चंद्रपुर बल्लारपुर में विसापुर फाटा रोड पर बिबटिया ने गाय के बछड़े का शिकार किया; सतर्क रहें

चंद्रपूर जिल्ह्यातील बल्लारपूर तालुक्यातील विसापूर फाटा रोडवर बिबट्याने केली गायीच्या बछड्याची शिकार, वन पथकाने माहिती मिळताच नागरिकांना केले सतर्क अँकर:-- चंद्रपूर जिल्ह्यातील बल्लारपूर तालुक्यातल्या विसापूर फाटा रोडवरील वननर्सरीच्या समोर बॉटनिकल गार्डन आवार भिंतीजवळ बिबट्याने भर रस्त्यावर गायीच्या बछड्याची शिकार केली. गस्तीवर असलेल्या वनरक्षक वर्षा पिंपरे व त्यांच्या टीमने घटनेची माहिती मिळताच तत्काळ दाखल होऊन प्रवाशांना सावध केले. हा परिसर गेल्या काही वर्षापासून बिबट्याच्या सतत वावराने दहशतीखाली आहे. बॉटनिकल गार्डन भिंत, राख डेपो आणि विटा भट्टी परिसरात बिबट भटकत असल्याचे आढळून आले आहे. यामुळे स्थानिकांत भीतीचे वातावरण आहे. गावातील मांस-मटण दुकानातील जैविक कचरा इथं टाकला जातो, यामुळे कुत्रे आणि वन्यजीव शिकारीच्या शोधात इथे येतात. संबंधित विभागाने तात्काळ लक्ष देऊन कचरा व्यवस्थापनासह उपाययोजना कराव्यात अशी मागणी केली जात आहे.