मनपा ठेकेदार विवाद से कर्मचारियों को चार महीने का वेतन नहीं मिला दशहरा तक

मनपा, कंत्राटदाराच्या वादात कर्मचाऱ्यांचा पगार रखडला 2 हजार कंत्राटी कर्मचाऱ्यांचा दसरा अखेर वेतनाविनाच; दिवाळी तरी गोड होणार का? छत्रपती संभाजी नगर महापालिका प्रशासन आणि मनुष्यबळ पुरविणाऱ्या कंत्राटदाराचा वाद काही दिवसांपासून सुरू आहे. या वादात निष्पाप कर्मचारी भरडले जात आहेत. दसऱ्यासारख्या सणालाही कर्मचाऱ्यांना चार महिन्यांचा पगार मिळालेला नाही. बुधवारी मनपा प्रशासनाने महाराणा एजन्सीला मागील दोन महिन्यांचा पगार स्वतःहून करावा, अशा आशयाची नोटीस पाठविली. कायमस्वरूपी महापालिकेत कर्मचारी कमी आणि कंत्राटी पद्धतीवर कर्मचारी जास्त झाले आहेत. महापालिकेच्या कामकाजाचा कणा हे कर्मचारी बनले आहेत. कंत्राटी कर्मचारी काढून टाकले तर महापालिकेचे कामकाज ठप्प होऊ शकते, अशी विदारक स्थिती आहे. कायमस्वरूपी कर्मचारी भरतीसाठी अनेकदा प्रयत्न झाले; मात्र त्याला फारसे यश आले नाही. त्यामुळे मागील दहा वर्षात कंत्राटी कर्मचाऱ्यांचा सर्वत्र बोलबाला झाला.