आदिवासी आंदोलन उलगुलान: शहापुर से मंत्रालय तक लांग मार्च शुरू

शहापूर... आदिवासींचा हक्कासाठी शहापुर ते मुंबई मंत्रालय लाँग मार्च सुरू... 'उलगुलान' १४ सप्टेंबरपासून सुरू... ॲंकर... आदिवासी समाजाच्या न्याय्य हक्कांसाठी आणि प्रलंबित मागण्यांसाठी १४ सप्टेंबरला सकाळी ११ वाजता शहापूर येथून 'उलगुलान' लाँग मार्च सुरू करण्यात आले आहे. हा लाॅग मार्च १६ सप्टेंबरला मंत्रालयात धडकणार आहे. अखिल भारतीय आदिवासी विकास परिषदेचे राष्ट्रीय युवा अध्यक्ष लकी भाऊ जाधव यांच्या नेतृत्वाखाली होणाऱ्या या मोर्चात राज्यातील आदिवासी संघटनांचे जिल्हाप्रमुख, तालुकाध्यक्ष आणि सकल आदिवासी बांधव मोठ्या संख्येने सहभागी झाले आहेत. या संदर्भातचे निवेदन शहापूर तहसीलदार आणि वरिष्ठ पोलिस अधिकाऱ्यांना देण्यात आले होते. आंदोलनाद्वारे सरकारकडे आदिवासींच्या एकूण १९ महत्त्वांच्या मागण्या सादर केल्या जाणार आहेत. त्यामध्ये मुख्यमंत्र्यांच्या अध्यक्षतेखाली आदिवासी सल्लागार परिषदेची बैठक १५ दिवसांत घेणे, जात पडताळणी कायदा २००० मध्ये सुधारणा करून पडताळणी समित्यांना पुनर्रतपासणीचे अधिकार देणे, सरकारमधील ८५ हजार रिक्त जागांची कृती योजना जाहीर करणे, एमपीएससी व आरोग्य विभागातील १५४१ पदांची तातडीने भरती करणे, बोगस जात प्रमाणपत्रे रद्द करणे अशा मागण्या आहेत. तसेच, वैद्यकीय क्षेत्रातील बोगस उमेदवारांवर दंड लावून पदवी रद्द करावी आणि त्या जागी मूळ आदिवासी विद्यार्थ्यांना प्रवेश द्यावा, धनगर व बंजारा जातींची आदिवासी प्रवर्गातील घुसखोरी थांबवावी, मागण्या मान्य होईपर्यंत आंदोलन सुरू राहील, असा इशारा देण्यात आला आहे.