नागपुर के कुही में पुल से आत्महत्या: CCTV में रिकॉर्ड हुआ दर्दनाक हादसा

नागपूर जिल्ह्यातील कुही तालुक्यातील आंभोरा परिसरात एक धक्कादायक घटना घडली असून 25 वर्षीय तरुणाने पुलावरून उडी घेत आत्महत्या केल्याची घटना उघडकीस आली आहे. ही घटना सीसीटीव्हीत चित्रित झाली आहे. प्रज्वल सोम ढेंगे असे मृत तरुणाचे नाव आहे. मिळालेल्या माहितीनुसार, प्रज्वल ढेंगे यांनी आंभोरा येथील पुलावरून उडी घेतल्याची माहिती त्यांच्या कुटुंबीयांना मिळताच त्यांनी तत्काळ अड्याळ पोलीस स्टेशन गाठून घटनेची माहिती दिली. घटनेची माहिती मिळताच अड्याळ पोलिसांनी घटनास्थळी धाव घेतली असून नदीपात्रात शोधमोहीम सुरू केली आहे.या घटनेमुळे परसोडी व परिसरात हळहळ व्यक्त करण्यात येत आहे. आत्महत्येमागील कारण अद्याप स्पष्ट झाले नसून पोलिसांकडून पुढील तपास सुरू आहे. नदीपात्रातील पाण्याचा प्रवाह व अंधारामुळे शोधकार्याला अडचणी येत होत्या