सज्जन चिमा का MLA इंदर प्रताप पर हमला, मानी सरकार के विकास ग्रांट पर सवाल

ਸੱਜਣ ਚੀਮਾ ਦਾ MLA ਰਾਣਾ ਇੰਦਰ ਪ੍ਰਤਾਪ ’ਤੇ ਸਿਆਸੀ ਹਮਲਾ—“ਰਾਜਾ ਵੜਿੰਗ ਬਣ ਕੇ ਫਿਰ ਰਹੇ, ਵਿਕਾਸ ਦੀਆਂ ਗਰਾਂਟਾਂ ’ਤੇ ਝੂਠੀ ਬਿਆਨਬਾਜ਼ੀ” ਮਾਨ ਸਰਕਾਰ ਦੇ ਕੰਮਾਂ ਤੋਂ ਵਿਰੋਧੀ ਡਿਪਰੈਸ਼ਨ ’ਚ, ਰਾਣਾ ਦੇ ਬਿਆਨ ਕਪਿਲ ਸ਼ਰਮਾ ਸ਼ੋਅ ਤੋਂ ਵੀ ਅੱਗੇ—ਸੱਜਣ ਚੀਮਾ ਸੁਲਤਾਨਪੁਰ ਲੋਧੀ ਦਾ ਵਿਕਾਸ ਮਾਨ ਸਰਕਾਰ ਦੀ ਦੇਣ, ਰਾਣਾ ਆਪਣੀ ਪਿੱਠ ਥਾਪੜਨ ਦੀ ਬਜਾਏ CM ਦਾ ਧੰਨਵਾਦ ਕਰਨ—ਚੀਮਾ ਮਾਨ ਸਰਕਾਰ ਦੀਆਂ ਗਰਾਂਟਾਂ ’ਤੇ ਰਾਜਨੀਤੀ ਬਰਦਾਸ਼ਤ ਨਹੀਂ,“ਪੈਸਾ ਆਪਣਾ ਨਹੀਂ ਤਾਂ ਸ਼੍ਰੇਯ ਵੀ ਨਾ ਲਵੋ” “24 ਸਾਲਾਂ ’ਚ ਵੀ ਨਹੀਂ ਕੀਤਾ ਜਿੰਨਾ ਅਸੀਂ 4 ਸਾਲਾਂ ’ਚ”—ਸੱਜਣ ਚੀਮਾ ਦਾ ਰਾਣਾ ਪਰਿਵਾਰ ਨੂੰ ਖੁੱਲ੍ਹਾ ਚੈਲੰਜ ਕਪੂਰਥਲਾ: ਹਲਕਾ ਸੁਲਤਾਨਪੁਰ ਲੋਧੀ ਦੀ ਸਿਆਸਤ ਵਿੱਚ ਉਸ ਸਮੇਂ ਭੂਚਾਲ ਆ ਗਿਆ ਜਦੋਂ ਚੇਅਰਮੈਨ ਇੰਪਰੂਵਮੈਂਟ ਟਰਸਟ ਕਪੂਰਥਲਾ ਅਤੇ ਆਮ ਆਦਮੀ ਪਾਰਟੀ ਦੇ ਇੰਚਾਰਜ ਅਰਜੁਨ ਅਵਾਰਡੀ ਸੱਜਣ ਸਿੰਘ ਚੀਮਾ ਨੇ ਵਿਧਾਇਕ ਰਾਣਾ ਇੰਦਰ ਪ੍ਰਤਾਪ ਸਿੰਘ ’ਤੇ ਤਿੱਖਾ ਅਤੇ ਸਿੱਧਾ ਸਿਆਸੀ ਹਮਲਾ ਬੋਲਿਆ। ਚੀਮਾ ਨੇ ਕਿਹਾ ਕਿ ਮਾਨ ਸਰਕਾਰ ਵੱਲੋਂ ਹੋ ਰਹੇ ਰਿਕਾਰਡ ਤੋੜ ਵਿਕਾਸ ਤੋਂ ਵਿਰੋਧੀ ਡਿਪਰੈਸ਼ਨ ਵਿੱਚ ਹਨ, ਜਿਸ ਕਾਰਨ ਉਹ ਆਏ ਦਿਨ ਬੇਤੁਕੇ ਤੇ ਭਟਕੇ ਹੋਏ ਬਿਆਨ ਦੇ ਰਹੇ ਹਨ। ਚੇਅਰਮੈਨ ਇੰਪਰੂਵਮੈਂਟ ਟਰਸਟ ਕਪੂਰਥਲਾ ਅਤੇ ਹਲਕਾ ਸੁਲਤਾਨਪੁਰ ਲੋਧੀ ਤੋਂ ਆਮ ਆਦਮੀ ਪਾਰਟੀ ਦੇ ਇੰਚਾਰਜ ਸੱਜਣ ਸਿੰਘ ਚੀਮਾ ਨੇ ਵਿਧਾਇਕ ਰਾਣਾ ਇੰਦਰ ਪ੍ਰਤਾਪ ਸਿੰਘ ’ਤੇ ਤੰਜ ਕੱਸਦੇ ਹੋਏ ਉਨ੍ਹਾਂ ਨੂੰ “ਸੁਲਤਾਨਪੁਰ ਲੋਧੀ ਦਾ ਰਾਜਾ ਵੜਿੰਗ” ਕਹਿ ਕੇ ਸੰਬੋਧਨ ਕੀਤਾ। ਉਨ੍ਹਾਂ ਕਿਹਾ ਕਿ ਰਾਣਾ ਇੰਦਰ ਪ੍ਰਤਾਪ ਨੂੰ ਇਹ ਗਲਤ ਫ਼ਹਿਮੀ ਹੋ ਗਈ ਹੈ ਕਿ ਉਹ ਖੁਦ ਮੁੱਖ ਮੰਤਰੀ ਹਨ ਅਤੇ ਸਾਰਾ ਵਿਕਾਸ ਉਹਨਾਂ ਦੇ ਦਮ ’ਤੇ ਹੋ ਰਿਹਾ ਹੈ। ਸੱਜਣ ਚੀਮਾ ਨੇ ਸਾਫ਼ ਸ਼ਬਦਾਂ ਵਿੱਚ ਕਿਹਾ ਕਿ ਸੁਲਤਾਨਪੁਰ ਲੋਧੀ ਲਈ ਆ ਰਹੀਆਂ ਸਾਰੀਆਂ ਵਿਕਾਸ ਗਰਾਂਟਾਂ ਆਮ ਆਦਮੀ ਪਾਰਟੀ ਦੀ ਸਰਕਾਰ ਅਤੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਮਿਹਰਬਾਨੀ ਨਾਲ ਆ ਰਹੀਆਂ ਹਨ। ਪਰ ਵਿਧਾਇਕ ਰਾਣਾ ਇੰਦਰ ਪ੍ਰਤਾਪ ਪਤਾ ਨਹੀਂ ਕਿਹੜੇ ਦਫ਼ਤਰੀ ਕਲਰਕਾਂ ਤੋਂ ਅਧੂਰੀਆਂ ਲਿਸਟਾਂ ਲੈ ਕੇ ਮੀਡੀਆ ਸਾਹਮਣੇ ਆ ਕੇ ਦਾਅਵੇ ਕਰ ਦਿੰਦੇ ਹਨ ਕਿ ਇਹ ਸਾਰੇ ਕੰਮ ਉਹਨਾਂ ਨੇ ਕਰਵਾਏ ਹਨ, ਜੋ ਕਿ ਪੂਰੀ ਤਰ੍ਹਾਂ ਬੇਬੁਨਿਆਦ ਅਤੇ ਝੂਠ ਦਾ ਪੁਲੰਦਾ ਹੈ। ਚੀਮਾ ਨੇ ਚੁਣੌਤੀ ਦਿੰਦਿਆਂ ਕਿਹਾ ਕਿ ਜੇ ਰਾਣਾ ਇੰਦਰ ਪ੍ਰਤਾਪ ਸੱਚਮੁੱਚ ਇਹ ਦਾਅਵਾ ਕਰਦੇ ਹਨ ਕਿ ਵਿਕਾਸ ਉਹਨਾਂ ਨੇ ਕਰਵਾਇਆ ਹੈ ਤਾਂ ਇਹ ਸਪਸ਼ਟ ਕਰਨ ਕਿ ਕੀ ਇਹ ਪੈਸਾ ਉਹ ਆਪਣੇ ਨਿੱਜੀ ਖ਼ਜ਼ਾਨੇ ਵਿੱਚੋਂ ਲੈ ਕੇ ਆਏ ਹਨ ਜਾਂ ਕਿਸੇ ਆਪਣੇ ਖ਼ਜ਼ਾਨਾ ਮੰਤਰੀ ਕੋਲੋਂ। ਨਹੀਂ ਤਾਂ ਉਨ੍ਹਾਂ ਨੂੰ ਚਾਹੀਦਾ ਹੈ ਕਿ ਉਹ ਆਪਣੇ ਬਿਆਨ ਵਾਪਸ ਲੈਣ ਅਤੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦਾ ਖੁੱਲ੍ਹੇ ਦਿਲ ਨਾਲ ਧੰਨਵਾਦ ਕਰਨ। ਸੱਜਣ ਚੀਮਾ ਨੇ ਕਿਹਾ ਕਿ ਸੁਲਤਾਨਪੁਰ ਲੋਧੀ ਦੇ ਲੋਕ ਹੁਣ ਬਹੁਤ ਸੂਝਵਾਨ ਹੋ ਚੁੱਕੇ ਹਨ ਅਤੇ ਉਹਨਾਂ ਨੂੰ ਸਮਝ ਆ ਗਈ ਹੈ ਕਿ ਰਾਣਾ ਪਰਿਵਾਰ ਸਾਲਾਂ ਤੋਂ ਸਿਰਫ਼ ਝੂਠੀ ਸਿਆਸਤ ਅਤੇ ਖੋਖਲੇ ਦਾਅਵਿਆਂ ਦੇ ਸਹਾਰੇ ਚੱਲਦਾ ਆ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਲੋਕ ਇਸ ਦਾ ਮੁਹਤੋੜ ਜਵਾਬ ਦੇਣਗੇ। ਚੀਮਾ ਨੇ ਖੁੱਲ੍ਹਾ ਚੈਲੰਜ ਦਿੰਦਿਆਂ ਕਿਹਾ ਕਿ ਪਿਛਲੇ ਚਾਰ ਸਾਲਾਂ ਵਿੱਚ ਜਿੰਨਾ ਵਿਕਾਸ ਉਨ੍ਹਾਂ ਨੇ ਆਪਣੇ ਹਲਕੇ ਵਿੱਚ ਕਰਵਾਇਆ ਹੈ, ਉਨਾ ਪਿਚਲੇ 24 ਸਾਲਾਂ ਵਿੱਚ ਵੀ ਰਾਣਾ ਪਰਿਵਾਰ ਨਹੀਂ ਕਰਵਾ ਸਕਿਆ। “ਜੇ ਰਾਣਾ ਪਰਿਵਾਰ ਇਹ ਸਾਬਤ ਕਰ ਦੇਵੇ ਕਿ ਉਹਨਾਂ ਨੇ ਮੇਰੇ ਤੋਂ ਵੱਧ ਕੰਮ ਕਰਵਾਏ ਹਨ, ਤਾਂ ਮੈਂ ਸਿਆਸਤ ਛੱਡਣ ਲਈ ਤਿਆਰ ਹਾਂ,” ਚੀਮਾ ਨੇ ਕਿਹਾ। ਉਨ੍ਹਾਂ ਕਿਹਾ ਕਿ ਮਾਨ ਸਰਕਾਰ ਨੌਜਵਾਨਾਂ ਨੂੰ ਖੇਡਾਂ ਵੱਲ ਪ੍ਰੇਰਿਤ ਕਰ ਰਹੀ ਹੈ, ਸਕੂਲਾਂ ਦੀ ਸੁਰਤ ਬਦਲੀ ਜਾ ਰਹੀ ਹੈ, ਸਟੇਡੀਅਮਾਂ ਦਾ ਵਿਕਾਸ ਕੀਤਾ ਜਾ ਰਿਹਾ ਹੈ ਅਤੇ ਪਵਿੱਤਰ ਨਗਰੀ ਸੁਲਤਾਨਪੁਰ ਲੋਧੀ ਦੀ ਨੁਹਾਰ ਇਤਿਹਾਸਕ ਤਰੀਕੇ ਨਾਲ ਬਦਲੀ ਜਾ ਰਹੀ ਹੈ। ਪਰ ਵਿਰੋਧੀ ਪਾਰਟੀਆਂ ਸਰਕਾਰ ਦੀਆਂ ਗਰਾਂਟਾਂ ’ਤੇ ਆਪਣੀ ਪਿੱਠ ਆਪ ਥਾਪੜਨ ਤੋਂ ਬਾਜ਼ ਨਹੀਂ ਆ ਰਹੀਆਂ。 ਅੰਤ ਵਿੱਚ ਸੱਜਣ ਚੀਮਾ ਨੇ ਤੰਜ ਕਰਦਿਆਂ ਕਿਹਾ ਕਿ ਵਿਰੋਧੀ ਇੰਨੇ ਬੁਖਲਾਏ ਹੋਏ ਹਨ ਕਿ ਉਹਨਾਂ ਦੇ ਬਿਆਨ ਹੁਣ ਕਪਿਲ ਸ਼ਰਮਾ ਦੇ ਕਾਮੇਡੀ ਸ਼ੋਅ ਤੋਂ ਵੀ ਅੱਗੇ ਨਿਕਲ ਗਏ ਹਨ। “ਲੋਕ ਹੁਣ ਕਮੇਡੀ ਸ਼ੋਅ ਨਹੀਂ, ਸਗੋਂ ਵਿਰੋਧੀ ਆਗੂਆਂ ਦੇ ਬਿਆਨ ਵੇਖ ਕੇ ਮਨੋਰੰਜਨ ਕਰ ਰਹੇ ਹਨ,” ਉਨ੍ਹਾਂ ਕਿਹਾ。