Farm sale fraud worth lakhs in Chhatrapati Sambhajinagar; father-son duo named in case

छत्रपती संभाजीनगर | शेती विक्रीच्या नावाखाली लाखोंची फसवणूक, बाप लेकाविरोधात गुन्हा अँकर : व्यवहार करूनही शेती नावावर न करता परस्पर विक्री केल्यापراكाणी वाळूविक्री करणाऱ्या एका व्यावसायिकाची तब्बल 8 लाख 50 हजार रुपयांची फसवणूक करण्यात आलीय. त्यामूळे बाप लेका विरोधात एमआयडीसी वाळूज पोलीस ठाण्यात गुन्हा दाखल करण्यात आला आहे.नानासाहेब शिनगारे आणि विशाल शिनगारे रा. जवळी बु, ता. कन्नड अशी गुन्हा दाखल झालेल्यांची नाव आहेत.या दोघांविरोधात एमआयडीसी वाळूज पोलिस ठाण्यात फसवणुकीचा गुन्हा दाखल केला. ज्ञानदेव पाटोळे यांनी शेती खरेदी करण्याची इच्छा नातेवाईक ज्ञानेश्वर आणि अशोक शिनगारे यांच्याकडे व्यक्त केली होती. ज्ञानेश्वर यांनी चुलत भाऊ नानासाहेब शिनगारे यांच्याकडे जवळी बु, येथील शेती विक्री असल्याची माहिती दिली. 22 नोव्हेंबर 2024 रोजी नानासाहेब शिनगारे आणि ज्ञानदेव पाटोळे यांची भेट झाली. गट क्र. 39 मधील 58 आर शेतीबाबत 30 लाख रुपयांत व्यवहार ठरला. इसारपावतीपूर्वी 2 लाख रुपये रोख आणि 2 लाख 50 हजार रुपये आरटीजीएसद्वारे विशाल शिनगारे यांच्या खात्यात टाकले. 20 जानेवारी 2025 रोजी रजिस्ट्री करण्याचे ठरले. नानासाहेब यांनी पैशांची गरज असल्याचे सांगत 8 लाख 50 हजार रुपये पाटोळेकडून घेतले. मात्र, रजिस्ट्री करण्यास शिनगारे टाळाटाळ करत होते.