खन्ना मंडी में बारिश ने फसल बर्बाद कर दी, अधिकारी सोए रहे, किसान चिंतित

ਖੰਨਾ ਚ ਮੀਂਹ ਨੇ ਪ੍ਰਬੰਧਾਂ ਦੀ ਪੋਲ ਖੋਲ੍ਹ ਦਿੱਤੀ। ਅਧਿਕਾਰੀ ਲਾਪਰਵਾਹੀ ਦੀ ਨੀਂਦ ਸੁੱਤੇ ਰਹੇ ਅਤੇ ਝੋਨੇ ਦੀ ਫਸਲ ਏਸ਼ੀਆ ਦੀ ਸਭ ਤੋਂ ਵੱਡੀ ਦਾਣਾ ਮੰਡੀ ਖੰਨਾ ਚ ਖੁੱਲ੍ਹੇ ਆਸਮਾਨ ਥੱਲੇ ਭਿੱਜਦੀ ਰਹੀ। ਵਧੇਰੇ ਫੜਾਂ ਚ ਬੋਰੀਆਂ ਉਪਰ ਕੋਈ ਤਿਰਪਾਲ ਨਹੀਂ ਦਿੱਤੀ ਹੋਈ ਸੀ। 8 ਵਜੇ ਤੱਕ ਕੋਈ ਅਧਿਕਾਰੀ ਮੰਡੀ ਚ ਦਿਖਾਈ ਨਹੀਂ ਦਿੱਤਾ। ਹਾਲਾਂਕਿ ਪਹਿਲਾਂ ਹੀ ਮੌਸਮ ਵਿਭਾਗ ਨੇ ਅਲਰਟ ਕੀਤਾ ਹੋਇਆ ਸੀ ਇਸਦੇ ਬਾਵਜੂਦ ਕਿਸੇ ਨੇ ਸਾਵਧਾਨੀ ਨਹੀਂ ਵਰਤੀ ਅਤੇ ਕਿਸਾਨਾਂ ਦੀ ਫਸਲ ਭਿੱਜ ਗਈ। ਜਿਕਰਯੋਗ ਹੈ ਕਿ ਖੰਨਾ ਮੰਡੀ ਚ ਹੁਣ ਤੱਕ ਕਰੀਬ 6 ਲੱਖ ਬੋਰੀਆਂ ਫਸਲ ਵਿਕ ਚੁੱਕੀ ਹੈ। ਇਸ ਵਿੱਚੋਂ ਕਰੀਬ 60 ਫ਼ੀਸਦੀ ਫਸਲ ਦੀ ਲਿਫਟਿੰਗ ਹਾਲੇ ਬਾਕੀ ਹੈ। ਮੌਸਮ ਫਸਲ ਨੂੰ ਕਾਫੀ ਨੁਕਸਾਨ ਪਹੁੰਚਾ ਸਕਦਾ ਹੈ। ਕਿਸਾਨ ਅਤੇ ਆੜ੍ਹਤੀ ਵੀ ਚਿੰਤਾ ਚ ਡੁੱਬੇ ਹਨ。