अहेरी में 100 बिस्तर का सरकारी महिला-शिशु अस्पताल: मुख्यमंत्री ने उद्घाटन किया

गडचिरोली जिल्ह्यात अहेरी येथे शासकीय महिला-बाल रुग्णालयाचे मुख्यमंत्र्यांचे लोकार्पण, औद्योगिक विकासासोबत गडचिरोलीची आरोग्य सेवेतील ऐतिहासिक झेप असल्याचे प्रतिपादन अँकर:-- गडचिरोली जिल्ह्यात मुख्यमंत्र्यांच्या हस्ते अहेरी येथे १०० खाटांच्या शासकीय महिला व बाल रुग्णालयाचे लोकार्पण संपन्न झाले. गडचिरोली जिल्ह्यात औद्योगिक विकासाबरोबर आरोग्य सेवेतही क्रांतिकारक बदल घडत आहेत. अहेरी येथील १०० खाटांचे महिला व बाल रुग्णालय हे खाजगी रुग्णालयांनाही लाजवेल इतके अत्याधुनिक बनले असून, येथे मातृत्व, बाल आरोग्य आणि कुपोषणग्रस्त बालकांसाठी सर्व आधुनिक सुविधा उपलब्ध झाली असल्याचे मुख्यमंत्री म्हणाले. यासोबतच भामरागड तालुक्यातील कोटी येथील प्राथमिक आरोग्य केंद्राची मुख्य इमारत, जारावंडी व ताडगाव प्राथमिक आरोग्य केंद्रांचे श्रेणीवर्धन, वेंगनुर उपकेंद्र आणि रेगडी प्राथमिक आरोग्य केंद्राच्या इमारतींचेही लोकार्पण करण्यात आले. तसेच, चामोर्शी, मुलचेरा, एटापल्ली, भामरागड, धानोरा, कुरखेडा, कोरची व सिरोंचा या तालुक्यांतील नव्या सार्वजनिक आरोग्य पथकांचे उद्घाटनही मुख्यमंत्र्यांच्या हस्ते झाले. गडचिरोलीतील रुग्णांना उपचारासाठी नागपूर, पुणे किंवा मुंबई गाठण्याची गरज उरणार नाही. गडचिरोलीच्या सर्वांगीण विकासावर बोलताना लोह प्रकल्पांमुळे गडचिरोली जिल्हा देशातील स्टील हब बनत आहे, पण या औद्योगिक विकासासोबतच गडचिरोलीला ग्रीन हब बनवायचे आहे. त्यासाठी पाच कोटी झाडांच्या लागवडीचा निर्णय घेण्यात आला आहे. दळणवळण सुधारण्यासाठी ५०० कोटी रुपयांचे रस्ते मंजूर करण्यात आले असून, पूल व नाले बांधकामाची कामेही वेगाने सुरू आहेत.