Anc - एकीकडे हिंदी विषय सक्तीवरून वातावरण ढवळून निघाले असताना दुसरीकडे हिंदी विषय शिकवण्यासाठी शिक्षकच नसल्याने विद्यार्थ्यांवर आंदोलन करण्याची वेळ आली आहे.. शाळेला शिक्षक मिळावे यासाठी अहिल्यानगरच्या कोपरगाव तालुक्यातील उक्कडगाव येथे शेकडो विद्यार्थ्यांनी गावातून मुकमोर्चा काढत शिक्षण विभागाचे लक्ष वेधण्याचा प्रयत्न केला.. V/O - उक्कडगाव येथील सुशीलामाई काळे माध्यमिक विद्यार्थ्यांनी अचानक शाळा बंद करत गावातून मुकमोर्चा काढलाय.. पुस्तके आहेत पण शिकवण्यासाठी शिक्षक नसल्याने विद्यार्थ्यांवर आंदोलनाची वेळ आली आहे.. वर्षभरापूर्वी हिंदी विषय शिकवणारे शिक्षक निवृत्त झाले मात्र त्यानंतर शाळेवर हिंदीसाठी दुसऱ्या शिक्षकाची नियुक्तीच झाली नाही.. दोन महिन्यांपासून विज्ञान विषय शिकवण्यासाठी देखील शिक्षक नसल्याने विद्यार्थी संतप्त झाले आहेत.. वाड्या - वस्त्या तसेच दूरवरुन अनेक विद्यार्थी पायी तर काही विद्यार्थी सायकलवर शाळेत येतात.. मात्र हिंदी आणि विज्ञान शिकवण्यासाठी शिक्षकच नसल्याने शेकडो विद्यार्थ्यांचे शालेय नुकसान होत आहे.. जर लवकरात लवकर शिक्षक मिळाले नाही तर शालबंद आंदोलन सुरू ठेवण्याचा आणि वेळप्रसंगी उक्कडगाव ते कोपरगाव पंचायत समिती कार्यालयावर पायी मोर्चा काढण्याचा इशारा विद्यार्थ्यांनी दिलाय.. Byte - विद्यार्थी , विद्यार्थिनी Byte - ईश्वर मगर, सदस्य शाळा व्यवस्थापन समिती Byte - पालक V/O - तिसरी भाषा म्हणून पहिलीपासून हिंदी शिकवण्याचा विषय पुढे आल्यानंतर राज्यातील राजकीय आणि सामाजिक वातावरण ढवळून निघाले आहे.. मात्र ग्रामीण भागातील माध्यमिक विद्यालयात हिंदी शिकवण्यासाठी वर्षभरापासून शिक्षकांची नियुक्ती होत नाही, यातून शिक्षण विभागाची उदासीनता दिसून येत आहे.. उक्कडगावातील शेकडो विद्यार्थ्यांवर " कुणी शिक्षक देता का शिक्षक?" म्हणत आंदोलनाची वेळ येणे दुर्दैवी असून शिक्षक कधी मिळणार याकडे विद्यार्थी आणि पालकांचे लक्ष लागले आहे..प्रतिनिधी कुणाल जमदाडे झी 24 तास शिर्डी अहिल्यानगर..