फरीदकोट बूथ के पास बीजेपी उम्मीदवार के भाई पर हमला; चुनाव से लिंक नहीं

ਫਰੀਦਕੋਟ ਜਿਲ੍ਹੇ ਅੰਦਰ ਇਕ ਦੁਕਾ ਘਟਨਾਵਾਂ ਨੂੰ ਛੱਡ ਕੇ ਜਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਚੋਣਾਂ ਅਮਨ ਅਮਾਨ ਨਾਲ ਨੇਪਰੇ ਚੜ੍ਹੀਆਂ। ਪੂਰਾ ਦਿਨ ਜਿੱਥੇ ਜਿਲ੍ਹੇ ਅੰਦਰ ਅਮਨ ਸ਼ਾਤੀ ਰਹੀ ਉਥੇ ਹੀ ਦਿਨ ਢਲਦੇ ਹੀ ਜਿਲ੍ਹੇ ਦੇ ਪਿੰਡ ਘੁਗਿਆਣਾਂ ਵਿਚ ਬੀਜੇਪੀ ਦੇ ਜਿਲ੍ਹਾ ਪ੍ਰੀਸ਼ਦ ਉਮੀਦਵਾਰ ਅਮਰ ਸਿੰਘ ਦੇ ਭਰਾ ਤੇ ਕੁਝ ਲੋਕਾਂ ਵੱਲੋਂ ਉਹਨਾਂ ਦੇ ਘਰ ਦੇ ਬਾਹਰ ਹੀ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਕੇ ਜਿਥੇ ਉਸ ਨੂੰ ਬੁਰੀ ਤਰਾਂ ਜਖਮੀਂ ਕੀਤਾ ਗਿਆ ਉਥੇ ਹੀ ਉਮੀਦਵਾਰ ਦੀ ਘਰ ਬਾਹਰ ਖੜ੍ਹੀ ਸਕਾਰਪੀਓ ਗੱਡੀ ਦੀ ਵੀ ਭੰਨਤੋੜ ਕੀਤੀ ਗਈ। ਗੁੰਡਾਗਰਦੀ ਦੀ ਇਹ ਵਾਰਦਾਤ ਘਰ ਵਿਚ ਲੱਗੇ ਸੀਸੀਟੀਵੀ ਕੈਮਰਿਆ ਵਿਚ ਕੈਦ ਹੋ ਗਈ। ਬੁਰੀ ਤਰਾਂ ਜਖਮੀਂ ਉਮੀਦਵਾਰ ਦੇ ਭਰਾ ਲਖਵਿੰਦਰ ਸਿੰਘ ਨੂੰ ਇਲਾਜ ਲਈ ਫਰੀਦਕੋਟ ਦੇ ਜੀਜੀਐਸ ਮੈਡੀਕਲ ਹਸਪਤਾਲ ਵਿਚ ਦਾਖੁਲ ਕਰਵਾਇਆ ਗਿਆ ਜਿਥੇ ਉਸ ਦਾ ਇਲਾਜ ਚੱਲ ਰਿਹਾ। ਇਸ ਮੌਕੇ ਜਖਮੀਂ ਦਾ ਹਾਲ ਜਾਣਣ ਲਈ ਬੀਜੀਪੀ ਦੇ ਆਗੂ ਸੰਦੀਪ ਸਿੰਘ ਸੰਨੀ ਬਰਾੜ ਅਤੇ ਬੀਜੇਪੀ ਦੇ ਜਿਲ੍ਹਾ ਪ੍ਰਧਾਨ ਗੌਰਵ ਕੱਕੜ ਮੈਡੀਕਲ ਹਸਪਤਾਲ ਪਹੁੰਚੇ। ਇਸ ਮੌਕੇ ਗੱਲਬਾਤ ਕਰਦਿਆਂ ਦੋਹਾਂ ਹੀ ਨੇਤਾਵਾਂ ਨੇ ਕਿਹਾ ਕਿ ਬੀਜੇਪੀ ਦੇ ਜਿਲ੍ਹਾ ਪ੍ਰੀਸ਼ਦ ਸਰਕਲ ਗੋਲੇਵਾਲਾ ਤੋਂ ਉਮੀਦਵਾਰ ਅਮਰ ਸਿੰਘ ਦੇ ਭਰਾ ਲਖਵਿੰਦਰ ਸਿੰਘ ਤੇ ਕਾਂਗਰਸੀ ਅਤੇ ਝਾੜੂ ਦੇ ਸਮਰੱਥਕਾਂ ਨੇ ਮਿਲ ਕੇ ਹਮਲਾ ਕੀਤਾ ਹੈ। ਉਹਨਾਂ ਕਿਹਾ ਕਿ ਬੀਜੇਪੀ ਦਾ ਪਿੰਡਾਂ ਵਿਚ ਵਧਦਾ ਆਧਾਰ ਅਤੇ ਕੈਡੀਡੇਟ ਦੀ ਹੁੰਦੀ ਜਿੱਤ ਤੋਂ ਘਬਰਾ ਕੇ ਇਹਨਾਂ ਦੋਹਾਂ ਪਾਰਟੀਆਂ ਦੇ ਕਥਿਤ ਗੁੰਡਿਆਂ ਨੇ ਅੱਜ ਜਾਨਲੇਵਾ ਹਮਲਾ ਕੀਤਾ ਹੈ ਤਾਂ ਜੋ ਉਮੀਦਵਾਰ ਉਲਝ ਜਾਵੇ ਅਤੇ ਵੋਟਾਂ ਨਾਂ ਭੁਗਤਾਈਆਂ ਜਾ ਸਕਣ। ਉਹਨਾਂ ਕਿਹਾ ਕਿ ਪਿੰਡ ਵਿਚ ਇਸ ਘਟਨਾਂ ਤੋਂ ਬਾਅਦ ਦਹਿਸ਼ਤ ਦਾ ਮਹੌਲ ਹੈ ਅਤੇ ਇਸ ਤੋਂ ਬਾਅਦ ਉਥੇ ਵੋਟ ਪੋਲ ਨਹੀਂ ਹੋਈ। ਉਹਨਾਂ ਜਿਲ੍ਹਾ ਪ੍ਰਸ਼ਾਂਸਨ ਤੋਂ ਦੋਸੀਆਂ ਖਿਲਾਫ ਸਖਤ ਕਾਨੰੁਨੀ ਕਾਰਵਾਈ ਕੀਤੇ ਜਾਣ ਦੀ ਮੰਗ ਕੀਤੀ। ਇਨਾਂ ਬੋਲਾਂ ਦੇ ਨਾਲ ਤਵੀਰਾਂ ਲਈ: ਸੰਦੀਪ ਸਿੰਘ ਸਨੀ ਬਰਾੜ ਅਤੇ ਗੌਰਵ ਕੱਕੜ ਇਸ ਪੂਰੇ ਮਾਮਲੇ ਬਾਰੇ ਜਾਣਕਾਰੀ ਦਿੰਦਿਆਂ ਐਸਪੀ ਹੈਡਕੁਆਟਰ ਫਰੀਦਕੋਟ ਮਨਿੰਦਰ ਬੀਰ ਸਿੰਘ ਨੇ ਦੱਸਿਆ ਕਿ ਅੱਜ ਜਿਥੇ ਪੂਰੇ ਜਿਲ੍ਹੇ ਅੰਦਰ ਅਮਨ ਅਮਾਨ ਨਾਲ ਵੋਟਿੰਗ ਹੋਈ ਉਥੇ ਹੀ ਜੋ ਪਿੰਡ ਘੁਗਿਆਣਾਂ ਵਿਚ ਵਾਰਦਾਤ ਹੋਈ ਹੈ ਉਸ ਨੂੰ ਚੋਣਾਂ ਨਾਲ ਨਹੀਂ ਜੋੜਿਆ ਜਾ ਸਕਦਾ। ਉਹਨਾਂ ਕਿਹਾ ਕਿ ਲੜਾਈ ਪੋਲਿੰਗ ਬੂਥ ਤੋਂ ਕਈ ਮੀਟਰ ਦੂਰ ਘਰ ਦੇ ਬਾਹਰ ਹੋਈ ਹੈ।ਉਹਨਾਂ ਮੰਨਿਆ ਕਿ ਜਖਮੀਂ ਹੋਣ ਵਾਲਾ ਬੀਜੇਪੀ ਦੇ ਉਮੀਦਵਾਰ ਦਾ ਭਰਾ ਹੈ। ਉਮੀਦਵਾਰ ਦੀ ਗੱਡੀ ਭੰਨੇ ਜਾਣ ਬਾਰੇ ਉਹਨਾਂ ਕਿਹਾ ਕਿ ਮਾਮਲੇ ਦੀ ਮੌਕੇ ਤੇ ਪਹੁੰਚੇ ਅਧਿਕਾਰੀਆਂ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਜਿਸ ਤਰਾਂ ਵੀ ਬਿਆਨ ਦਰਜ ਕਰਵਾਏ ਜਾਣਗੇ ਬਣਦੀ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾਵੇਗੀ।