छत्रपति संभाजीनगर में 617 पेड़ काटे जाएंगे, सड़क चौड़ीकरण के लिए मंजूरी

नाशिकमधील तपोवन वृक्ष तोड प्रकरण ताजे असतानाच ,आता छत्रपती संभाजीनगरमध्ये देखील रस्त्याच्या कामासाठी तब्बल 617 झाडांची कत्तल केली जाणार आहे. शहरातून नगर नाकामार्गे छावणी ते पडेगाव, मिटामिटा, शरणापूर-वंजारवाडी फाटामार्गे पुढे दौलताबाद टी-पॉईंटपर्यंत जाणाऱ्या रस्त्याचे काँक्रीटीकरणातून चौपदरीकरणाचे काम सार्वजनिक बांधकाम विभागाने हाती घेण्याचे निश्चित केले आहे. नववर्षात या कामाला सुरुवात होणार असल्याचे संकेत आहे. महापालिकेने त्या मार्गावरील अतिक्रमणे हटवून रस्त्याची हद्द जुलै महिन्यात निश्चित केली होती. सहा महिन्यांपासून या रस्त्याचे काम सुरू झालेले नाही. ६९७ पैकी ८० वडाच्या झाडांचे पुनर्रोपण करण्यात येईल. उर्वरित ६१७ झाडे तोडण्यासाठी मनपाची परवानगी घ्यावी लागणार असल्याचे बांधकाम विभागाने सांगितले आहे.