पालम-गंगाखेड में जोरदार बारिश, सड़कें पानी में डूबीं, यातायात थम गया

अँकर- परभणी जिल्ह्यात मध्यरात्री पासूनच जोरदार पाऊस पडू लागला असून एकूण 52 मंडळापैकी 21 महसूल मंडळात अतिवृष्टीची नोंद शासन दरबारी झालीय. जिल्ह्यातील गळाटी नदीला आलेल्या पुरामुळे गंगाखेड पालम तसेच गंगाखेड राणीसावरगाव रस्ता बंद झालाय,गंगाखेड, पूर्णा, पालम या तीनही तालुक्यांमध्ये पूरस्थिती असून पोलीस ठाणे चुडावा हद्दीत पूर्णा ते नांदेड रोडवर मौजे चुडावा गावाजवळ पाणी वाहत असल्याने वाहतूक बंद केलेली आहे. पूर्णा तालुक्यातील चुडावा येथील पाण्याच्या टाकीवर एक व्यक्ती पुराच्या पाण्याने वेढलेला होता. त्याला नगरपालिका महसूल पोलीस पथक पूर्णा तालुक्यातील सदर व्यक्तीला रेस्क्यू करण्यात आलं आहे. पालम शहर आणि तालुक्यातील नाव्हा येथे काही व्यक्तींच्या घरात पाणी शिरल्याने त्यांना सुरक्षित ठिकाणी स्थलांतरित करण्यात आले आहे . पालम तालुक्यातील शेखराजूर येथे पुराच्या पाण्यामध्ये शेतात दोन व्यक्ती अडकलेले होते सदर दोघाना सुखरूप रेस्क्यू करण्यात आले आहे, पालम तालुक्यातील गुळखंड जवळा येथे पुराचे पाणी गावात शिरले असून काही लोकांना सुरक्षित स्थळी प्रशासनाने हलवले आहे.धानोरा काळे येथील गोदावरी नदीवरील पुलावर पाणी आल्याने वाहतुकीसाठी हा रस्ता बंद करण्यात आला आहे. केरवाडी च्या पुलावर पाणी आल्याने गंगाखेड पालम रस्ता रस्ता बंद झाला आहे. निम्न दुधना धरणातून दुधना नदीत सोडलेल्या पाण्यामुळे निलवर्ण टाकळी गावाचा संपर्क तुटलाय, थुना नदीला पूर आल्याने झिरो माटेगाव पूर्णा मार्ग बंद पडला असून नावकी गावाच्या मंदिरा पर्यंत पाणी आले आहेत,जिल्ह्यतील नेक रस्ते बंद पडले असून जनजीवन विस्कळीत झाले आहे. नदी काठच्या गावांना प्रशासनाच्या वतीने सतर्कतेचा ईशारा देण्यात आला असून गरज असेल तरच नागरिकांनी घराबाहेर पडावं असे आवाहन ही जिल्हा प्रशासनाच्या वतीने करण्यात आले आहे. दुपारी साडे तीन वाजल्यापासून आता पावसाने खंड दिला आहे...