मग्नरेगा योजना का नाम बदला, 125 दिन रोजगार गारंटी पर कांग्रेस का तीखा विरोध

ਬੀਤੇ ਦਿਨੀ ਲੋਕ ਸਭਾ ਦੇ ਇਜਲਾਸ਼ ਦੌਰਾਨ ਕੇਂਦਰ ਸਰਕਾਰ ਵੱਲੋਂ ਮਗਨਰੇਗਾ ਸਕੀਮ ਵਿਚ ਬਦਲਾਅ ਕਰ ਕੇ 125 ਦਿਨਾਂ ਦਾ ਗਰੰਟੀ ਰੋਜਗਾਰ ਅਤੇ ਕੇਂਦਰ ਵੱਲੋਂ ਇਸ ਸਕੀਮ ਤਹਿਤ ਦਿੱਤੇ ਜਾਣ ਵਾਲੇ ਫੰਡਾਂ ਵਿਚ ਰਾਜਾ ਦਾ ਹਿੱਸਾ 10 ਪ੍ਰਤੀਸ਼ਤ ਤੋਂ ਵਧਾ ਕੇ 40 ਪ੍ਰਤੀਸ਼ਤ ਕੀਤੇ ਜਾਣ ਅਤੇ ਇਸ ਸਕੀਮ ਦਾ ਨਾਮ ਮਗਨਰੇਗਾ ਤੋਂ ਬਦਲ ਕੇ ਵਿਕਸਤ ਭਾਰਤ ਗਰੰਟੀ ਰੋਜਗਾਰ ਯੋਜਨਾ (ਵੀਬੀ ਜੀ ਰਾਮ ਜੀ) ਕਰਨ ਤੇ ਕਾਂਗਰਸ ਪਾਰਟੀ ਵੱਲੋਂ ਲਗਾਤਾਰ ਇਸ ਦਾ ਵਿਰੋਧ ਕੀਤਾ ਜਾ ਰਿਹਾ ਹੈ ਜਿਸ ਦੇ ਚਲਦੇ ਅੱਜ ਕਾਂਗਰਸ ਟੀਮ ਦੇ ਸੀਨੀਅਰ ਆਗੂ ਗੁਰਕੀਰਤ ਕੋਟਲੀ ਵਿਸ਼ੇਸ਼ ਤੌਰ ਤੇ ਕਾਂਗਰਸ ਭਵਨ ਫਰੀਦਕੋਟ ਪਹੁੰਚੇ ਜਿੱਥੇ ਉਹਨਾਂ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਕੇਂਦਰ ਸਰਕਾਰ ਤੋਂ ਪੰਜਾਬ ਦਾ ਵਿਕਾਸ ਸਹਿਯੋਗ ਨਹੀਂ ਹੋਇਆ ਜਿਸ ਦੇ ਚਲਦੇ ਕੇਂਦਰ ਨੇ ਹੁਣ ਮਗਨਰੇਗਾ ਸਕੀਮ ਦਾ ਜਿੱਥੇ ਨਾਂਮ ਬਦਲਿਆ ਉਥੇ ਹੀ ਇਸ ਵਿਚ ਹੋਰ ਕਈ ਬਦਲਾਅ ਕਰ ਕੇ ਇਸ ਸਕੀਮ ਤੋਂ ਗਰੀਬਾਂ ਮਜਦੂਰਾਂ ਨੂੰ ਵਾਂਝੇ ਕਰ ਦਿੱਤਾ ਹੈ। ਉਹਨਾਂ ਕਿਹਾ ਕਿ ਪਹਿਲਾਂ ਹੀ ਪੰਜਾਬ ਵਿਚ ਮਜਦੂਰਾਂ ਨੂੰ ਮਸਾਂ 33 ਪ੍ਰਤੀਸ਼ਤ ਦੀ ਦਰ ਨਾਲ ਕੰਮ ਮਿਲਿਆ ਹੈ ਹੁਣ ਸਰਕਾਰ ਨੇ ਜੋ ਇਸ ਸਕੀਮ ਦਾ ਨਾਮ ਬਦਲ ਕੇ ਸ਼ਰਤ ਲਗਾਈ ਹੈ ਉਹ ਗਰੀਬਾਂ ਮਜਦੂਰਾਂ ਲਈ ਬਹੁਤ ਘਾਤਕ ਸਾਬਤ ਹੋਵੇਗੀ ਕਿਉਕਿ ਮਜਦੂਰਾਂ ਨੂੰ ਕੰਮ ਤਾਂ ਫਿਰ ਹੀ ਮਿਲੇਗਾ ਜੇਕਰ ਕੰਮ ਚਲਦਾ ਹੋਵੇਗਾ। ਉਹਨਾਂ ਕਿਹਾ ਕਿ ਕੇਂਦਰ ਵੱਲੋਂ ਮਗਨਰੇਗਾ ਸਕੀਮ ਤਹਿਤ ਵਿਚ ਸੂਬਿਆ ਦੀ ਹਿੱਸੇਦਾਰੀ 10 ਪ੍ਰਤੀਸ਼ਤ ਤੋਂ ਵਧਾ ਕੇ 40 ਪ੍ਰਤੀਸ਼ਤ ਕਰ ਦਿੱਤੀ ਹੈ। ਉਹਨਾਂ ਕਿਹਾ ਕਿ ਕਿਸੇ ਵੀ ਸੂਬੇ ਹਾਲਤ ਅਜਿਹੀ ਨਹੀਂ ਜੋ ਇੰਨਾਂ ਪੈਸਾ ਦੇ ਸਕੇ। ਉਹਨਾਂ ਕਿਹਾ ਕਿ ਜੇਕਰ ਸੂਬਾ ਸਰਕਾਰ ਪੈਸ਼ਾ ਨਹੀਂ ਦੇਵੇਗੀ ਤਾਂ ਇਸ ਸਕੀਮ ਤਹਿਤ ਕੋਈ ਕੰਮ ਨਹੀਂ ਚੱਲਣਾਂ ਅਤੇ ਜੇਕਰ ਕੋਈ ਕੰਮ ਨਹੀਂ ਚੱਲਣਾਂ ਤਾਂ ਮਜਦੂਰਾਂ ਨੂੰ ਕੰਮ ਕਿੱਥੇ ਮਿਲੇਗਾ। ਉਹਨਾਂ ਕਿਹਾ ਕਿ ਸਰਕਾਰ ਦਾ ਇਹ ਫੈਸਲਾ ਪੂ੍ਰੀ ਤਰਾਂ ਪਬਲਿਕ ਵਿਰੋਧੀ ਹੈ।ਉਹਨਾਂ ਕਿਹਾ ਕਿ ਪੁਰਾਣੀ ਮਗਨਰੇਗਾ ਸਕੀਮ ਨੂੰ ਮੁੜ ਬਹਾਲ ਕਰਵਾਉਣਚ ਲਈ ਪੰਜਾਬ ਕਾਂਗਰਸ ਵੱਲੋਂ ਵੱਡਾ ਅੰਦੋਲਣ ਵਿੱਢਿਆ ਜਾ ਰਿਹਾ ਹੈ ਅਤੇ ਅਸੀਂ ਉਨਾਂ ਚਿਰ ਟਿਕਕੇ ਬੈਠਾਂਗੇ ਵੀ ਨਹੀਂ ਜਦੋਂ ਤੱਕ ਇਹ ਸਕੀਮ ਮੁੜ ਤੋਂ ਲਾਗੂ ਨਹੀਂ ਹੋ ਜਾਂਦੀ