मावळ में ईवीएम हैक के आरोप पर भाजपा ने दिया कठोर जवाब

आमदार सुनील शेळके यांनी आरोपांचे पुरावे द्यावेत नाहीतर अब्रूनुकसानीचा दावा करणार भाजपा ने पत्रकार परिषद घेत आमदार शेळकेंना दिल थेट आव्हान राष्ट्रवादी काँग्रेस पक्षाचे आमदार सुनील शेळके यांनी मावळमधील भाजपच्या नेत्यांवर गंभीर आरोप करत ईव्हीएम हॅक करून भाजप उमेदवारांना विजयी करण्यासाठी प्रत्येकी २५ लाख रुपये घेतल्याचा आरोप केला होता. या आरोपांवर आता भाजपने पत्रकार परिषद घेत जोरदार प्रत्युत्तर दिलं आहे. भारतीय जनता पार्टीाच्या पदाधिकाऱ्यांनी स्पष्ट शब्दांत सांगितलं की, आमच्यावर करण्यात आलेले आरोप पुराव्यानिशी सिद्ध करावेत, अन्यथा अब्रूनुकसानीचा दावा दाखल केला जाईल. बिनबुडाचे आणि राजकीय हेतूने केलेले आरोप आम्ही सहन करणार नाही, असा इशाराही यावेळी देण्यात आला. भाजपने पलटवार करत म्हटलं की, सुनील शेळके यांना सणसणाटी विधानं करण्याची सवय लागली आहे. खासदार संजय राऊत यांचा वाण नाही, पण गुण मात्र लागले आहेत, अशी टोलेबाजीही करण्यात आली. तसेच, “उमेदवार आणि कार्यकर्त्यांना कोण कर्ज देतं?” असा सवाल उपस्थित करत अप्रत्यक्षरित्या शेळके यांच्यावर निशाणा साधण्यात आला. दरम्यान, या आरोप-प्रत्यारोपांमुळे मावळ तालुक्यातील राजकारण पुन्हा तापलंय.