अकोला के रुईखेड में श्री बागाजी महाराज यात्रा भक्तिभाव से सम्पन्न

अकोला जिल्ह्यातील अकोट तालुक्यातील रुईखेड येथे श्री बागाजी महाराजांची यात्रा मोठ्या भक्तिभावात संपन्न झाली. एकादशीपासून या यात्रेला प्रारंभ होतो. महाशिवरात्रीच्या दिवशी कावडधारी भाविकांचे गावात आगमन होते. ढोल-ताशांच्या गजरात आणि जयघोषात श्री बागाजी महाराजांची भव्य मिरवणूक काढण्यात येते. Yानंतर कपिलेश्वर येथून आणलेल्या पवित्र जलाने श्री बागाजी महाराजांचा जलाभिषेक केला जातो. महाशिवरात्रीनंतर मंदिर प्रांगणात गावातील लहान मुलांची मंदिरासमोर लोटांगण घालण्याची शेकोड वर्षांची जुनी परंपरा आजही जपली जाते. पंचक्रोशीतील भक्तगणही गावातून लोटांगण घालत आपली श्रद्धा व्यक्त करतात. लोटांगण घालणाऱ्या मुलांवर गावकरी पाण्याचा शिडकावा करतात. लहान मुलांवरील संकटे दूर व्हावीत आणि त्यांच्या आयुष्यात सुख-समृद्धी यावी, या श्रद्धेतून ही परंपरा पार पडते. त्याचप्रमाणे श्री बागाजी महाराजांची रथयात्राही मोठ्या उत्साहात काढली जाते. महाराजांची मूर्ती रथात विराजमान करून गावकरी स्वतः रथ ओढत संपूर्ण गावात मिरवणूक काढतात. संपूर्ण परिसर ‘जय बागाजी महाराज’च्या घोषणांनी दुमदुमून जातो.