वसई-विरार में मानसिक रूप से अस्वस्थ भाई ने बहन की कुल्हाड़ी से हत्या कर दी

वसई-विरार शहरात पुन्हा एक धक्कादायक घटना समोर आली आहे. नालासोपारा पूर्व येथील टाकीपाडा परिसरातील सर्वोदय वसाहतीत मंगळवारी पहाटे मनोरुग्ण भावाने आपल्या सख्ख्या बहिणीची कोयत्याने वार करून हत्या केली. आई आजारी असताना मुलगी बघायला येत नसल्याचा राग तसेच कौटुंबिक वादातून भावाने ही हत्या केल्याची माहिती समोर येत आहे.. सुप्रिया कानडे (३५) हिचा भाऊ अजित मालुष्टे (४०) याच्याशी भांडण झाले असता त्याने तिच्या मानेवर व छातीवर वार केले. भांडण सोडवण्यासाठी मध्ये पडलेल्या आईवरही हल्ला करण्यात आला. भावाने केलेला हा हल्ला इतका भयानक होता की त्याने तिचे मुंडकेच धडापासून वेगळे केले आहे.. सुप्रियाचा जागीच मृत्यू झाला असून गंभीर जखमी आईवर पालिकेच्या रुग्णालयात उपचार सुरू आहेत. वसई-विरार शहरातील एका आठवड्यातील ही चौथी हत्या आहे.