कराड नगरपालिका चुनाव: भाजपा व शिंदे-शिवसेना के बीच कड़ा मुकाबला

सातारा कराड नगरपालिका निवडणुकीत भाजप विरुद्ध शिंदे शिवसेना लढत आहे. एवढेच नाही तर भाजपला या निवडणुकीत हरवण्यासाठी शिंदे शिवसेनेने शरद पवार राष्ट्रवादी गटाशी हातमिळवणी देखील केली आहे. पाहूया कराड नगरपालिकेचा हा रिपोर्ट कराड नगरपालिकेच्या 31 जागांसाठी 109 उमेदवार निवडणुकीच्या रिंगणात आहेत तर नगराध्यक्ष पदासाठी 3 प्रमुख राष्ट्रीय पक्षांसह 9 उमेदوار निवडणूक लढवत आहेत. महायुतीतील दोन मित्र पक्ष भाजप आणि शिवसेना हा एकमेकांच्या विरोधात उभे ठाकले आहेत. एकीकडे भाजपचे जिल्हाध्यक्ष आ.अतुल भोसले आपली ताकद लावतायत तर त्याचा विरोधात दुसरीकडे मंत्री शंभूराज देसाई शरद पवार गटाचे माजी मंत्री बाळासाहेब पाटील यांनी एकत्र येत प्रचाराचा शुभारंभ केला आहे. शिवसेना आणि शरद पवार राष्ट्रवादी हे यशवंत विकास आघाडी आणि लोकशाही आघाडीच्या माध्यमातून एकत्र निवडणूक लढवत आहेत. भाजप वर टीका टाळत कराडच्या विकासासाठी आम्ही एकत्र आल्याचे मंत्री शंभूराज देसाई सांगतायत. कराड पालिका निवडणुकीत काँग्रेस देखील नगराध्यक्ष आणि 15 जागांवर स्वतंत्र निवडणूक लढवत आहे. मात्र भाजप विरुद्ध शिवसेना असा सामना कराड मध्ये होत असल्याने नेमका निकाल काय लागतो याकडे जिल्ह्याचे लक्ष लागले आहे.