पंजाब स्वास्थ्य योजना के 10 लाख इलाज पर सवाल, रोपड़ अस्पताल दौरा रद्द; सरकार संकट में

ਪੰਜਾਬ ਸਰਕਾਰ ਵੱਲੋਂ ਲਾਗੂ ਕੀਤੀ ਗਈ 10 ਲੱਖ ਦੇ ਇਲਾਜ ਵਾਲੀ ਸਿਹਤ ਯੋਜਨਾ ਤੇ ਵੱਡੇ ਸਵਾਲ ਖੜੇ ਹੋ ਰਹੇ ਹਨ ਤੇ ਇਸ ਸਕੀਮ ਦੇ ਪ੍ਰਬੰਧਾਂ ਦਾ ਜਾਇਜ਼ਾ ਲੈਣ ਲਈ ਐਤਵਾਰ ਵਾਲੇ ਦਿਨ ਸਿਹਤ ਮੰਤਰੀ ਡਾ ਬਲਬੀਰ ਸਿੰਘ ਵੱਲੋਂ ਰੋਪੜ ਦੇ ਸਰਕਾਰੀ ਹਸਪਤਾਲ ਦਾ ਦੌਰਾ ਰੱਖਿਆ ਗਿਆ। ਸਿਹਤ ਮੰਤਰੀ ਦੇ ਦੌਰੇ ਨੂੰ ਲੈ ਕੇ ਐਤਵਾਰ ਵਾਲੇ ਦਿਨ ਹਸਪਤਾਲ ਦਾ ਸਟਾਫ ਬੁਲਾਇਆ ਗਿਆ ਤੇ ਸਿਹਤ ਮੰਤਰੀ ਦੇ ਸਵਾਗਤ ਲਈ ਵਿਸ਼ੇਸ਼ ਪ੍ਰਬੰਧ ਕਰਨ ਦੇ ਨਾਲ ਨਾਲ ਬੀਮਾ ਯੋਜਨਾ ਤਹਿਤ ਰਜਿਸਟਰੇਸ਼ਨ ਕਰਨ ਲਈ ਵਿਸ਼ੇਸ਼ ਕਾਊਂਟਰ ਵੀ ਲਗਾਇਆ ਪਰ ਮੰਤਰੀ ਸਾਬ ਦਾ ਦੌਰਾ ਰੱਦ ਹੋ ਗਿਆ ਜਿਸ ਤੋ ਬਾਅਦ ਸਿਹਤ ਵਿਭਾਗ ਵੱਲੋਂ ਕੀਤੀਆਂ ਤਿਆਰੀਆਂ ਧਰੀਆਂ ਧਰਾਈਆਂ ਰਹਿ ਗਈਆਂ। ਦੋਰਾ ਰੱਦ ਹੋਣ ਦੀ ਸੂਚਨਾ ਮਿਲਣ ਤੋ ਬਾਅਦ ਲਗਾਇਆ ਗਿਆ ਵਿਸ਼ੇਸ਼ ਰਜਿਸ਼ਟਰੇਸ਼ਨ ਕਾਊਂਟਰ ਵੀ ਚੁੱਕ ਦਿੱਤਾ ਗਿਆ। ਜਦ ਕਿ ਦੂਜੇ ਪਾਸੇ ਇਸ ਸਿਹਤ ਯੋਜਨਾ ਤਹਿਤ ਰਜਿਸਟਰੇਸ਼ਨ ਕਰਵਾਉਣ ਲਈ ਲਾਭਪਾਤਰੀਆਂ ਨੂੰ ਆਮ ਆਦਮੀ ਪਾਰਟੀ ਦੇ ਯੂਥ ਕੋਆਰਡੀਨੇਟਰ ਵੱਲੋਂ ਜਾਰੀ ਕੀਤੀ ਗਈ ਸਲਿੱਪ ज़ਰੂਰੀ ਰੱਖੀ ਗਈ ਹੈਂ। ਪੰਜਾਬ ਦੇ ਲੋਕ ਸਿੱਧੇ ਤੋਰ ਤੇ ਇਸ ਸਕੀਮ ਲਈ ਰਜਿਸ਼ਟਰ ਨਹੀ ਹੋ ਸਕਣਗੇ ਤੇ ਲੋਕਾਂ ਨੂੰ ਆਮ ਆਦਮੀ ਪਾਰਟੀ ਦੇ ਯੂਥ ਕੋਆਰਡੀਨੇਟਰ ਦੇ ਜ਼ਰੀਏ ਹੀ ਰਜਿਸਟਰੇਸ਼ਨ ਕਰਵਾਉਣੀ ਪਵੇਗੀ।