वासई में कार नियंत्रण खोने से सड़क पर चल रहे 5-6 लोग घायल

वसईत कार चालकाचे नियंत्रण सुटल्याने रस्त्यावरून चालत असलेले ५ ते ६ जण जखमी झाल्याची घटना घडली आहे. या घटनेत कोणतीही जीवितहानी झालेली नसली तरी काही नागरिकांना दुखापत झाली आहे. मिळालेल्या माहितीनुसार, ही कार एका खासगी कंपनीची असून चालक नवखा होता. तो आपल्या मित्राची कार घेऊन वसईतील सातीवली येथील मौर्या नगर परिसरात वाहन चालवत होता. काल रात्रीच्या १० वाजताच्या सुमारास अचानक वाहनावरील ताबा सुटल्याने कार थेट गर्दीत घुसली. त्यामुळे ५ ते ६ जण वाहनाच्या धडकेत जखमी झाले. या घटनेत एका महिलेची प्रकृती गंभीर असल्याचे सांगितले जात असून इतरांना किरकोळ दुखापत झाली आहे. चालकाची ओळख मोबिन मोनिर अहमद (४९), रा. सातीवली, मौर्या नगर (भाडेकरू) अशी झाली आहे. दरम्यान, या प्रकरणी अद्याप पोलिस ठाण्यात कोणतीही अधिकृत तक्रार दाखल झालेली नाही. वालीव पोलीस ठाणेचे वरिष्ठ पोलीस निरीक्षक दिलीप घुगे यांनी या घटनेचा तपास सुरू असल्याची माहिती दिली आहे.