सातपुड्या की होली पर आदिवासी शाही शोभायात्रा धड़गाव में, मंत्री उईके भी शामिल

नंदुरबार जिल्ह्यातील सातपुड्याच्या डोंगररंगांमध्ये होळीचा मोठा उत्साह बघायला मिळत आहे. राज्याचे आदिवासी विकास मंत्री अशोक उईके ही होळीसाठी नंदुरबार जिल्ह्या दौऱ्यावर आले आहेत. उईके हे सातपुड्यातील आदिवासी बांधवांसोबत होळी साजरा करणार आहेत. होळी सणा निमित्ताने धडगाव शहरातून निघणाऱ्या भोंगऱ्या बाजारातील शाही मिरवणुकी त्यांनी अन्य लोकप्रतिनिधी आणि मान्यवरांसह सहभाग नोंदवला. सातपुड्याच्या पर्वतरांगांमधील आदिवासी बांधव होळीचा सण मोठ्या उत्साहात साजरा करीत आहेत. होळी सणानिमित्त सातपुड्याच्या कुशीत वसलेल्या धडगाव शहरात भोंगऱ्या बाजाराची मोठी धूम पाहायला मिळाली. या निमित्ताने आदिवासी बांधवांनी आपली ऐतिहासिक आणि पारंपरिक शाही मिरवणूक अत्यंत उत्साहात काढली. या मिरवणुकीत गावाचे पाटील भीमसिंग पराडके आणि आमदार आमश्या पाडवी यांच्यासह परिसरातील आदिवासी सरदारांनी पारंपरिक वेशभूषेत सहभाग नोंदवला. हातातील काठ्या आणि कमरेला बांधलेले घुंगरू यांच्या आवाजासह, भले मोठे ढोल आणि वाद्यांच्या तालावर आदिवासी बांधव धुंद होऊन नाचले. आधुनिक काळातही आपली मूळ संस्कृती आणि डोंगराच्या बाजाराची परंपरा आजही धडगावमध्ये कायम असल्याचे चित्र पाहायला मिळाले. या शाही मिरवणुकीने संपूर्ण शहरात आदिवासी संस्कृतीचे दर्शन घडवले असून, हजारो आदिवासी बांधवांच्या उपस्थितीने हा मिरवणूक पार पडला. Prashant Paredashi, Nathurbar.