Kotkapura रेलवे लाइन के पास अज्ञात युवक की लाश की पहचान Sukwindar Singh से हुई

ਕੋਟਕਪੂਰਾ ਵਿਖੇ ਰਿਸ਼ੀ ਨਗਰ ਨੇੜੇ ਰੇਲਵੇ ਲਾਈਨ ਕੋਲੋਂ ਅਣਪਛਾਤੀ ਲਾਸ਼ ਦੀ ਹੁਣ ਪਹਿਚਾਣ ਹੋ ਗਈ ਹੈ। ਇਹ ਜਾਣਕਾਰੀ ਇੰਚਾਰਜ ਚੌਂਕੀ ਜੀ.ਆਰ.ਪੀ. ਕੋਟਕਪੂਰਾ ਐੱਸ.ਆਈ. ਜਸਵੀਰ ਕੌਰ ਵੱਲੋਂ ਦਿੱਤੀ ਗਈ। ਐੱਸ.ਆਈ. ਜਸਵੀਰ ਕੌਰ ਨੇ ਦੱਸਿਆ ਕਿ ਮਿਤੀ 24.01.2026 ਨੂੰ ਰੇਲਵੇ ਲਾਈਨ ਰਿਸ਼ੀ ਨਗਰ ਕੋਟਕਪੂਰਾ ਨੇੜੇ ਖੰਬਾ ਨੰਬਰ 1-5/6 ਦੇ ਕੋਲੋਂ ਇੱਕ ਨੌਜਵਾਨ ਵਿਅਕਤੀ ਦੀ ਅਣਪਛਾਤੀ ਲਾਸ਼ ਮਿਲੀ ਸੀ। ਮ੍ਰਿਤਕ ਦੀ ਉਮਰ ਕਰੀਬ 20 ਤੋਂ 25 ਸਾਲ ਦੇ ਦਰਮਿਆਨ ਜਾਪਦੀ ਸੀ। ਉਸਨੇ ਕਾਲੇ ਰੰਗ ਦੀ ਜੀਨ ਪੈਂਟ, ਭੂਰੇ ਰੰਗ ਦੀ ਕੋਟੀ ਅਤੇ ਪੈਰਾਂ ਵਿੱਚ ਚਿੱਟੇ ਰੰਗ ਦੇ ਬੂਟ ਪਾਏ ਹੋਏ ਸਨ। ਉਸਦੇ ਕੰਨਾਂ ਵਿੱਚ ਮੁੰਦਰੀਆਂ ਸਨ ਅਤੇ ਸੱਜੇ ਹੱਥ ‘ਤੇ ਹਿੰदी ਵਿੱਚ “ਮਾਂ” ਲਿਖਿਆ ਹੋਇਆ ਸੀ। ਉਨ੍ਹਾਂ ਦੱਸਿਆ ਕਿ ਲਾਸ਼ ਦੀ ਪਹਿਚਾਣ ਲਈ ਸ਼ੋਸ਼ਲ ਮੀਡੀਆ ‘ਤੇ ਜਾਣਕਾਰੀ ਸਾਂਝੀ ਕੀਤੀ ਗਈ, ਜਿਸ ਤੋਂ ਬਾਅਦ ਮ੍ਰਿਤਕ ਦੀ ਪਹਿਚਾਣ ਗੋਬਿੰਦਪੁਰੀ ਨਿਵਾਸੀ ਸੁਖਵਿੰਦਰ ਸਿੰਘ ਵਜੋਂ ਹੋਈ। ਇੰਚਾਰਜ ਜੀ.ਆਰ.ਪੀ. ਨੇ ਕਿਹਾ ਕਿ ਪੁਲਿਸ ਵੱਲੋਂ ਹੁਣ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ, ਜਿਸ ਨਾਲ ਮੌਤ ਦੇ ਅਸਲ ਕਾਰਨ ਦਾ ਪਤਾ ਲੱਗ ਸਕੇਗਾ। ਮਾਮਲੇ ਦੀ ਜਾਂਚ ਜਾਰੀ ਹੈ।