Oppo K14x 5G Price: ప్రముఖ  స్మార్ట్‌ఫోన్ కంపెనీ ఒప్పో మార్కెట్‌లోకి మరో అద్భుతమైన మొబైల్ను విడుదల చేసింది. ఇది ఒప్పో K14x 5G పేరుతో అందుబాటులోకి తీసుకువచ్చింది. దీనిని కంపెనీ ఎంతో శక్తివంతమైన మీడియాటెక్ డైమెన్సిటీ 6300 6nm ప్రాసెసర్‌తో లాంచ్ చేసింది. ఇది చాలా అద్భుతమైన డిజైన్‌ను కలిగి ఉంటుంది. అంతేకాకుండా వివిధ కలర్ ఆప్షన్స్‌లో విడుదలైంది. అయితే, ఈ స్మార్ట్‌ఫోన్‌కు సంబంధించిన ఫీచర్స్ వివరాలు మనం ఇప్పుడు తెలుసుకుందాం..

ఒప్పో K14x 5G స్మార్ట్‌ఫోన్ చాలా ప్రత్యేకమైన 50-మెగాపిక్సెల్ ప్రైమరీ కెమెరాను కలిగి ఉంటుంది. అంతేకాకుండా ఇది IP64-రేటెడ్‌తో వినిపిస్తోంది. ఇక ఈ మొబైల్ కు సంబంధించిన ధర వివరాల్లోకి వెళ్తే.. ప్రస్తుతం మార్కెట్‌లో వేరియంటును బట్టి ధర అందుబాటులో ఉంది.. ముఖ్యంగా 128gb ఇంటర్నల్ స్టోరేజ్ కలిగిన మొబైల్ ధర రూ.14 వేల నుంచి ప్రారంభమవుతుంది. 

ఇక 6జిబి ర్యాంతో పాటు 128gb ఇంటర్నల్ స్టోరేజ్ కలిగిన వేరియంట్ రూ. 16,000 నుంచి ప్రారంభమవుతుంది. అయితే ఫిబ్రవరి 16వ తేదీ నుంచి ప్రముఖ ఈ కామర్స్ కంపెనీ ఫ్లిప్‌కార్ట్‌లో అందుబాటులోకి రాబోతోంది. దీంతోపాటు ఒప్పో ఇండియా ఆన్లైన్ స్టోర్లలో కూడా లభిస్తుంది. మొదటి సెల్లో భాగంగా కొనుగోలు చేసే వారికి కొన్ని ప్రత్యేకమైన స్పెషల్ తీసుకున్న ఆఫర్స్ కూడా లభిస్తాయి. Oppo K14x 5G స్మార్ట్‌ఫోన్  6.75-అంగుళాల HD+ డిస్‌ప్లే ను కలిగి ఉంటుంది. 

అంతేకాకుండా ఇది ఎంతో శక్తివంతమైన MediaTek Dimensity 6300 6nm ప్రాసెసర్‌తో లాంచ్ అయింది. అలాగే స్టోరేజ్‌ను పెంచుకోవడానికి మైక్రో ఎస్డి కార్డ్ సపోర్ట్‌ను కూడా అందిస్తుంది. ఇది Android 16 ఆధారంగా ColorOS 16పై రన్ అవుతుంది. ఈ Oppo K14x 5G స్మార్ట్‌ఫోన్ ప్రత్యేకమైన IP64 రేటింగ్‌తో అందుబాటులోకి వచ్చింది. ఇది అద్భుతమైన కెమెరా సెటప్‌ను కలిగి ఉంటుంది. దీని వెనక భాగంలో ప్రత్యేకమైన సెన్సార్‌తో కూడిన 50-మెగాపిక్సెల్ ప్రైమరీ కెమెరా కూడా అందుబాటులో ఉంది. దీంతోపాటు అదనంగా 2-మెగాపిక్సెల్ పోర్ట్రెయిట్ కెమెరా కూడా లభిస్తుంది. 

Pay Revision Commission: ప్రభుత్వ ఉద్యోగులకు సంబంధించిన అంశాలు తెలంగాణలో తీవ్ర రాజకీయ దుమారం రేపుతోంది. ఇప్పటికే కరీంనగర్‌లో రిటైర్మెంట్‌ అయిన ఉద్యోగులు తమ ఇళ్ల గేట్లకు బోర్డులు, బ్యానర్లు ప్రదర్శించడం రాష్ట్రవ్యాప్తంగా చర్చనీయాంశంగా మారింది. ఈ క్రమంలో ఉద్యోగులకు సంబంధించిన అంశాలపై తెలంగాణ ముఖ్యమంత్రికి కేంద్ర మంత్రి బండి సంజయ్‌ బహిరంగ లేఖ రాశారు. ప్రభుత్వ ఉద్యోగుల పెండింగ్ డీఏలు, రిటైర్డ్ ఉద్యోగుల బెనిఫిట్స్‌, పీఆర్సీ బకాయిలు తక్షణమే చెల్లించాలని కోరారు.

Hyderabad Schools Holiday: హైదరాబాద్‌లోని గాజులరామారం డివిజన్ పరిధిలో మంగళవారం ఉదయం ఒక్కసారిగా భూమి దాదాపు నాలుగు నుంచి ఐదు సెకండ్ల పాటు కనిపించింది. దీంతో స్థానికులంతా తీవ్రభయాందోళనకు గురయ్యారు. ముఖ్యంగా మెట్కాన్‌గూడ ప్రాంతంలో భారీ శబ్దంతో కూడిన ప్రకంపనులు వచ్చినట్లు స్థానికులు చెబుతున్నారు. దీంతో వారు ఇళ్ళ నుంచి బయటికి పరుగులు తీసినట్లు తెలిపారు. ఒక్కసారిగా భారీ శబ్దం రావడంతో తీవ్రభయాందోళనలు చెందారు. 

మీడియాతో స్థానికులు తెలిపిన వివరాల ప్రకారం.. ఉదయం 10 గంటల సమయంలో అకస్మాత్తుగా భూమి వెలపల నుంచి పెద్ద శబ్దం వినిపించిందని.. ఆ వెంటనే భూమి కనిపించినట్లు అనిపించడంతో వారంతా షాక్కు గురయ్యారని చెబుతున్నారు. అంతేకాకుండా ఇదే సమయంలో ఆ ప్రకంపనల దాటికి ఇంట్లో సామాన్లు కదడంతో పాటు పాత్రలు కింద పడిపోవడంతో ఏం జరుగుతుందో అర్థం కాక ప్రాణాలను అరచేతిలో పెట్టుకొని.. వారంతా రోడ్లపైకి వచ్చినట్లు తెలిపారు. 

మెట్కాన్‌గూడలోనైతే.. ఉన్నట్టుండి భారీ శబ్దం రావడంతో.. ఇంట్లో ఉన్న తలుపులతో పాటు కిటికీలు వణికి పోయినట్లు స్థానికులు చెబుతున్నారు.. ఇక కొంతమంది భూకంపమేనని భయపడి పిల్లలతో కలిసి బయటకు పరుగులు తీసిన సందర్భం కూడా వచ్చిందని వారు మీడియాకు తెలిపారు..

భూ ప్రకంపనల నేపథ్యంలో విద్యార్థుల భద్రతను దృష్టిలో ఉంచుకొని స్థానికంగా ఉన్న పాఠశాలల యాజమాన్యాలు అప్రమత్త మైనట్లు తెలుస్తోంది. ముందస్తు జాగ్రత్తగా పాఠశాలలకు తక్షణమే సెలవులు ప్రకటించి.. విద్యార్థులను సురక్షితంగా తల్లిదండ్రులకు అప్పగించారు.. అకస్మాత్తుగా పాఠశాలలకు సెలవులు ఇవ్వడంతో ఆ ప్రాంతంలో కాసేపు గందరగోల పరిస్థితి నెలకొన్నట్లు తెలుస్తోంది. పాఠశాలలో మళ్లీ 11వ తేదీన తెరుచుకోబోతున్నట్లు అధికారులు తెలిపారు.

Realme Techlife 7.5 Kg Washing Machine Offers Price: రియల్‌మీ (realme) టెక్‌లైఫ్ 7.5 kg ఆటోమేటిక్ టాప్‌లోడ్ వాషింగ్ మెషిన్ ఎప్పటినుంచో కొనుగోలు చేయాలనుకుంటున్నారా? మీకు సమయం రాని వచ్చేసింది. ఇది అత్యంత తగ్గింపు ధరితోనే అందుబాటులో ఉంది. ముఖ్యంగా దీనిపై ఎన్నో రకాల స్పెషల్ డిస్కౌంట్‌ ఆఫర్స్ అందుబాటులో ఉన్నాయి. కాబట్టి ఇప్పుడే కొనుగోలు చేయాలనుకునే వారికి ఫ్లిప్‌కార్ట్‌ ఫ్లాట్ డిస్కౌంట్ ఆఫర్స్‌తో పాటు బ్యాంక్ డిస్కౌంట్ ఆఫర్స్‌ను కూడా అందిస్తోంది. 

రియల్‌మీ (realme) టెక్‌లైఫ్ 7.5 kg వాషింగ్ మిషన్ అత్యంత తగ్గింపు ధరకే అందుబాటులో ఉంది. అయితే, ఇది మార్కెట్‌లో ఇప్పుడు RMFA75A5G మోడల్ నెంబర్‌తో లభిస్తోంది. ముఖ్యంగా ఇది ఎన్నో రకాల ప్రీమియం ఫీచర్స్‌తో అందుబాటులోకి వచ్చింది. ఇందులో Fabric Safe Wash కూడా లభిస్తోంది. ఇది వాడడం వల్ల బట్టలను సున్నితంగా ఉంచుతుంది. ఇది ఫైవ్ స్టార్ రేటింగ్‌తో అందుబాటులోకి వచ్చింది. తక్కువ విద్యుత్తును వినియోగిస్తూ.. బట్టలను ఉతుకుతూ బిల్లును ఆదా చేస్తుంది. అలాగే ఇందులో 10 వాష్ ప్రోగ్రామ్స్‌ను కలిగి ఉంటుంది. ముఖ్యంగా ఇందులో డెనిమ్, డెలికేట్, మిక్స్, వింటర్ వేర్, రాపిడ్ వాష్ ఫీచర్స్ కూడా అందుబాటులో ఉన్నాయి. 

ఇందులో Fuzzy Logic ఫీచర్ కూడా లభిస్తుంది. దీనివల్ల బట్టల బరువును బట్టి నీటి పరిమాణంతో పాటు వాస్ సైకిల్‌ను ఆటోమేటిక్‌గా నిర్ణయిస్తుంది. ఈ వాషింగ్ మెషన్‌లో మెమరీ బ్యాకప్ ఫీచర్ కూడా లభిస్తుంది.. ఇది పవర్ కట్ అయినప్పుడు, మళ్లీ కరెంటు రాగానే ఆగిపోయిన చోటు నుండే వాషింగ్ మొదలవుతుంది. ఇవే కాకుండా ఎన్నో రకాల అద్భుతమైన ఫీచర్స్ అందుబాటులో ఉన్నాయి. ప్రస్తుతం మార్కెట్‌లో MRP ధర రూ.19,990 నుంచి ప్రారంభమవుతుంది. అయితే, ఇప్పుడే కొనుగోలు చేసే వారికి 40 శాతం తగ్గింపుతో కేవలం రూ.11, 990కే పొందవచ్చు. ఇవే కాకుండా మరింత తగ్గింపుతో పొందడానికి బ్యాంకు డిస్కౌంట్ ఆఫర్స్ కూడా అందుబాటులో ఉన్నాయి. వీటిని వినియోగిస్తే భారీ డిస్కౌంట్‌లో ఈ వాషింగ్ మిషన్ ను సొంతం చేసుకోవచ్చు. 

Earthquake Hyderabad Telugu News: హైదరాబాద్ నగర శివారు ప్రాంతాల్లో మంగళవారం మధ్యాహ్నం ఒక్కసారి భూమి కనిపించడంతో స్థానిక ప్రజలు తీవ్రభయాందోళనకు గురయ్యారు.. ముఖ్యంగా గాజులరామారం తో పాటు మెట్కాన్‌గూడెం, ఇతర పరిసర ప్రాంతాల్లో భూగర్భం నుండి ఒక్కసారిగా భారీ శబ్దం రావడంతో ఇళ్లలో ఉన్న సామాగ్రి మొత్తం కింద పడిపోయింది.. ఈ హఠాత్ పరిణామంతో ఏం జరుగుతుందో అర్థం కాక ఈ స్థానికంగా నివసిస్తున్న జనాలంతా ఒక్కసారిగా ఇళ్లలో నుంచి బయటికి పరుగులు తీశారు. 

మధ్యాహ్నం సమయంలో ఒక్కసారిగా హైదరాబాద్ శివారు ప్రాంతాల్లోని పెద్ద శబ్దం వినిపించిందని.. ఆ వెంటనే భూమి కంపించినట్లు అనిపించిందని గాజులరామారం నివాసితులు తెలిపారు.. కేవలం కొన్ని నిమిషాల వ్యవధిలోనే అక్కడ నివసించే వారంతా అప్రమత్తమై ఇళ్లలో నుంచి వీధులలోకి చేరుకున్నారు.. సుమారు మూడు నుంచి నాలుగు సెకండ్ల పాటు ఈ ప్రకంపనలు కొనసాగినట్లు సమాచారం.. ముఖ్యంగా భవనాల్లో నివసించే వారంతా ప్రకంపనల దాటికి తీవ్ర ఆందోళనలు చెందినట్లు తెలుస్తోంది.

ఇదే తరహా భూమి ప్రకంపనలు మెట్కాన్‌గూడెం పరిసర ప్రాంతాల్లో కూడా చోటుచేసుకున్నాయి.. ఈ ప్రాంతాల్లోన అయితే కిటికీలు, తలుపులు గజగజ వణికాయి.. ఒక్కసారిగా శబ్దం కూడా వచ్చినట్లు స్థానికులు వివరిస్తున్నారు. అంతేకాకుండా కొన్ని ఇళ్లలో సాధారణంగా ఉంచిన వస్తువులు కూడా కింద పడటంతో ప్రజలు భయంతో ఇళ్లలో నుంచి ఒక్కసారిగా బయటికి వచ్చారని తెలుస్తోంది.

ఈ ఘటనపై సమాచారం అందుకున్న రెవెన్యూ మున్సిపల్ అధికారులు రంగంలోకి దిగినట్లు తెలుస్తోంది.. భూమి కనిపించిన తీవ్రతను తెలుసుకునేందుకు నేషనల్ జియోఫిజికల్ రీసెర్చ్ ఇన్‌స్టిట్యూట్ (NGRI) శాస్త్రవేత్తలతో సంప్రదింపులు జరిపినట్లు కూడా సమాచారం.. అయితే, ప్రాథమిక సమాచారం ప్రకారం మాత్రం ఎక్కడ ఎలాంటి నష్టం జరగలేదని తెలుస్తోంది. అలాగే భూకంప తీవ్రత తక్కువగానే ఉన్నప్పటికీ.. పాత భవనాల్లో ఉన్నవారు జాగ్రత్తగా ఉండాలని ఇప్పటికే అధికారులు సూచించినట్లు సమాచారం.

Crime News In Telangana: తెలంగాణలోని మహబూబ్‌నగర్ జిల్లా గార్ల మండలం మంగలి తాండలో ఆస్తి ఓ యువకుడిని అతి కిరాతకుడిగా మార్చింది. మద్యం మత్తులో విచక్షణ కోల్పోయిన ఓ యువకుడు.. తన సొంత అన్నకు పిల్లనిచ్చిన అత్తమామలపై విద్యుత్ షాక్ తో దాడికి పాల్పడడమే కాకుండా.. అడ్డం వచ్చిన తన వదినపై పెద్ద కత్తితో దాడికి తెగబడ్డాడు.. ఈ ఘటనలో అత్తప్ ప్రాణాలు కోల్పోగా.. మామ తృతిలో ప్రాణాపాయం నుంచి తప్పించుకోగలిగారు.. 

జరిగింది ఇదే..
పోలీసులతో పాటు స్థానికులు అందించిన సమాచారం ప్రకారం.. మంగలి తాండకు చెందిన రాజేష్ అనే వ్యక్తి కొంతకాలంగా ఆస్తి విషయంలో తీవ్ర అసంతృప్తితో ఉన్నాడు.. రాజేష్ కు సొంత అన్నయ్య రమేష్ కు ఇప్పటికే పెళ్లయింది.. అయితే రమేష్ కు రెండో పెళ్లి జరగడం రాజేష్ కు అస్సలు నచ్చలేదట.. అన్నకు రెండో పెళ్లి చేస్తే తన ఆస్తిలో వాటా తగ్గిపోతుందని.. ఆ యువకుడు ఆలోచిస్తూ వచ్చాడు.. ఈ రెండో పెళ్లి జరగడానికి ప్రధాన కారణం తన అత్తమామలేనని భావించిన అతను.. వారిపై ఊహించని స్థాయిలో  పగ పెంచుకున్నారు..

బుధవారం అర్ధరాత్రి ఆ యువకుడు భారీగా మద్యం సేవించి అదే మత్తులో ఇంటికి వచ్చాడు.. గాఢ నిద్రలో ఉన్న అత్త కౌశల్యని, మామ అజ్మీరా రాందాసులను లక్ష్యంగా చేసుకున్నాడు రాజేష్ అనే యువకుడు.. ఎవరు ఊహించని విధంగా సినిమాలో క్రైమ్ తరహా అత్తమామలు ఇద్దరికీ కరెంటు వైర్ల ద్వారా షాక్ ఇచ్చాడు. ఈ ప్రమాదంలో కౌసల్య అక్కడికక్కడే ప్రాణాలు వదిలేయగా.. మామ రామదాసు అదృష్టవశాత్తు తప్పించుకున్నారు.

మద్యం మత్తులో ఉన్న రాజేష్ అంతటితో ఆగకుండా తన వదినను కూడా చంపేయడానికి ప్రయత్నించాడు.. అడ్డం వచ్చిన ఆమెపై పెద్ద కత్తితో దాడి చేసేందుకు ప్రయత్నించాడు.  ఈ సమయంలో ఆమెకు తీవ్ర గాయాలయ్యాయి.. దీనిని గమనించిన స్థానికులు వెంటనే ఆమెను చికిత్స నిమిత్తం ఆస్పత్రికి తరలించారు..

వెంటనే సమాచారం అందుకున్న డి.ఎస్.పి తిరుపతిరావు ఘటన స్థలాన్ని సందర్శించారు.. క్లూస్ టీం ద్వారా ఆధారాలను సేకరించే పనిలో పడ్డారు.. నిందితుడు రాజేష్ ను పోలీసులు అదుపులోకి తీసుకున్నట్లు తెలుస్తోంది. ఆస్తి తగాదాలతో పాటు కుటుంబ కలహాలే ఈ హత్యకు ప్రధాన కారణమని ప్రాథమిక విచారణలో తేలింది. నిందితుడి పై కఠిన చర్యలు తీసుకుంటామని డిఎస్పి మీడియాకు తెలిపారు.

Ruchaka Yoga Zodiac Effect On Zodiac Telugu: ఫిబ్రవరి 9వ తేదీ నుంచి ఈ నెలలోని మరో కొత్త వారం ప్రారంభమైంది. అయితే, ఈ రెండో వారానికి జ్యోతిష్య శాస్త్రం పరంగా చాలా ప్రత్యేకమైన ప్రాముఖ్యత ఉందని జ్యోతిష్యులు చెబుతున్నారు. ముఖ్యంగా మకర రాశిలో కుజుడు ఉండడం వల్ల ఈ సమయంలో రుచక రాజయోగం ఏర్పడుతుంది. ఈ రాజయోగంతో కొన్ని రాశుల వారికి చాలా అద్భుతంగా ఉంటుంది. అలాగే ఈ సమయంలో పంచ మహాపురుష రాజయోగం కూడా ఏర్పడుతుంది. 

కొత్త వారంలో ఏర్పడిన రెండు రాజయోగాల ప్రభావంతో కొన్ని రాశుల వారికి ఊహించని ప్రయోజనాలు కలుగుతాయి. ముఖ్యంగా ఫిబ్రవరి 9వ తేదీ నుంచి 15వ తేదీ వరకు కొన్ని రాశుల వారికి ఊహించని ధైర్యం పెరుగుతుంది. అలాగే నాయకత్వ లక్షణాలతో ముందుకు సాగుతారు. దీనివల్ల వీరు అద్భుతమైన ప్రయోజనాలు పొందే అవకాశాలు కనిపిస్తున్నాయి. అలాగే ఊహించని ధన లాభాలు కూడా పొందుతారు. 

ఈ రాశులవారికి బంపర్‌ డబ్బు:
మేష రాశి 
మేషరాశి వారికి రుచక రాజయోగ ప్రభావం కారణంగా కెరీర్ పరంగా ఊహించని లాభాలు కలుగుతాయి. ముఖ్యంగా వీరు ఈ సమయంలో గొప్ప విజయాలు సాధించే అవకాశాలు కనిపిస్తున్నాయి. అలాగే ఉద్యోగాల్లో పదోన్నతులు లభించడమే కాకుండా.. కొత్త బాధ్యతలతో అద్భుతమైన గౌరవాన్ని కూడా పొందుతారు. దీంతోపాటు వ్యాపారవేత్తలు కొత్త ఒప్పందాలు కూడా కుదుర్చుకునే అవకాశాలు కనిపిస్తున్నాయి. వీరికి ఈ సమయంలో ఆత్మవిశ్వాసం కూడా పెరుగుతుంది. అలాగే నాయకత్వ లక్షణాలు కూడా రెట్టింపు పై కొన్ని రకాల ప్రయోజనాలు పొందుతారు. 

వృశ్చిక రాశి 
ఈ వారం వృశ్చిక రాశి వారికి రుచక రాజు యోగ ప్రభావంతో అనేక శుభ ఫలితాలు కలుగుతాయి. చాలాకాలంగా పెండింగ్లో ఉన్న పనులు కూడా ఎంతో సులభంగా పూర్తవుతాయి. అలాగే కొత్త భూములతో పాటు గృహోపకరణాలు కొనుగోలు చేసే అవకాశాలు కనిపిస్తున్నాయి. సాహసోపేతమైన నిర్ణయాల్లో కూడా అద్భుతమైన విజయాలు సాధించగలుగుతారు. సామాజిక గౌరవం పెరిగి.. అనుకున్నంత స్థాయిలో కీర్తి ప్రతిష్టలు కూడా రెట్టింపు అవుతాయి. దీంతోపాటు ప్రభావవంతమైన వ్యక్తులతో సహాయం పొందే అవకాశాలున్నాయి. అయితే, ఈ సమయంలో వీరు మాట్లాడే క్రమంలో చాలా జాగ్రత్తలు పాటించడం మంచిది.

మకర రాశి 
మకర రాశి వారికి కుజుడి ప్రభావంతో ఏర్పడిన రుచక రాజయోగం వల్ల ఊహించని ప్రయోజనాలు కలుగుతాయి. పనుల్లో అద్భుతమైన విజయాలు సాధించడమే కాకుండా.  కొత్త ఉద్యోగ అవకాశాలు పొందే ఛాన్స్ కూడా ఉంది. అంతేకాకుండా ఐరన్ తో పాటు వీరు ఇతర ఖనిజాలు, భూములు కూడా కొనుగోలు చేసే అవకాశాలు కనిపిస్తున్నాయి. విశ్వాసం కూడా అనుకున్నంత స్థాయిలో పెరుగుతుంది. దీంతో అద్భుతమైన ప్రయోజనాలు పొందే అవకాశాలు కనిపిస్తున్నాయి. ప్రమాదకరమైన పనులు చేసే క్రమంలో చాలా జాగ్రత్తలు పాటించాల్సి ఉంటుంది. అలాగే డ్రైవింగ్ చేసే సమయంలో కూడా జాగ్రత్త అవసరమని జ్యోతిష్యులు తెలుపుతున్నారు.

Venus Transit In Shatabhisha Effect Telugu: ఫిబ్రవరి నెలలో అనేక గ్రహాలు రాశి సంచారాలు చేయబోతున్నాయి. ముఖ్యంగా ఫిబ్రవరి 11వ తేదీన బుధవారం ఉదయం 8 గంటలకు శుక్రుడు శతభిషా నక్షత్రంలోకి ప్రవేశించబోతున్నాడు. ఫిబ్రవరి 22వ తేదీ వరకు అదే రాశిలో సంచార దశలో ఉంటాడు. ఆ తర్వాత శుక్రుడు పూర్వాభాద్రపద నక్షత్రంలోకి ప్రవేశిస్తాడు.. జ్యోతిష్య శాస్త్రం ప్రకారం ఫిబ్రవరి 11వ తేదీ నుంచి 22వ తేదీ వరకు కొన్ని రాశుల వారికి చాలా శుభప్రదంగా ఉంటుంది. 

ఈ సమయంలో శుక్రుడి ప్రభావంతో కొన్నిరాశుల వారు ఆకస్మిక డబ్బు పొందగలిగే అవకాశాలు కనిపిస్తున్నాయి. అలాగే విలాసం కూడా పెరిగి కొన్ని లగ్జరీ వస్తువులు కూడా కొనుగోలు చేస్తారు. సాంకేతికతతో పాటు వైద్యం పరిశోధన రంగాల్లో పనులు చేస్తున్న వ్యక్తులకు అనుకొని అద్భుతమైన లాభాలు కూడా కలుగుతాయి. అలాగే అద్భుతమైన సృజనాత్మకత పెరిగి జీవితంలో ముందుకు సాగుతారు.

ఈ రాశులవారికి బంపర్‌ లాభాలు:
వృషభ రాశి 
వృషభ రాశి వారికి శుక్రుడు ఎల్లప్పుడూ అధిపతిగా వ్యవహరిస్తాడు. కాబట్టి వీరికి ఈ సమయం చాలా శుభ్రంగా ఉంటుంది. వీరు కొత్త నగలు లేదా కార్లు కొనుగోలు చేసే అవకాశాలున్నాయి. అంతేకాకుండా ఇతర లగ్జరీ వస్తువులు కూడా కొనుగోలు చేస్తారు. ఆర్థిక పరిస్థితులు కూడా గతంలో కంటే ఇప్పుడు మరింత మెరుగుపడతాయి. ఒత్తిడి పూర్తిగా తగ్గే అవకాశాలు కూడా కనిపిస్తున్నాయి.

మిథున రాశి 
మిథున రాశి వారికి ఈ సమయంలో అదృష్టం అనుకున్నంత స్థాయిలో పెరుగుతుంది. దీని కారణంగా భారీ మొత్తంలో నిలిచిపోయిన డబ్బులు కూడా తిరిగి పొందుతారు. వ్యాపారాలు లాభసాటిగా మారడమే కాకుండా కొత్త ఆలోచనలతో అద్భుతమైన విజయాలు సాధించే అవకాశాలు ఉన్నాయి. ఈ సమయంలో చిన్న చిన్న ప్రయాణాలు చేయడం వల్ల సమయం చాలా బాగుంటుంది. 

కుంభరాశి 
కుంభ రాశిలో జన్మించిన వ్యక్తులకు శతభిషా నక్షత్రంలోకి శుక్రుడు ప్రవేశించడం వల్ల చాలా శుభప్రదంగా ఉంటుంది. ముఖ్యంగా వీరికి వ్యక్తిగత జీవితంలో ఊహించని స్థాయిలో సంతోషం పెరుగుతుంది. అలాగే ప్రేమ, వైవాహిక జీవితం చాలా అద్భుతంగా ఉంటుంది. స్టాక్ మార్కెట్లలో పెట్టుబడులు పెట్టే వారికి ఈ సమయం చాలా అద్భుతంగా ఉంటుంది. అంతేకాకుండా నష్టాల్లో నుంచి డబ్బులు తిరిగి పొందుతారు.

తులారాశి 
తులా రాశిలో జన్మించిన వ్యక్తులకు కూడా శుక్రుడి అద్భుతమైన ప్రభావంతో మేధో సామర్థ్యం విపరీతంగా పెరుగుతుంది. అలాగే ఈ సమయంలో వీరికి సృజనాత్మకత కూడా పెరిగి.. కళాకారులతో పాటు రచయితలకు విశేషమైన ప్రయోజనాలు కలుగుతాయి. ప్రపంచ సంబంధాలు మెరుగుపడి ఈ సమయం చాలా శుభప్రదంగా  మారుతుంది.

 Siddipet Lovers Suicide: ఈ మధ్య కాలంలో ఆత్మహత్య ఘటనలు పెరిగిపోతూ వస్తున్నాయి. స్ట్రెస్, ప్రేమను పెద్దలు ఒప్పుకోలేదని, భార్యాభర్తల మధ్య గొడవలు ఆత్మహత్యలకు దారితీస్తున్నాయి. తాజాగా సిద్దిపేట పెద్దలింగారెడ్డి శివారులో కూడా దారుణ ఘటన సోమవారం వెలుగులోకి వచ్చింది. వాలెంటైన్స్ వీక్ లో ఘోర విషాదం చోటుచేసుకుంది. ఇద్దరు ప్రేమికులు తమ ప్రేమను పెద్దలు ఒప్పుకోరేమోనని తీవ్ర మనస్థాపానికి గురై ఆత్మహత్యకు పాల్పడ్డారు. పోలీసుల వివరాల ప్రకరాం.. శ్రవణ్ (24) ఇంటర్ పూర్తి చేసి జేసీబీ డ్రైవర్ గా పని చేస్తున్నాడు. ఇక చిన్నకోడూరు మండలంలోని గ్రామానికి చెందిన కల్పన( 17) లు కొన్ని నెలలుగా ప్రేమించుకుంటున్నారు. అయితే కల్పన డిగ్రీ మొదటి సంవత్సరం చదువుతోంది.  వీరు నిన్న ఉన్నట్టుండి కనిపించకుండా పోయారు. ఇంటి నుంచి ఉదయం బయలుదేరి ఎంతకీ తిరిగి రాలేదు. రాత్రి 7 గంటల సమయంలో పెద్ద లింగారెడ్డి శివారులో ఇద్దరు ఉరేసుకొని వేలాడుతూ కనిపించారు. స్థానికులు సమాచారంతో సిద్ధిపేటలో కలకలం రేపింది.

 ఇక సమాచారం అందుకున్న పోలీసులు ఘటన స్థలానికి వెళ్లి పరిశీలించారు. కుటుంబాలకు వెంటనే సమాచారం కూడా అందించారు. అయితే వారి వద్ద ఆధార్ కార్డు, బుక్స్, ఒక చీర కూడా కల్పన బ్యాగ్‌లో లభించింది. అయితే ఆనవాళ్లు చూస్తుంటే వారి పెళ్లికి కూడా సిద్ధమైనట్లు సమాచారం. అయితే పెద్దలు అంగీకరించారని తీవ్ర మనస్థాపానికి గురై వారు ఈ దారుణ ఘటనకు పాల్పడి ఉండవచ్చని స్థానికులు చెబుతున్నారు.

అయితే, స్థానికుల ప్రకారం వీరు ఇద్దరు దూరపు బంధువులే అవుతారు. వీరి మధ్య ఆ బంధం ప్రేమకు దారితీసింది. కానీ, తమ ప్రేమను పెద్దలు ఒప్పుకోరు అని, కుటుంబ పరిస్థితుల నేపథ్యంలో వారు పెళ్లి చేసుకోకుండా అని ఆత్మహత్యకు పాల్పడ్డారు. ఇది ఇలా ఉండగా కల్పనకు పెళ్లి కాని ఒక అక్క కూడా ఉంది. అది కూడా కారణమవ్వచ్చని స్థానికులు అంటున్నారు. ఇక కేసు నమోదు చేసుకున్న పోలీసులు దర్యాప్తు చేపట్టారు. ఇద్దరు డెడ్ బాడీలను స్థానిక ప్రభుత్వాసుపత్రికి పోస్టుమార్టం నిమిత్తం తరలించారు. అయితే ఆత్మహత్యకు సంబంధించిన అసలు కారణం మాత్రం బయటికి రావాల్సి ఉంది. పోలీసులు కేసు దర్యాప్తు చేస్తున్నారు.

Telangana municipal elections 2026: తెలంగాణలో మున్సిపల్ ఎన్నికలు అసెంబ్లీకి ఎన్నికలకు ఏ మాత్రం తీసిపోనట్లు మారాయి. ముఖ్యంగా అన్ని ప్రధాన పార్టీలు మున్సిపల్ ఎన్నికలను ఎంతో ప్రతిష్టాత్మకంగా తీసుకున్నాయి. ఇక నేతల మధ్య డైలాగ్ వార్ ను మాత్రం ప్రత్యేకంగా చెప్పాల్సిన పనిలేదు. బూతులు తిట్టుకుంటూ ఒకరిపై మరోకరు వాగ్బాణాలతో విరుచుకుపడ్డారు. మొత్తంగా తెలంగాణలో మరోసారి మున్సిపల్ ఎన్నికలు సమ్మర్ కు ముందే మరింత హీట్ ను పెంచాయి. రేపు(బుధవారం) తెలంగాణలో 116 మునిసిపాలిటీలు, 7 కార్పొరేషన్లలో పోలింగ్‌ జరుగనుంది.

బ్యాలెట్‌ పేపర్ల ద్వారానే ఓటింగ్‌ను నిర్వహించేందుకు ఎన్నికల సంఘం అధికారులు అన్నిరకాల ఏర్పాట్లు చేశారు . ఈ ఎన్నికల రిజల్ట్స్ ఈ నెల 13న వెలవడనున్నాయి. తెలంగాణలో.. 2,996 వార్డులకు 8,203 పోలింగ్‌ కేంద్రాల ఏర్పాటు చేశారు. ఎన్నికల బరిలో 12,993 మంది అభ్యర్థులు నిలువగా.. 52.43 లక్షల మంది ఓటర్లు తమ హక్కును వినియోగించుకొనున్నారు. అయితే నిన్నటితో(సోమవారం) ప్రచారం ముగిసింది.

ఇక ఓటర్ దేవుళ్లను ప్రసన్నం చేసుకునేందుకు ఇప్పటికే అభ్యర్థుల తరపున మధ్యవర్తులు రంగంలోకి దిగినట్లు వార్తలువస్తున్నాయి. నేరుగా వారి ఇంటికి నగదు , లిక్కర్ ను సరఫరా చేసేందుకు పక్కా ప్లాన్ రెడీ చేసుకున్నారంట. ఇక మరోవైపు ఓటుకు రూ. 30 వేలు, గెలిపిస్తే క్యాండిడెట్ సగం తులం బంగారంను కూడా పలు చోట్ల ఆఫర్ చేశారని వార్తలు నెట్టింట హల్ చల్ చేస్తున్నాయి.

Telangana Schools Holiday: కొత్త సంవత్సరంలో రెండో నెల రాగా.. ఈనెలలో అస్సలు సెలవులు లేవు. మొత్తం డ్రై డేగా ఉందనుకుంటున్న సమయంలో అనూహ్యంగా స్కూళ్లు, కాలేజ్‌లకు సెలవులు వచ్చేశాయి. సంక్రాంతి పండుగ తర్వాత మళ్లీ భారీగా సెలవులు వస్తున్నాయి. మొత్తం నాలుగు రోజులు సెలవులు రానున్నాయి. ఇప్పటివరకైతే అధికారికంగా వచ్చిన ఉత్తర్వుల ప్రకారం తెలంగాణలో రేపు సెలవు ఉంది. మున్సిపల్‌ ఎన్నికల పోలింగ్‌ ఉండడంతో పోలింగ్‌ ఉన్న ప్రాంతంలో ప్రభుత్వం సెలవుగా ప్రకటించింది. ఇప్పటికే ఈ సెలవుకు సంబంధించిన ఉత్తర్వులు విడులయ్యాయి.

Srisailam Temple: మహాశివరాత్రి నేపథ్యంలో శ్రీశైలంలో బ్రహ్మోత్సవాలు ప్రారంభమయ్యాయి. బ్రహ్మోత్సవాలు కొనసాగుతున్న సమయంలో సోమవారం అనూహ్య పరిణామాలు చోటుచేసుకున్నాయి. ప్రశాంతంగా ఉండాల్సిన శ్రీగిరిపై తీవ్ర ఉద్రిక్త పరిస్థితులు నెలకొన్నాయి. సాధారణ భక్తులతోపాటు శివస్వాములు క్యూలైన్‌లలో నిండిపోయారు. గంటల కొద్దీ దర్శనం కోసం క్యూలైన్‌లలో వేచి ఉండగా.. ఎంతకీ దర్శనానికి వదలకపోవడంతో శైవ భక్తుల్లో ఆగ్రహం పెల్లుబికింది. దీంతో భక్తుల నిరసనలతో శ్రీశైలం క్షేత్రం మార్మోగింది.