नागपुर ग्रामीण परिवहन अधिकारी सहित पाँच के खिलाफ पद का दुरुपयोग और बदनामी की साजिश का मुकदमा दर्ज

नागपूर गुन्हेगारी कट रचून साथीदारांच्या मदतीने पदाचा गैरवापर करीत बदनामी केल्याप्रकरणी नागपूर ग्रामीण प्रादेशिक परिवहन अधिकारी विजय चव्हाण यांच्यासह पाच जणांविरुद्ध गुन्हा दाखल झालाय. परिवहन खात्यातील आरटीओ पदावरील पदोन्नती आणि पदस्थापना प्रकरणात परिवहन अधिकारी रवींद्र भुयार यांना खोट्या गुन्ह्यात अडकवण्याच्या तक्रारीवरून नागपुरातील सीताबर्डी पोलीस ठाण्यात हा गुन्हा दाखल झालाय. भुयार हे 2021 ते 24 दरम्यान नागपूर आरटीओ मध्ये कार्यरत असताना हा प्रकार घडला. 2021 मध्ये एका वर्षासाठी भुयार यांच्याकडे नागपूर शहर व ग्रामीणचा अतिरिक्त कारभार होता. या कालावधीत चव्हाण हे गडचिरोली येथे कार्यरत होते. त्यांना नागपूरचा कारभार हवा होता. त्यांना नागपूरचा अतिरिक्त कारभार मिळाव यासाठी चव्हाण यांनी पदाचा गैरवापर केला व साथीदारांच्या मदतीने भुयार यांच्याविरुद्ध गुन्हेगारी कट रचण्यास सुरुवात केली.