वासई में युवक पर धारदार हमला, हालत गंभीर

ANC : वसई फाटा येथील अातार कंपाउंड परिसरात क्षुल्लक कारणावरून एका तरुणावर प्राणघातक हल्ला झाल्याची धक्कादायक घटना घडली आहे. फैजान शेख (वय 24) असे गंभीर जखमी तरुणाचे नाव असून, त्याच्यावर धारदार शस्त्राने हल्ला करण्यात आला. मिळालेल्या माहितीनुसार, मोईन नावाच्या व्यक्तीने किरकोळ कारणावरून फैजान शेखवर धारदार चाकूने वार केले. हल्ल्यानंतर मोईन हा स्वतःच्या घरात बसून दारू पीत असल्याचे स्थानिकांनी सांगितले. घटनेनंतर परिसरात तणावाचे वातावरण निर्माण झाले आहे. स्थानिक नागरिकांनी पोलिसांना माहिती दिल्यानंतर पेल्हार पोलिसांनी तत्काळ कारवाई करत आरोपी मोईनला ताब्यात घेतले आहे. मोईन हा परिसरात अंमली पदार्थांचे सेवन आणि विक्री करत असल्याचा स्थानिकांनी आरोप केला असून, त्यामुळे नागरिकांमध्ये संतापाचे वातावरण आहे. दरम्यान, जखमी फैजान शেখला उपचारासाठी रुग्णालयात दाखल करण्यात आले असून त्याची प्रकृती गंभीर आहे. पेल्हार पोलीस या प्रकरणाचा पुढील तपास करत आहेत.