सह्याद्री बाघ प्रकल्प में मादा बाघ T7-S2 की सॉफ्ट रिलिज

सातारा - महाराष्ट्र वन विभागाच्या ‘ऑपरेशन तारा’ उपक्रमाला मोठे यश मिळाले असून ताडोबा–अंधारी व्याघ्र प्रकल्पातील दोन वर्षांची मादी वाघीण T7-S2 हिला सह्याद्री व्याघ्र प्रकल्पातील चांदोली राष्ट्रीय उद्यान, सोनारली अनुकूलन कुंपणात सॉफ्ट रिलिज करण्यात आले आहे. ही वाघीण ८ डिसेंबर रोजी ताडोबाच्या कोलारा कोअर रेंजमधून सुरक्षितरीत्या पकडण्यात आली. वैद्यकीय तपासणीनंतर ती पूर्णपणे तंदुरुस्त असल्याने तिला आज सॉफ्ट रिलिज पद्धतीत कुंपणात सोडण्यात आले आहे. काही दिवसात स्थानिक भूभाग, भक्ष्य आणि पर्यावरणाशी जुळवून घेऊ शकते. खुल्या जंगलात सोडण्यापूर्वीचा हा महत्त्वाचा टप्पा असून तिच्या सुरक्षित पुनर्स्थापनेसाठी उपयुक्त आहे. संपूर्ण प्रक्रिया भारतीय वन्यजीव संस्था (WII) यांच्या वैज्ञानिक मार्गदर्शनाखाली पार पडली. राष्ट्रीय स्तरावर NTCA या मोहिमेचे निरीक्षण करत आहेत. ही कारवाई ताडोबा–अंधारी व्याघ्र प्रकल्प आणि सह्याद्री व्याघ्र प्रकल्पाच्या संयुक्त पथकांनी यशस्वीरीत्या राबवली.