अलीबाग के चौल-आग्राव सड़क पर एक साल से काम ठप, यातायात बाधित, पर्यटन प्रभावित

सरकारी काम और वर्षभर थांब असा अनुभव सध्‍या अलिबागकर घेताहेत. जवळपास वर्षभरापूर्वी रस्‍ते दुरूस्‍तीचं काम मंजुर झालं पण अजून या कामाचा नारळ काही फुटला नाही. पर्यटन नगरी अशी ओळख असलेल्‍या अलिबाग तालुक्‍यातील चौल ते आग्राव या साडेचार किलोमीटर लांबीच्‍या रस्‍त्‍याची पार दुरवस्‍था झाली आहे. त्‍यामुळे या रसत्‍यावरून प्रवाशांना प्रचंड त्रास सहन करावा लागतो आहे. रस्‍त्‍यावर मोठमोठे खड्डे पडले आहेत की त्‍यावरून वाहन चालवणे सोडाच चालणंही मुश्किल झालंय. शाळकरी मुलं, महिला सायकल चालवताना पडून जखमी झाले आहेत. याचा परीणाम इथल्‍या पर्यटन व्‍यवसायावरदेखील होतोय. या रस्‍त्‍याच्‍या दुरूस्‍तीसाठी साडेतीन कोटी रूपये मंजूर झाले आहेत परंतु ढिम्‍म प्रशासकीय यंत्रणा काम सुरू करायला मागत नाही. या कामात राजकारण आडवं येत असल्‍याचा आरोप ग्रामस्‍थांनी केलाय.