महापालिका चुनाव के लिए तैयारी तेज, 10 तारीख को ड्रॉ होगा, 29 वार्ड तय

महापालिका निवडणुका घेण्यासाठी सर्व प्रक्रिया गतीने पूर्ण करण्यावर भर दिला जातोय. महापालिका निवडणुकीसाठी १० तारखेला सोमवारी सकाळी ११ वाजता डॉ. बाबासाहेब आंबेडकर मराठवाडा विद्यापीठाच्या नाट्यगृहात सोडत काढण्यात येणार आहे. सोडतीसाठी प्रशासनाने ६४ अधिकारी, कर्मचाऱ्यांची नेमणूक केली आहे. जानेवारीच्या दुसऱ्या आठवड्यात महापालिका निवडणूका होतील, असा अंदाज प्रशासन व राजकीय पक्षांकडून लावला जातोय. शहरात ११५ नगरसेवक निवडून येतील. त्यादृष्टीने २९ प्रभाग करण्यात आले आहेत. २८ प्रभाग चार नगरसेवकांचे, तर एक प्रभाग तीन नगरसेवकांचा आहे. सध्या मनपा प्रशासनाकडून मतदार याद्यांची विभागणी करण्याचे काम सुरू आहे. या कामासाठी अर्ध्याहून अधिक महापालिका कामाला लागली आहे. निवडणूक लढविण्यास इच्छुक राजकीय पक्षांच्या उमदेवारांसह अपक्षांचे लक्षही सोडतीकडे लागले. सोडतीनंतरच कोणत्या प्रभागातून निवडणूक लढवायची हे स्पष्ट होईल. प्रत्येक प्रभागात दोन महिला आरक्षण असेल, असे गृहीत धरले जात आहे.