कोरेगांव भीमा जयस्तंभ शौर्यदिवस सुरक्षा मजबूत, तैयारी अंतिम चरण

भिमाकोरेगाव विजयस्तंभ शौर्यदिन सोहळ्याची तयारी अंतिम टप्प्यात. प्रधानसचिव हर्षदीप कांबळे यांच्याकडून प्रशासकीय आढावा. कोरेगाव भिमा येथील जयस्तंभ शौर्यदिन सोहळ्यानिमित्त देशभरातून येणाऱ्या अनुयायांना कोणताही त्रास होणार नाही, याची विशेष दक्षता सर्व संबंधित विभागांनी घ्यावी, अशा स्पष्ट सूचना सामाजिक न्याय विभागाचे प्रधानसचिव हर्षदीप कांबळे यांनी दिल्या. पेरणे येथे आयोजित प्रशासकीय समन्वय समितीच्या बैठकीत त्यांनी सोहळ्याच्या तयारीचा सविस्तर आढावा घेतला. या बैठकीत वाहतूक व्यवस्थापन, सुरक्षा व्यवस्था, आरोग्य सुविधा, स्वच्छता, पाणीपुरवठा तसेच आपत्कालीन सेवा याबाबत विभागनिहाय चर्चा करण्यात आली. शौर्यदिन सोहळा शांततेत, शिस्तबद्ध आणि आनंददायी वातावरणात पार पडावा, यासाठी सर्व यंत्रणांनी समन्वयाने काम करण्याचे निर्देश कांबळे यांनी दिले. यावेळी समाजकल्याण आयुक्त दिपा मुंडे, बार्टीचे महासंचालक सुनिल वारे, पुणे ग्रामीण पोलिस अधीक्षक संदिपसिंह गिल, पोलिस उपायुक्त सोमय मुंडे, जिल्हा परिषदेचे उपमुख्य कार्यकारी अधिकारी चंद्रकांत वाघमारे यांच्यासह विविध विभागांचे अधिकारी व प्रतिनिधी उपस्थित होते. भक्त आणि अनुयायांच्या सुरक्षिततेला सर्वोच्च प्राधान्य देण्यात येणार असून, प्रशासन सज्ज असल्याचे यावेळी स्पष्ट करण्यात आले.