बदलापूर नगरपालिका चुनाव: शहर से बाहर 17 हजार मतदाताओं के नाम, बवाल की संभावना

बदलापूर शहरात १७ हजार बाहेरचे मतदार! शिंदे शिवसेना शहरप्रमुख वामन म्हात्रे यांचा आरोप मतदान करायला आलात, तर चोप देऊ! शिंदे शिवसेना शहरप्रमुख वामन म्हात्रे यांचा इशारा बदलापूर पालिकेच्या आगामी निवडणुकांसाठी जाहिर झालेल्या मतदार यादीत शहराबाहेरील १७ हजार मतदारांची नावे असून हे मतदार मतदान करायला आले तर त्यांना चोप देऊ, असा इशारा शिवसेना शहरप्रमुख वामन म्हात्रे यांनी दिला आहे. बदलापूरमध्ये प्रत्येक प्रभागात एकाच नावाच्या अनेक मतदारांची नोंदणी करण्यात आली असून दुबार मतदारांची संख्या मोठी आहे. बदलापूर शहरालगतच्या ग्रामीण भागातील तब्बल १७ हजार मतदारांची नावं बदलापूर शहराच्या मतदार यादीत टाकण्यात आली आहेत. खोटे डॉक्युमेंट देऊन या मतदारांची नावं टाकण्यात आली असून याबाबत निवडणूक आयोगाला तक्रार केली आहे. या सर्व मतदारांसह त्यांची नावं टाकणाऱ्यांवर देशद्रोहाचा गुन्हा दाखल करावा, अशी मागणी बदलापूरचे शिवसेना शहरप्रमुख वामन म्हात्रे यांनी केली आहे. यामध्ये मलंगगड, बारवी परिसर, मुरबाड, शेलु, नेरळ, वांगणी, भिवंडी, शहापूर, कर्जत आणि आसपासच्या ग्रामीण भागातल्या मतदारांचा मोठ्या प्रमाणात समावेश असल्याची माहितीही म्हात्रे यांनी दिली आहे. तसंच हे मतदार जर मतदानाच्या दिवशी बोगस मतदान करायला आले, तर त्यांना चोप देऊ असा इशारा शिवसेना शहरप्रमुख वामन म्हात्रे यांनी दिला आहे. मतदानाच्या दिवशी जर कायदा सुव्यवस्थेचा प्रश्न निर्माण झाला, तर त्याची जबाबदारी निवडणूक आयोगाची असेल, असंही वामन म्हात्रे म्हणाले आहेत. Byte : वामन म्हात्रे, शिवसेना शहरप्रमुख, बदलावूर चंद्रशेखर भुयार ,बदलापूर