दिल्ली की सिख समुदाय ने बाढ़ पीड़ितों के लिए दिल खोलकर राहत पहुंचाई

ਦਿੱਲੀ ਦੀ ਸਿੱਖ ਸੰਗਤ ਪਹੁੰਚੀ ਸੁਲਤਾਨਪੁਰ ਲੋਧੀ — ਹੜ ਪੀੜਤਾਂ ਲਈ ਦਿਲ ਖੋਲ ਕੇ ਕੀਤੀ ਸੇਵਾ “ਪੰਜਾਬੀ ਹੀ ਪੰਜਾਬੀਆਂ ਦੇ ਨਾਲ ਖੜਦਾ” — ਗੋਬਿੰਦਪੁਰੀ ਐਕਸਟੈਂਸ਼ਨ ਦੀ ਸੰਗਤ ਨੇ ਦੱਸਿਆ ਦਰਦ ਪੰਜਾਬ ਦੇ ਹੜ ਪੀੜਤ ਇਲਾਕਿਆਂ ਵਿੱਚ ਹੁਣ ਵੀ ਦਰਦ ਤੇ ਤਬਾਹੀ ਦੇ ਮੰਜ਼ਰ ਨੇ। ਪਰ ਜਿਥੇ ਸਰਕਾਰਾਂ ਦੀਆਂ ਰਾਹਤ ਗੱਡੀਆਂ ਨਹੀਂ ਪਹੁੰਚੀਆਂ — ਓਥੇ ਪੰਜਾਬੀ ਸਿੱਖ ਸੰਗਤਾਂ ਦੇ ਦਿਲੋਂ ਨਿਕਲੇ ਪਿਆਰ ਨੇ ਲੋਕਾਂ ਦੇ ਘਰਾਂ ਵਿੱਚ ਉਮੀਦ ਦੀ ਲੋਅ ਜਗਾਈ। ਦਿੱਲੀ ਦੇ ਗੋਬਿੰਦਪੁਰੀ ਐਕਸਟੈਂਸ਼ਨ ਤੋਂ ਸਿੱਖ ਸੰਗਤ ਵੱਡੀ ਮਾਤਰਾ ਵਿੱਚ ਰਾਹਤ ਸਮੱਗਰੀ ਲੈ ਕੇ ਸੁਲਤਾਨਪੁਰ ਲੋਧੀ ਦੇ ਪਿੰਡ ਬਾਗੂਵਾਲ, ਕੰਮੂਵਾਲ ਤੇ ਬਾਊਪੁਰ ਜਦੀਦ ਪਹੁੰਚੀ। ਜਦੋਂ ਹੜ ਨੇ ਸੈਂਕੜਿਆਂ ਪਰਿਵਾਰਾਂ ਦੀ ਜ਼ਿੰਦਗੀ ਉਲਟਾ ਦਿੱਤੀ, ਤਦੋਂ ਦਿੱਲੀ ਦੀ ਸਿੱਖ ਸੰਗਤ ਨੇ ਦਿਲ ਖੋਲ ਕੇ ਮਦਦ ਲਈ ਹੱਥ ਵਧਾਇਆ। ਉਹ ਕਹਿੰਦੇ ਨੇ — ਪੰਜਾਬੀ ਹੀ ਪੰਜਾਬੀਆਂ ਨਾਲ ਖੜਦਾ। ਪਰ ਦੁੱਖ ਇਸ ਗੱਲ ਦਾ ਹੈ ਕਿ ਅਜੇ ਤੱਕ ਪ੍ਰਧਾਨ ਮੰਤਰੀ ਨੇ ਪੰਜਾਬ ਦੇ ਹੜ ਦਾ ਜ਼ਿਕਰ ਤੱਕ ਨਹੀਂ ਕੀਤਾ, ਜਦਕਿ ਅਫਗਾਨਿਸਤਾਨ ਲਈ ਤੁਰੰਤ ਰਾਹਤ ਸਮੱਗਰੀ ਭੇਜੀ ਗਈ। ਸੰਗਤ ਨੇ ਕਿਹਾ ਕਿ ਜਿਨ੍ਹਾਂ ਪੰਜਾਬੀਆਂ ਨੇ ਹਰੀ ਕ੍ਰਾਂਤੀ ਨਾਲ ਪੂਰੇ ਦੇਸ਼ ਨੂੰ ਰੋਟੀ ਦਿੱਤੀ — ਅੱਜ ਉਹਨਾਂ ਲਈ ਕੋਈ ਠੋਸ ਉਪਰਾਲਾ ਨਹੀਂ ਹੋਇਆ। ਦਿੱਲੀ ਤੋਂ ਆਈ ਸਿੱਖ ਸੰਗਤ ਨੇ ਨਾ ਸਿਰਫ਼ ਕੰਬਲ ਤੇ ਸੀਤੇ ਸਵਾਏ ਸੂਟਾਂ ਦੀ ਸੇਵਾ ਕੀਤੀ, ਸਗੋਂ ਹੜ ਪੀੜਤ ਪਰਿਵਾਰਾਂ ਦੇ ਦਿਲਾਂ ਵਿੱਚ ਹੌਸਲਾ ਵੀ ਭਰਿਆ। ਉਨ੍ਹਾਂ ਦਾ ਇਕੋ ਸੁਨੇਹਾ — ਜਦ ਤੱਕ ਪੰਜਾਬੀ ਜਿੰਦਾ ਆ, ਪੰਜਾਬ ਦੀ ਮਿੱਟੀ ਵਿੱਚ ਸੇਵਾ ਤੇ ਇੰਸਾਨੀਅਤ ਦੀ ਖੁਸ਼ਬੂ ਕਦੇ ਖਤਮ ਨਹੀਂ ਹੋਵੇਗੀ。