नांदेड के सहस्त्रकुंड धबधबے में फंसे 7 मजदूरों की सुरक्षित निकासी

धबधब्याच्या प्रवाहात अडकलेल्या 7 जणांची सुखरूप सुटका करण्यात यश आले. नांदेड जिल्ह्यातील किनवट तालुक्यातल्या सहस्त्रकुंड येथे धबधब्यात सात जण अडकले होते. तीन महीला, दोन तरुणी , एक पाच वर्षाची मुलगी आणि आठ वर्षाचा बालक असे सात जण अडकले होते. हे सर्व जण यवतमाळ जिल्ह्यातील एकंबा या गावातील रहिवासी असुन सर्वजण मजूर आहेत. कापूस वेचणीसाठी ते तेलंगणा राज्यातील आदिलाबादला येथे गेले होते. दुपारी तीनच्या रेल्वे गाडीने हिमायतनगरला आले. सहस्त्रकुंड धबधबा हा नांदेड आणि यवतमाळ जिल्ह्याच्या सीमेवर आहे. पैनगंगा नदीला पाणी कमी असल्याने हे सर्वजण नदी ओलांडून आपल्या गावाकडे जात होते. नदिपात्राच्या मधोमध आल्यानंतर पाण्याचा प्रवाह वाढला. वरील बंधाऱ्यातून पाणी सोडण्यात आल्याने पाणी वाढले आणि सर्वजण अडकून पडले. एकमेकांना धरून सर्वजण एका खडकावर जीव मुठीत धरून उभे होते. स्थानिक मच्छीमारांनी तराफ्याला दोरी बांधून सर्वांना सुखरूप बाहेर काढण्यात आले. दरम्यान महीला अडकल्याने बंधाऱ्यातून सोडण्यात आलेले पाणी बंद करण्यात आले. त्यामूळे नदीला पाणी कमी होऊन बचाव कार्यात मदत झाली.