यवतमाळ में निम्न पैनगंगा विरोधी प्रदर्शन पर पुलिस ने 500 किसानों के खिलाफ केस दर्ज

निम्न पैनगंगा प्रकल्पाच्या कामावर धरण विरोधकांनी केलेल्या दगडफेक प्रकरणी पाचशे ते सहाशे शेतकऱ्यांवर यवतमाळच्या पारवा पोलिसांनी गुन्हे दाखल केले आहेत. काल खडका येथे धरण विरोधी संघर्ष समितीने आक्रमक पवित्रा घेत निम्न पैनगंगा प्रकल्पाचे काम थांबविले, त्यावेळी पोलिसांचा बंदोबस्त झूगारून आंदोलक शेतकऱ्यांनी सुरु काम बंद पाडले. पेसाअंतर्गत ग्रामपंचायतीचा ठराव न घेता आणि प्रकरण सर्वोच्च न्यायालयात न्यायप्रविष्ठ असताना प्रकल्पाचे काम करू नये अशी भूमिका आंदोलकांनी घेतली. यावेळी दगडफेक होऊन 13 टिप्पर, 4 पोकलॅन्ड मशीन अशा एकुण 17 वाहनांच्या काचा फोडण्यात आल्या, ज्यात पाच ते सहा लाख रूपयांचे नुकसान झाले, या प्रकरणी पोलिसात गुन्हा दाखल करण्यात आलाय. गेल्या पंचवीस वर्षांपासून या प्रकल्प विरोधात शेतकऱ्यांचा संघर्ष सुरू आहे.