राजपूरा पुलिस ने .32 बोर देसी पिस्टल और नशीले पदार्थों के साथ एक युवक को गिरफ्तार किया

ਰਾਜਪੁਰਾ ਪੁਲਿਸ ਵੱਲੋਂ .32 ਬੋਰ ਦੇਸੀ ਪਿਸਟਲ ਅਤੇ ਨਸ਼ੀਲੇ ਪਦਾਰਥਾਂ ਸਮੇਤ ਇੱਕ ਯੁਵਕ ਕਾਬੂ ਮੌਕੇ ਤੇ ਵਰਤੀ ਜਾ ਰਹੀ ਕਾਰ ਵੀ ਪੁਲਿਸ ਵੱਲੋਂ ਬਰਾਮਦ ਕੁਲਦੀਪ ਸਿੰਘ - ਰਾਜਪੁਰਾ ਚ ਪੰਜਾਬ ਪੁਲਿਸ ਦੀ ਇੱਕ ਵੱਡੀ ਕਾਮਯਾਬੀ ਵੇਖਣ ਨੂੰ ਮਿਲੀ ਹੈ। ਪੰਜਾਬ ਸਰਕਾਰ ਵੱਲੋ ਚਲਾਈ ਗੈਂਗਸਟਰਾਂ ਤੇ ਵਾਰ ਅਤੇ ਯੁੱਧ ਨਸ਼ਿਆਂ ਵਿਰੁੱਧ ਮੁਹੀਮ ਤਹਿਤ ਇੰਸ: ਗੁਰਸੇਵਕ ਸਿੰਘ ਮੁੱਖ ਅਫਸਰ ਥਾਣਾ ਸਿਟੀ ਰਾਜਪੁਰਾ ਨੇ ਸਮੇਤ ਪੁਲਿਸ ਪਾਰਟੀ ਨਾਲ ਦਮਨਹੇੜੀ ਫਾਟਕ ਨੇੜੇ ਮਹਿਫਲ ਰਿਜੋਰਟ ਰਾਜਪੁਰਾ ਦੇ ਲਿਬਰਟੀ ਚੋਂਕ ਵੱਲੋ ਸਰਵਿਸ ਰੋਡ ਰਾਹੀ ਆ ਰਹੀ ਕਾਰ ਨੂੰ ਸ਼ੱਕ ਦੇ ਅਧਾਰ ਤੇ ਰੋਕਿਆ। ਕਾਰ ਦੀ ਤਲਾਸ਼ੀ ਦੌਰਾਨ ਕਾਰ ਸਵਾਰ ਜਸਪ੍ਰੀਤ ਸਿੰਘ ਉਰਫ ਜੱਸੀ ਪੁੱਤਰ ਸੁਖਵਿੰਦਰ ਸਿੰਘ ਵਾਸੀ ਮਕਾਨ ਨੰ: 116 ਸੁੰਦਰ ਵੈਲੀ ਕਲੌਨੀ ਪਿੰਡ ਸੈਦਖੇੜੀ ਨੂੰ ਕਾਬੂ ਕਰਕੇ ਗੱਡੀ ਵਿੱਚੋਂ 103 ਪੱਤੇ ਨਸ਼ੀਲੀਆ ਗੋਲੀਆਂ ਤੇ ਇੱਕ ਦੇਸੀ ਪਿਸਟਲ .32 ਬੋਰ ਸਮੇਤ ਮੈਗਜੀਨ ਤੇ ਇੱਕ ਕਾਰਤੂਸ ਜਿੰਦਾ .32 ਬੋਰ, ਕਾਰ ਦੇ ਡੈਸ਼ਬੋਰਡ ਵਿਚੋ ਦੋ ਕੰਪਿਊਟਰ ਕੰਡੇ ਬ੍ਰਾਮਦ ਕੀਤੇ ਸਨ। ਪੁਲਿਸ ਵੱਲੋਂ ਜਸਪ੍ਰੀਤ ਸਿੰਘ ਉਕਤ ਦੇ ਖਿਲਾਫ ਐਨਡੀਪੀਐਸ ਅਤੇ ਆਰਮਸ ਐਕਟ ਤਹਿਤ ਥਾਣਾ ਸਿਟੀ ਰਾਜਪੁਰਾ ਕੇਸ ਦਰਜ ਕੀਤਾ ਗਿਆ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਪੜਤਾਲ ਕਰ ਰਹੀ।