डॉ. बाबासाहेब आंबेडकर मराठवाडा विश्वविद्यालय परिसर में अज्ञात शव मिलने से हड़कंप

डॉ. बाबासाहेब आंबेडकर मराठवाडा विद्यापीठाच्या प्रशासकीय इमारतीलगत असलेल्या विहिरीत एका अनोळखी व्यक्तीचा मृतदेह आढळून आला. ही घटना रविवारी उघडकीस आली. या घटनेमुळे विद्यापीठ परिसरात खळबळ उडाली. या प्रकरणी बेगमपुरा पोलिसांनी प्राथमिक तपासणी करून ही आत्महत्या आहे की घातपात या दिशेने तपास सुरू केला आहे. विद्यापीठ परिसरात सकाळी नऊच्या सुमारास वाजता तीव्र दुर्गंधी येत असल्याची माहिती सुरक्षा रक्षकांनी दिली. त्यांनी विहिरीच्या दिशेने पाहणी केली असता त्यात मृतदेह असल्याचे स्पष्ट झाले. ही माहिती बेगमपुरा पोलिस ठाण्याला देण्यात आली. पोलिसांनी अग्निशमन विभागाला माहिती कळवली. पदमपुरा अग्निशमन केंद्राचे पथक घटनास्थळी दाखल झाले आणि त्यांनी विहिरीतून मृतदेह बाहेर काढला. मृतदेह पोलिसांच्या ताब्यात देण्यात आला असून त्याची ओळख पटवण्याचे काम युद्धपातळीवर सुरू आहे.