమెరికా ఫెడరల్ రిజర్వ్ నిర్ణయాలు ఈ హెచ్చుతగ్గులకు ప్రధాన కారణం. గత కొద్ది రోజులుగా పసిడి ధరలు తగ్గుతూ, పెరుగుతూ ఇన్వెస్టర్లను ఊగిసలాటలో ఉంచుతున్నాయి.

ప్రస్తుతం మార్కెట్‌లో ధరలు గరిష్ట స్థాయిల కంటే కొంత తక్కువగానే ట్రేడవుతున్నాయి. 22 క్యారెట్ల బంగారం (1 గ్రాము) రూ.14,965గా ఉండగా..  24 క్యారెట్ల బంగారం ధర (1 గ్రాము) రూ.16,325 లకు అమ్మకం జరుగుతుంది. మరోవైపు కిలో వెండి కూడా రూ.2,80,000 నుంచి రూ.3,00,000ల మధ్య ట్రేడ్ అవుతోంది.

ధరలు తగ్గడానికి గల కారణాలు
జనవరిలో బంగారం 10 గ్రాములు రూ.2 లక్షలు, వెండి కిలో రూ.4 లక్షలు దాటి రికార్డు సృష్టించాయి. ఆ తర్వాత ధరలు తగ్గడానికి ప్రధాన కారణాలు చాలానే ఉన్నాయి. ధరలు గరిష్ట స్థాయికి చేరినప్పుడు ఇన్వెస్టర్లు అమ్మకాలకు మొగ్గు చూపడంతో పాటు అలాగే అమెరికా రాజకీయాలు కూడా బంగారం వెండి ధరల్లో హెచ్చుతగ్గులకు పరోక్ష కారణం అవుతున్నాయి. డొనాల్డ్ ట్రంప్ ఫెడరల్ రిజర్వ్ చైర్ నామినీని ప్రకటించిన తర్వాత మార్కెట్‌లో కొంత స్థిరీకరణ కనిపించింది. యుద్ధ మేఘాలు కొంత సడలడంతో సురక్షిత పెట్టుబడిగా ఉన్న బంగారంపై ఒత్తిడి తగ్గింది.

రానున్న రోజుల్లో ధరలు పెరుగుతాయా?
స్వల్పకాలికంగా మార్కెట్‌లో ఒడిదుడుకులు ఉన్నప్పటికీ, దీర్ఘకాలంలో ధరలు పెరిగేందుకే ఎక్కువ అవకాశాలు ఉన్నాయని నిపుణులు చెబుతున్నారు. అమెరికా ఫెడరల్ రిజర్వ్ వడ్డీ రేట్లను తగ్గించవచ్చనే అంచనాలు బంగారం ధరకు బలాన్ని ఇస్తున్నాయి. ప్రపంచవ్యాప్తంగా నెలకొన్న ఆర్థిక పరిస్థితుల దృష్ట్యా, ఈ ఏడాది ఇప్పటివరకు బంగారం 17.5% వృద్ధిని నమోదు చేసింది.

అసలైన పెరుగుదల ఇంకా ముందుందని, రానున్న రోజుల్లో వెండి, బంగారం మళ్లీ పాత రికార్డులను బద్దలు కొట్టే అవకాశం ఉందని బులియన్ నిపుణుల అంచనా. ధరలు తగ్గినప్పుడు కొనుగోలు చేయడం ఉత్తమ వ్యూహమని విశ్లేషకులు సూచిస్తున్నారు. మార్కెట్ అస్థిరత కొనసాగే అవకాశం ఉన్నందున, దీర్ఘకాలిక పెట్టుబడిదారులు ప్రస్తుత ధరలను అనుకూలంగా మార్చుకోవచ్చు.

(గమనిక: పైన పేర్కొన్న సమాచారం కేవలం కొన్ని నివేదికల ద్వారా రూపొందించింది. దీన్ని పాటించే ముందు సంబంధిత నిపుణుడ్ని సంప్రదించడం మేలు. దీన్ని జీ తెలుగు న్యూస్ ధ్రువీకరించడం లేదు.)

New Health Scheme: ప్రజలకు సేవ చేస్తున్న ప్రభుత్వ ఉద్యోగులు తమ సమస్యలు పరిష్కరించుకోకపోవడం.. డిమాండ్లు నెరవేర్చుకోకపోవడం జరుగుతోంది. తమకు న్యాయపరంగా.. హక్కుగా దక్కాల్సిన పథకాలు, ఆర్థిక ప్రయోజనాలు లభించకపోవడంతో తీవ్ర ఆగ్రహంతో ఉన్న ఉద్యోగులకు ప్రభుత్వం తీపి కబురు వినిపించిబోతున్నట్టు తెలుస్తోంది. నేడు ఉద్యోగులకు సంబంధించి ప్రభుత్వం కీలక ప్రకటన విడుదల చేసే అవకాశాలు ఉన్నాయి. ఆ వివరాలు ఇలా ఉన్నాయి.

Govt Employees Demands: సుదీర్ఘకాలంగా అపరిష్కృతంగా ఉన్న తమ సమస్యలు, డిమాండ్లపై తెలంగాణ ఉద్యోగులు తీవ్ర ఆగ్రహంతో ఉన్నారు. అధికారంలోని కాంగ్రెస్‌ ప్రభుత్వం మాత్రం కమిటీలు, చర్చలు అంటూ కాలయాపన చేస్తుండడంతో ఉద్యోగులు తీవ్ర ఇబ్బందులు పడుతున్నారు. తమకు న్యాయపరంగా.. హక్కుగా దక్కాల్సిన వాటిని కూడా ప్రభుత్వం నెరవేర్చకపోవడంతో ఇప్పటికే తీవ్ర ఆగ్రహంతో ఉన్న ప్రభుత్వ ఉద్యోగులు తాజాగా సంచలన నిర్ణయం తీసుకున్నారు. తమ డిమాండ్లు, సమస్యలపై రేవంత్‌ రెడ్డి ప్రభుత్వానికి ఆల్టిమేటం జారీ చేశారు. అందులో భాగంగా ప్రభుత్వానికి తెలంగాణ గెజిటెడ్ అధికారుల కేంద్ర సంఘం (టీజీఓసీఏ) సంచలన లేఖ రాసింది. ఆ వివరాలు ఇలా ఉన్నాయి.

BRS Party vs Congress: తెలంగాణ రాజకీయాలు హాట్‌హాట్‌గా కొనసాగుతున్న సమయంలో జరిగిన మున్సిపల్‌ కార్పొరేషన్‌ ఎన్నికలు తీవ్ర ఉత్కంఠ నెలకొన్నాయి. కాంగ్రెస్‌ గూండాలు.. పోలీసులు అధికార పార్టీకి సహకరించడంతో చాలా చోట్ల వివాదం రాజుకుంది. మున్సిపాలిటీలను కైవసం చేసుకునేందుకు కాంగ్రెస్‌ పార్టీ జోరుగా ప్రలోభాలకు గురి చేయగా.. బహిరంగంగా డబ్బులు, కానుకలు పంచింది. ఎదురు తిరిగిన వారిపై కాంగ్రెస్‌ గూండాలతోపాటు స్వయంగా అగ్ర నాయకులు రంగంలోకి దిగి పోలీసులతో వాగ్వాదానికి దిగారు. ఈ ఉత్కంఠ మధ్య జరిగిన ఓటింగ్‌ భారీగా నమోదు కాగా ఈ పోలింగ్‌పై ఎగ్జిట్‌ పోల్‌ ఫలితాలు వచ్చాయి. ప్రధానంగా పీపుల్స్‌ పల్స్‌ ఎగ్జిట్‌ పోల్‌ ఫలితాలు ప్రజలు బాగా విశ్వసిస్తారు. ఆ ఫలితాలు ఎలా ఉన్నాయో తెలుసుకుందాం.

Municipal Exit Poll Results: పంచాయతీ ఎన్నికల్లో ఎదురుగాలి వీయగా.. మున్సిపల్‌ ఎన్నికలను కాంగ్రెస్‌ ప్రభుత్వం ఆలస్యంగా నిర్వహించినా తీవ్ర ఉత్కంఠతో ఎన్నికలు జరిగాయి. 116 మున్సిపాలిటీలు, 7 మున్సిపల్‌ కార్పొరేషన్‌లో బుధవారం పోలింగ్‌ ముగిసింది. కాంగ్రెస్‌ పార్టీ శ్రేణులు గూండాల్లా రెచ్చిపోయి పోలింగ్‌ కేంద్రాల వద్ద దాడులు చేయగా.. పలుచోట్ల తీవ్ర ఘర్షణలు చోటుచేసుకున్నాయి. బ్యాలెట్‌ పత్రాల్లో ఓటర్లు తమ నిర్ణయాన్ని ఉంచారు. ఎల్లుండి ఫలితాలు విడుదల కానుండగా ఎగ్జిట్‌ పోల్స్‌ ఫలితాలు విడుదలయ్యాయి. ఈ ఫలితాల్లో ఆసక్తికర విషయాలు ఉన్నాయి. యథావిధిగా అధికార పార్టీకి అత్యధిక స్థానాలు దక్కుతుండగా.. అంతే పోటీగా బీఆర్ఎస్‌ పార్టీకి స్థానాలు దక్కుతున్నాయి. బీజేపీకి సింగిల్‌ డిజిట్‌ స్థానాలు దక్కే అవకాశాలు ఉన్నాయి.

Moto G57 Power 5G Price Cut: ఇటీవల మోటరోలా కంపెనీ విడుదల చేసిన సరికొత్త మొబైల్స్‌లో Moto G57 Power 5G స్మార్ట్‌ఫోన్ ఒకటి. ఇది అద్భుతమైన భారీ బ్యాటరీ సెట్ అప్ తో అందుబాటులోకి వచ్చింది. దీనిని కంపెనీ ఎన్నో రకాల ప్రీమియం ఫీచర్లతో విడుదల చేసింది. ముఖ్యంగా చాలా ప్రత్యేకమైన డిస్ప్లే సెటప్ ను కలిగి ఉంటుంది. కాబట్టి అతి తక్కువ ధరలోనే మంచి మొబైల్ కొనుగోలు చేయాలనుకునే వారికి ఇది బెస్ట్ ఛాయిస్ గా భావించవచ్చు. అయితే, ఈ స్మార్ట్‌ఫోన్‌పై ఇప్పుడు ఫ్లిప్‌కార్ట్‌లో ప్రత్యేకమైన డిస్కౌంట్ ఆఫర్స్ అందుబాటులో ఉన్నాయి. ఇందులో భాగంగా కొనుగోలు చేసేవారు భారీ తగ్గింపుతో దీనిని సొంతం చేసుకోవచ్చు. అయితే, ఈ మొబైల్‌పై ఉన్న స్పెషల్ ఆఫర్స్ ఏంటో? ఎంత తగ్గింపు ధరకు ఈ  స్మార్ట్‌ఫోన్ అందుబాటులో ఉందో ఇప్పుడు మనం తెలుసుకుందాం. 

ఈ Moto G57 Power 5G స్మార్ట్‌ఫోన్ 6.72 అంగుళాల Full HD+ LCD డిస్‌ప్లేతో అందుబాటులోకి వచ్చింది. ఇది 120Hz రిఫ్రెష్ రేట్, 1050 నిట్స్ బ్రైట్నెస్ తో లభిస్తోంది. ఈ మొబైల్ కార్నింగ్ గొరిల్లా గ్లాస్ 7i ప్రొటెక్షన్ తో అందుబాటులోకి వచ్చింది. అలాగే ఎంతో శక్తివంతమైన 7,000mAh భారీ బ్యాటరీని కలిగి ఉంటుంది. ఈ స్మార్ట్‌ఫోన్‌కు ప్లస్ పాయింట్ ఇదే అని చెప్పొచ్చు. అయితే ఇందులో ఫాస్ట్ చార్జింగ్ సపోర్టు కోసం 33W టర్బోపవర్ (TurboPower) ఫాస్ట్ చార్జర్ ని కూడా అందిస్తోంది. దీనిని ఒక్కసారి ఛార్జ్ చేస్తే దాదాపు 60 గంటల వరకు బ్యాటరీ లైఫ్‌ను కలిగి ఉంటుంది.

ఈ స్మార్ట్‌ఫోన్ ఎంతో శక్తివంతమైన Snapdragon 6s Gen 4 (ఇది 4nm చిప్‌సెట్ ప్రాసెసర్ పై లాంచ్ అయింది. ఇది 8gb ర్యామ్ సపోర్టుతో అందుబాటులో ఉంది. అలాగే రెండు స్టోరేజ్ ఆప్షన్స్‌లో లభిస్తోంది. ప్రస్తుతం 128 జీబీ ఇంటర్నల్ స్టోరేజ్ తో పాటు 256 GB ఇంటర్నల్ స్టోరేజ్ ఆప్షన్లలో అందుబాటులో ఉంది. ఇది ఆండ్రాయిడ్ 16 ఆపరేటింగ్ సిస్టంపై ఈ రన్ అవుతుంది. దీంతోపాటు Sony LYT-600 సెన్సార్‌తో 50MP మెయిన్ కెమెరాతో అందుబాటులో ఉంది. ఈ మొబైల్ లో అదనంగా 8MP అల్ట్రావైడ్ లెన్స్‌ను కలిగి ఉంటుంది. ఈ స్మార్ట్‌ఫోన్ ఫ్రంట్ భాగంలో 8MP సెల్ఫీ కెమెరా కూడా అందుబాటులో ఉంది. ఇందులో డాల్బీ అట్మాస్ (Dolby Atmos) సపోర్ట్‌తో కూడిన స్టీరియో స్పీకర్లను కలిగి ఉంటుంది. ఇందులో కంపెనీ 5G సపోర్ట్, బ్లూటూత్ 5.1, USB టైప్-సి కనెక్టివిటీ ఫీచర్లను కూడా అందిస్తోంది.

Moto G57 Power 5G స్మార్ట్‌ఫోన్ మార్కెట్‌లో బేస్ వేరియంట్ ధర రూ.17,999 కాగా.. ఇప్పుడే ఫ్లిఫ్‌కార్ట్‌లో కొనుగోలు చేసే వారికి 22 శాతం తగ్గింపుతో కేవలం రూ.13, 999కే అందుబాటులో ఉంది. అంతేకాకుండా యాక్సిస్ బ్యాంకు క్రెడిట్ కార్డు వినియోగించి పేమెంట్ చేసే వారికి అదనంగా రూ.700 వరకు డిస్కౌంట్ లభిస్తుంది. అలాగే ఎస్బిఐ బ్యాంక్ క్రెడిట్ కార్డును వినియోగించి పేమెంట్ చేసే వారికి కూడా ఇదే తగ్గింపు లభిస్తుంది. ఇక అదనంగా మరింత చీపు ధరకే ఈ మొబైల్ పొందాలనుకునే వారు ఎక్స్చేంజ్ బోనస్ ఆఫర్ వినియోగించాల్సి ఉంటుంది. దీనిని వినియోగిస్తే ఏకంగా రూ.13 వేల వరకు బోనస్ లభిస్తుంది. దీంతో మీరు ఈ మొబైల్‌కి కేవలం రూ.999 లోపే పొందవచ్చు.

Nothing Phone 3a Pro Price: నథింగ్ ఫోన్ (3a) ప్రో (Nothing Phone 3a Pro) స్మార్ట్‌ఫోన్‌ను కంపెనీ 2025 సంవత్సరం మార్చి నెలలో విడుదల చేసింది. ఇది అత్యంత శక్తివంతమైన మిడ్-రేంజ్ స్మార్ట్ ఫోన్‌గా లాంచ్ అయింది. అయితే, ఇప్పుడే కొనుగోలు చేయాలనుకునే వారికి ఈ మొబైల్ ఎన్నో రకాల ప్రత్యేకమైన డిస్కౌంట్ ఆఫర్స్‌తో అందుబాటులో ఉంది. ముఖ్యంగా ఫ్లిఫ్‌కార్ట్‌లో కొనుగోలు చేస్తే అదనంగా ప్రత్యేకమైన కూపన్ కూడా లభిస్తుంది. దీనిని వినియోగిస్తే ఈ మొబైల్ గతంలో ఎన్నడు లభించని ప్రత్యేకమైన డిస్కౌంట్ ఆఫర్స్‌తో సొంతం చేసుకోవచ్చు. అయితే, ఈ  స్మార్ట్ ఫోన్‌కు సంబంధించిన అన్ని రకాల వివరాలు ఇప్పుడు తెలుసుకుందాం.

Nothing Phone 3a Pro స్మార్ట్‌ఫోన్ అద్భుతమైన 6.77-అంగుళాల Flexible AMOLED డిస్‌ప్లేతో అందుబాటులోకి వచ్చింది. ముఖ్యంగా ఇది 120Hz అడాప్టివ్ రిఫ్రెష్ రేట్, 3000 nits గరిష్ట బ్రైట్‌నెస్‌తో లభిస్తోంది. అలాగే ఈ స్మార్ట్ ఫోన్ ఎంతో శక్తివంతమైన Qualcomm Snapdragon 7s Gen 3 (4nm) చిప్‌సెట్‌ ప్రాసెసర్ పై విడుదలైంది. ఇది 128 జీబీ ఇంటర్నల్ స్టోరేజ్‌తో పాటు మార్కెట్‌లో 256GB ఇంటర్నల్ స్టోరేజ్‌తో లభిస్తోంది. అదేవిధంగా వెనక భాగంలో ఇది త్రిపుల్ కెమెరా సెటప్‌ను కలిగి ఉంటుంది. దీని ప్రధాన కెమెరా అద్భుతమైన సెన్సార్‌తో లభిస్తుంది. 

ఈ Nothing Phone 3a Pro మొబైల్‌కు సంబంధించిన బ్యాక్ సెటప్ వివరాల్లోకి వెళ్తే.. దీనిని కంపెనీ OIS సెన్సార్‌తో కూడిన 50MP మెయిన్ కెమెరాతో అందుబాటులోకి తీసుకువచ్చింది. దీంతోపాటు అదనంగా 3x ఆప్టికల్ జూమ్ సపోర్ట్ 50MP పెరిస్కోప్ టెలిఫోటో లెన్స్ కెమెరా కూడా లభిస్తోంది. అలాగే  అదనంగా మరో 8MP అల్ట్రా-వైడ్ లెన్స్ కెమెరా కూడా అందుబాటులో ఉంటుంది. ఫ్రంట్ భాగంలో 50MP ఫ్రంట్ కెమెరా, ఇది 4K వీడియో రికార్డింగ్‌ను సపోర్టుతో అందుబాటులోకి వచ్చింది. ఇది ఎంతో శక్తివంతమైన 5000 mAh బ్యాటరీ, 50W ఫాస్ట్ ఛార్జింగ్‌ సపోర్టును కలిగి ఉంటుంది. 

అంతేకాకుండా ఈ Nothing Phone 3a Pro స్మార్ట్‌ఫోన్‌ చాలా ప్రత్యేకమైన Android 15 ఆధారిత Nothing OS 3.1 ఆపరేటింగ్ సిస్టంపై రన్ అవుతుంది. అలాగే దీనికి కంపెనీ మూడేళ్ల పాటు ఆండ్రాయిడ్ అప్డేట్‌ను కూడా అందిస్తోంది. ఆరేళ్ల పాటు సెక్యూరిటీ ప్యాచ్ సపోర్టును కూడా అందిస్తోంది. ప్రస్తుతం మార్కెట్లో 128Gb ఇంటర్నల్ స్టోరేజ్ కలిగిన మొబైల్ రూ.29 వేల రూపాయలతో అందుబాటులో ఉంది. ఇక దీనిని ఫ్లిప్‌కార్ట్‌లో ఇప్పుడే కొనుగోలు చేస్తే రూ.3000 వరకు కూపన్ లభిస్తుంది. దీంతోపాటు ఫ్లిప్‌కార్ట్‌ అనుసంధాన యాక్సిస్ బ్యాంక్ క్రెడిట్ కార్డును వినియోగించి పేమెంట్ చేస్తే రూ.1,300 వరకు తగ్గింపు లభిస్తుంది. దీంతో ఈ ఆఫర్స్ అన్ని వినియోగిస్తే ఈ స్మార్ట్‌ఫోన్‌ కేవలం రూ.25 వేల లోపే వస్తుంది. అలాగే దీనిని ఎక్స్చేంజ్ ఆఫర్ వినియోగించి కొనుగోలు చేసే వారికి రూ.20 వేల వరకు బోనస్ లభిస్తుంది. దీంతో ఈ మొబైల్ కేవలం రూ.5 వేల లోపే సొంతం చేసుకోవచ్చు. 

White King Cobra Video Watch: ప్రకృతి ఒడిలో ఎన్నో వింత జీవులు జీవిస్తూ ఉంటాయి. ముఖ్యంగా కొన్ని రకాల జీవులు అందర్నీ ఎంతగానో ఆశ్చర్యపరిస్తూ ఉంటాయి. ఇందులో భాగంగా ఇటీవల ఓ అందమైన నదిలో కనిపించిన అరుదైన పాముకు సంబంధించిన వీడియో ఇప్పుడు సోషల్ మీడియాలో హల్ చల్ చేస్తోంది. సాధారణంగా పాములు మనం నలుపు గోధుమ రంగుల్లో చూస్తూ ఉంటాం. కానీ ఈ వీడియోలో మాత్రం ఆ పాము తెలుపు రంగులో నదిలో పాకుతూ రావడం ఆశ్చర్యం కలిగిస్తోంది. ఇప్పుడు దీనికి సంబంధించిన వీడియోను చూసి సోషల్ మీడియా వినియోగదారుల ఆశ్చర్యపోతున్నారు. దీనికి సంబంధించిన పూర్తి వివరాలు ఇప్పుడు తెలుసుకుందాం. 

ఇక వీడియో వివరాల్లోకి వెళ్తే.. ప్రకృతి ఒడిలో ఎంతో అందంగా ప్రవహిస్తున్న ఒక నది కనిపిస్తుంది.. అందులో నీరు ఎంతో నిర్మలంగా.. నది అడుగులో ఆకుపచ్చని రంగులో మెరుస్తూ ఉండడం మీరు చూడొచ్చు. కొందరు పర్యాటకులు నీటిలో కేరింతలు కొడుతూ స్నానం చేస్తున్నారు. ఇంతలోనే నీటిలో నుంచి అనుకోకుండా ఒక భారీ పాము ప్రవేశించింది. ఆ పాము తెలుగులోని రంగులో ఉండడం మీరు గమనించవచ్చు. అయితే, అది చాలా పొడవుగా చూడడానికి అత్యంత ప్రమాదకరంగా కనిపిస్తోంది..

ఈ పాము అక్కడ ఈదుతున్న పర్యాటకుల వైపుగా రావడం మీరు గమనించవచ్చు. ఆ పాము రావడం గమనించిన పర్యాటకులు ఒక్కసారిగా భయాందోళనకు గురయ్యారు. కొందరు ఆ పామును చూసి నీటిలో నుంచి బయటికి వచ్చే ప్రయత్నం చేశారు. మరికొందరు ఒడ్డు పైనే ఉండి.. ఆ పామును మొబైల్‌లో చిత్రీకరిస్తున్నారు. అయితే, ఆ పాము మాత్రం ఎంతో వేగంగా పర్యాటకుల వైపు గానే దూసుకు రావడం మీరు గమనించవచ్చు. ఈ పాము ఎవరికీ హాని చెయ్యకుండా ఈదుతూ నెమ్మదిగా ముందుకు వస్తోంది. 

అయితే, అక్కడే ఉన్న కొంతమంది ఆ పాముకు భయపడి ఒడ్డు పైకి చేరుకున్నారు. ఆ పాము వారికి అతి సమీపంలోకి రావడం వల్ల ఒక్కసారిగా భయాందోళనకు గురయ్యారు. ఆ పాము నదిలోకి ఎక్కడి నుంచి వచ్చిందో తెలియదు కానీ.. పర్యాటకుల ఆనందానికి మాత్రం అంతరాయం కలిగించింది. ప్రకృతిలో మనతోపాటు ఇలాంటి ఎన్నో జీవులు నివసిస్తూ ఉంటాయి. ఇలా అప్పుడప్పుడు అనుకోకుండా దర్శనమిస్తాయి.. ఇలాంటి సందర్భాలను చిత్రీకరించి కొంతమంది సోషల్ మీడియాలో పోస్ట్ చేస్తూ ఉంటారు. ఇందులో భాగంగానే ఈ వీడియో కూడా వైరల్ అవుతుంది.

Preconception Care Importance: మహిళలు ఆరోగ్యవంతమైన బిడ్డకు జన్మనివ్వడం అనేది గర్భం దాల్చిన తర్వాత మొదలయ్యే ప్రక్రియ కాదు. అది గర్భధారణకు ముందే ప్రారంభం కావాలి. తల్లి కావాలనుకునే మహిళలు తీసుకోవాల్సిన జాగ్రత్తలు, ముందస్తు పరీక్షల ప్రాముఖ్యతను ఫెర్నాండెజ్ హాస్పిటల్ రిజిస్ట్రార్ డాక్టర్ శ్రీలేఖ A.R అందించిన కొన్ని సలహాలు, సూచనలు  తెలుసుకుందాం.

చాలామంది మహిళలు గర్భం దాల్చిన తర్వాతే వైద్యులను సంప్రదిస్తుంటారు. కానీ, గర్భం దాల్చడానికి ముందే చేసే పరీక్షలు, పోషకాహార మార్పులు పుట్టబోయే బిడ్డలో వచ్చే అనేక ఆరోగ్య సమస్యలను నిరోధించగలవు.

ముందస్తు స్క్రీనింగ్ ఎందుకు అవసరం?
సాధారణ రక్త పరీక్షల ద్వారా శరీరంలోని కొన్ని నిశ్శబ్ద సమస్యలను గుర్తించవచ్చు. హిమోగ్లోబిన్ తక్కువగా ఉంటే (రక్తహీనత) అలసట రావడమే కాకుండా, అకాల ప్రసవం, శిశువు తక్కువ బరువుతో పుట్టే ప్రమాదం ఉంది.

చికిత్స చేయని థైరాయిడ్ వల్ల గర్భం దాల్చడంలో ఇబ్బందులు, గర్భస్రావం, శిశువు మెదడు అభివృద్ధిపై ప్రభావం పడే అవకాశం ఉంది. రక్తంలో చక్కెర స్థాయిలు అదుపులో లేకుంటే గర్భం దాల్చిన తొలి వారాల్లోనే శిశువు అవయవాల అభివృద్ధిలో లోపాలు తలెత్తవచ్చు.

జీవనశైలి, బరువు నిర్వహణ
పాలీసిస్టిక్ ఓవరీ సిండ్రోమ్ (PCOS) ఉన్నవారిలో హార్మోన్ల అసమతుల్యత వల్ల గర్భం దాల్చడం ఆలస్యం కావచ్చు. బరువు తక్కువగా ఉన్నా లేదా అధిక బరువు ఉన్నా అండోత్సర్గము లో సమస్యలు వస్తాయి. అధిక బరువు గర్భధారణ సమయంలో మధుమేహం, బిపి ప్రమాదాన్ని పెంచుతుంది. క్రమం తప్పకుండా వ్యాయామం చేయడం ద్వారా దీనిని అధిగమించవచ్చు.

పోషకాహారం, సప్లిమెంట్లు
గర్భధారణ ప్రణాళికలో ఉన్న మహిళలు కింది పోషకాలపై దృష్టి పెట్టాలి.

ఫోలిక్ యాసిడ్: శిశువు మెదడు, వెన్నెముక లోపాలను నివారించడానికి ప్రతిరోజూ కనీసం 400 మైక్రోగ్రాముల ఫోలిక్ యాసిడ్ తీసుకోవాలి.

ఐరన్, విటమిన్ సి: రక్తహీనతను తగ్గించడానికి ఆకుకూరలు, బెల్లం, ఖర్జూరాలు, గుడ్లు తీసుకోవాలి. ఐరన్ గ్రహించడానికి విటమిన్ సి (నిమ్మ, నారింజ) తోడవ్వాలి.

విటమిన్ డి: సంతానోత్పత్తి సామర్థ్యం పెరగడానికి ఎండలో గడపడం లేదా వైద్యుల సలహాతో సప్లిమెంట్లు తీసుకోవడం అవసరం.

ఇవే కాకుండా వారసత్వంగా వచ్చే రక్త రుగ్మతలైన తలసేమియా, సికిల్ సెల్ వ్యాధి వంటి వాటిని గుర్తించడానికి ముందే పరీక్షలు చేయించుకోవడం ఉత్తమం. దీనివల్ల అవసరమైనప్పుడు జన్యు కౌన్సెలింగ్ తీసుకోవడానికి అవకాశం ఉంటుంది.

చివరిగా.. ఫిబ్రవరి నెలలో పాటించే పునరుత్పత్తి ఆరోగ్య మాసం (Reproductive Health Month) సందర్భంగా, మహిళలందరూ తమ ఆరోగ్యంపై అవగాహన పెంచుకోవాలి. ఆరోగ్యకరమైన తల్లి ద్వారానే ఆరోగ్యకరమైన కుటుంబం సాధ్యమవుతుంది.

(గమనిక: పైన పేర్కొన్న సమాచారం కేవలం నిపుణుల అభిప్రాయాన్ని అనుసరించి రాసినది. దీన్ని పాటించే ముందు సంబంధిత నిపుణుడ్ని వ్యక్తిగతంగా కలవడం మేలు. దీన్ని జీ తెలుగు న్యూస్ ధ్రువీకరించడం లేదు.)

Police Attack On BJP Leaders: మున్సిపల్‌ ఎన్నికల సందర్భంగా తెలంగాణలో తీవ్ర ఉద్రిక్తత పరిస్థితులు ఏర్పడ్డాయి. మున్సిపల్‌ ఎన్నికల సందర్భంగా అధికార పక్షం కాంగ్రెస్‌ పార్టీ శ్రేణులు రెచ్చిపోయాయి. పోలీసులను అని కూడా చూడకుండా రెచ్చిపోయి పోలీసులపై దాడులకు తెగబడ్డారు. పోలీసులకు వార్నింగ్‌ ఇస్తూ పోలింగ్‌ బూతుల్లో యథేచ్చగా ప్రలోభాలకు గురిచేస్తూ.. డబ్బులు పంచుతూ కాంగ్రెస్‌ శ్రేణులు దాడి చేశారు. ఇక బీఆర్‌ఎస్‌ పార్టీ, బీజేపీ నాయకులపై కాంగ్రెస్‌ గూండాలు, పోలీసులు కూడా దాడులకు పాల్పడ్డారు. 

Usman Tariq Bowling Action Legal Or Illegal: పాకిస్థాన్ క్రికెట్ మరో మిస్టరీ స్పిన్నర్‌ను ప్రపంచానికి పరిచయం చేసింది. టీ20 ప్రపంచకప్ 2026లో తన విభిన్నమైన బౌలింగ్ శైలితో అందరి దృష్టిని ఆకర్షిస్తున్న ఆ ఆటగాడే ఉస్మాన్ తారిక్. అమెరికాతో జరిగిన మ్యాచ్‌లో అద్భుత ప్రదర్శన చేసిన తర్వాత, ఇప్పుడు భారత బ్యాటింగ్ లైనప్‌ను సైతం ఇబ్బంది పెట్టగల సామర్థ్యం ఉన్న 'ఎక్స్-ఫాక్టర్' (X-Factor)గా అతను మారాడని విశ్లేషకులు భావిస్తున్నారు. 

అయితే ఉస్మాన్ తారిక్ ఎదుగుదల వెనుక అంతులేని పట్టుదల, కఠినమైన గతం దాగి ఉందట. చిన్నతనంలోనే తండ్రిని కోల్పోయిన ఉస్మాన్, కుటుంబాన్ని పోషించడానికి అనేక రకాల ఉద్యోగాలు చేశాడు. ఆ కష్టాలే ఈరోజు అతనికి మైదానంలో ఒత్తిడిని తట్టుకునే శక్తిని ఇచ్చాయి. 

ఎం.ఎస్. ధోనీ జీవిత చరిత్ర చూసిన తర్వాత, ఉస్మాన్ విదేశాల్లో స్థిరమైన జీవితాన్ని వదులుకుని ప్రొఫెషనల్ క్రికెట్‌ను ఎంచుకున్నాడు. భద్రత కంటే ఆశయం మిన్న అని నిరూపించాడు. సాంప్రదాయక పద్ధతుల్లో కాకుండా, ఇతని బౌలింగ్ యాక్షన్ సోషల్ మీడియాలో వైరల్ అవ్వడంతో సెలెక్టర్ల కంట్లో పడ్డాడు.

'త్రో బౌలింగ్' వివాదం
ఉస్మాన్ బౌలింగ్ చేసేటప్పుడు క్రీజు దగ్గర ఒక్క క్షణం ఆగి, వింతైన స్లింగ్ మోషన్‌తో బంతిని వదులుతాడు. ఈ అసాధారణ యాక్షన్ చూసి చాలామంది ఇది 'త్రో బౌలింగ్' (అక్రమ బౌలింగ్) అని విమర్శించారు.

అయితే, ఐసీసీ (ICC) నిర్వహించిన బయోమెకానికల్ పరీక్షల్లో ఉస్మాన్ ఉత్తీర్ణత సాధించాడు. మోచేయి వంపు నిబంధనల లోపే ఉందని నిర్ధారణ కావడంతో అతను చట్టబద్ధంగా బౌలింగ్ చేయడానికి అనుమతి పొందాడు.

టీమ్ ఇండియాకు ఇతను ప్రమాదకరమా?
భారత్ వంటి బలమైన బ్యాటింగ్ లైనప్‌ను తారిక్ ఎలా ఇబ్బంది పెట్టగలడో ఈ అంశాలు వివరిస్తాయి. ఇతని బౌలింగ్‌లో ఎకానమీ రేటు చాలా తక్కువగా ఉంటుంది. ముఖ్యంగా పరుగులు అవసరమైన మిడిల్ ఓవర్లలో బ్యాటర్లను కట్టడి చేయగలడు.

బంతి రిలీజ్ అయ్యే పాయింట్ సాధారణ బౌలర్ల కంటే భిన్నంగా ఉండటంతో, బ్యాటర్లకు బంతి దిశను అంచనా వేయడానికి సమయం పడుతుంది. తన తొలి ప్రపంచకప్ మ్యాచ్‌లోనే 3 వికెట్లు తీసి ఒత్తిడిలో ప్రశాంతంగా ఉండగలనని నిరూపించుకున్నాడు.

పాకిస్థాన్ జట్టు అతన్ని ఒక 'వైల్డ్ కార్డ్' లాగా వాడుకుంటోంది. కొత్త స్పిన్నర్లను ఎదుర్కోవడంలో ఇబ్బంది పడే జట్లకు తారిక్ ఒక పెద్ద సవాలుగా మారనున్నాడు. నాకౌట్ మ్యాచ్‌ల్లో ఇతను పాకిస్థాన్ భవిష్యత్తును మార్చే అవకాశం ఉంది.

వివాదం నుండి ప్రభావం వైపు ఉస్మాన్ తారిక్ ప్రయాణం సాగుతోంది. తన ప్రదర్శనతో విమర్శకుల నోళ్లు మూయించడమే కాకుండా, 2026 ప్రపంచకప్‌లో పాకిస్థాన్‌కు ప్రధాన బలమైన వ్యూహాత్మక ఆస్తిగా అతను నిలుస్తున్నాడు.