जलालाबाद के दीप रेस्टोरेंट में शराबी ग्राहकों ने संचालक से मारपीट; पुलिस जांच शुरू

ਜਲਾਲਾਬਾਦ ਦੇ ਵਿੱਚ ਦੀਪ ਰੈਸਟੋਰੈਂਟ ਤੇ ਵਿਵਾਦ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਰੈਸਟੋਰੈਂਟ ਸੰਚਾਲਕ ਦੇ ਮੁਤਾਬਕ ਦੋ ਲੋਕ ਉਹਨਾਂ ਦੇ ਰੈਸਟੋਰੈਂਟ ਤੇ ਸ਼ਰਾਬ ਦੇ ਨਸ਼ੇ ਵਿੱਚ ਆਏ ਤੇ ਮੱਛੀ ਖਾਣ ਦੀ ਡਿਮਾਂਡ ਕੀਤੀ । ਹਾਲਾਂਕਿ ਉਹਨਾਂ ਵੱਲੋਂ ਮੱਛੀ ਦਾ ਆਰਡਰ ਲਾ ਦਿੱਤਾ ਗਿਆ । ਮੱਛੀ ਖਾਣ ਤੋਂ ਬਾਅਦ ਬਿੱਲ ਦੇਣ ਵੇਲੇ ਉਹਨਾਂ ਨੇ ਕਿਹਾ ਕਿ ਮੱਝੀ ਕੱਚੀ ਸੀ । ਹਾਲਾਂਕਿ ਰੈਸਟੋਰੈਂਟ ਸੰਚਾਲਕ ਦਾ ਕਹਿਣਾ ਕਿ ਉਹਨਾਂ ਨੇ ਇਹ ਵੀ ਕਿਹਾ ਕਿ ਇਸ ਬਾਬਤ ਤੁਸੀਂ ਸ਼ਿਕਾਇਤ ਦੇ ਸਕਦੇ ਸੀ ਜਿਸ ਤੇ ਉਹ ਆਰਡਰ ਦੁਬਾਰਾ ਬਣਵਾ ਦਿੰਦੇ । ਪਰ ਗ੍ਰਾਹਕਾਂ ਨੇ ਖੁਦ ਨੂੰ ਸਰਪੰਚ ਦੱਸਿਆ ਤੇ ਗਾਲੀ ਗਲੋਚ ਕਰਨਾ ਸ਼ੁਰੂ ਕਰ ਦਿੱਤਾ। ਜਿਸ ਤੋਂ ਬਾਅਦ ਉਹਨਾਂ ਨੇ ਉਸ ਦੇ ਥੱਪੜ ਵੀ ਮਾਰਿਆ । ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋਈ ਹੈ ਤਾਂ ਹੁਣ ਮੌਕੇ ਤੇ ਵਪਾਰ ਮੰਡਲ ਰੈਸਟੋਰੈਂਟ ਯੂਨੀਅਨ ਦੇ ਅਹੁਦੇਦਾਰ ਅਤੇ ਪੁਲਿਸ ਪ੍ਰਸ਼ਾਸਨ ਪਹੁੰਚ ਗਿਆ । ਵਪਾਰ ਮੰਡਲ ਦਾ ਕਹਿਣਾ ਕਿ ਇਹ ਹਰਕਤ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ । ਦੋ ਦਿਨ ਪਹਿਲਾਂ ਵੀ ਇੱਕ ਵਪਾਰੀ ਦੇ ਨਾਲ ਉਧਾਰ ਦੇਣ ਨੂੰ ਲੈ ਕੇ ਗ੍ਰਾਹਕ ਵੱਲੋਂ ਵਿਵਾਦ ਕੀਤਾ ਗਿਆ । ਮਾਰਕੁੱਟ ਕੀਤੀ ਗਈ ਤਾਂ ਹੁਣ ਰੈਸਟੋਰੈਂਟ ਸੰਚਾਲਕ ਦੇ ਨਾਲ ਬੇਵਜਹ ਬਦਤਮੀਜ਼ੀ ਕਰਦੇ ਹੋਏ ਗਾਲੀ ਗਲੋਚ ਕਰ ਥੱਪੜ ਮਾਰਿਆ ਗਿਆ ਹੈ । ਉਹਨਾਂ ਚੇਤਾਵਨੀ ਦਿੱਤੀ ਹੈ ਕਿ ਅਗਰ ਪੁਲਿਸ ਪ੍ਰਸ਼ਾਸਨ ਨੇ ਇਸ ਮਾਮਲੇ ਤੇ ਸਖਤ ਕਾਰਵਾਈ ਨਾ ਕੀਤੀ ਤਾਂ ਚਾਹੇ ਸ਼ਹਿਰ ਬੰਦ ਕਰਵਾਉਣਾ ਪਿਆ ਬੰਦ ਕਰਵਾਇਆ ਜਾਵੇਗਾ। ਉਧਰ ਪੁਲਿਸ ਨੇ ਕਾਰਵਾਈ ਦਾ ਭਰੋਸਾ ਦਿੱਤਾ ਹੈ ।