चंद्रपुर के मोरवा हवाई अड्डे के आधुनिकीकरण के लिए 17 करोड़ निधि मंजूर

टायटल:-- आ.सुधीर मुनगंटीवार यांच्या पुढाकारामुळे चंद्रपूरच्या मोरवा विमानतळाच्या आधुनिकीकरणासाठी १७ कोटींच्या निधीला मान्यता, विमनतळ आधुनिकीकरण आणि सुरक्षाविषयक सुविधा उभारणीचा मार्ग मोकळा अँकर:--आ.सुधीर मुनगंटीवार यांच्या पुढाकारामुळे चंद्रपूरच्या मोरवा विमानतळाच्या आधुनिकीकरणासाठी १७ कोटींच्या निधीला मान्यता मिळाली आहे. मुख्यमंत्री देवेंद्र फडणवीस यांनी याबाबत तातडीने लक्ष घातल्याने आधुनिकीकरण आणि सुरक्षाविषयक सुविधा उभारणीचा मार्ग मोकळा झालाय. मोरवा विमानतळ परिसरात वैमानिक प्रशिक्षण संस्था म्हणून नागपूर उडान क्लब, भारत सरकारच्या नागरी विमान संचालनालयाच्या (DGCA) मान्यतेनुसार कार्यरत आहे. या ठिकाणी सुरक्षित, आधुनिक आणि नियमांनुसार विमान संचालनासाठी सुरक्षाविषयक व मूलभूत सुविधांची उभारणी अनिवार्य आहे. आमदार सुधीर मुनगंटीवार यांनी मुख्यमंत्री देवेंद्रजी फडणवीस यांना याबाबत निवेदन सादर केले. परिमिती तपासणी मार्गाचे बांधकाम, विमानतळाभोवती उपलब्ध संरक्षण भिंतीची उंची वाढविणे, हँगर व फ्युएल स्टोरेजपर्यंत जाण्यासाठी सुरक्षित संपर्क मार्ग, विमानतळाच्या चारही दिशांना सुरक्षा देखरेख टॉवरचे बांधकाम, मुख्य इमारतीसमोरील भागात हाय-मास्ट प्रकाशयोजना, स्वागत द्वार, गार्ड रूम, पार्किंग व्यवस्था आणि रेस्ट हाऊस उभारणी या सर्व कामांसाठी हा निधी खर्च होणार आहे.