हमीद भाव खऱीदी में किसानों को ऑनलाइन पंजीकरण में भारी परेशानी

मोठा गाजावाज्यानंतर शासनाने हमीभावातील शेतमाल खरेदीला सुरुवात केली असली, तरी खरेदी प्रक्रियेच्या प्राथमिक टप्प्यातच म्हणजे ऑनलाइन नोंदणीत शेतकऱ्यांची प्रचंड परवड होत असल्याचे चित्र उघड झाले आहे. खरेदी प्रक्रियेच्या दुसऱ्या दिवशीही केंद्रांचा कारभार सुरळीत न सुरू झाल्याने शेतकऱ्यांना अडचणींचा सामना करावा लागत आहे. अकोल्यातील नाफेडच्या सोयाबीन खरेदी केंद्रात मोठा गोंधळ निर्माण झाला आहे. ऑनलाइन नोंदणीसाठी शेतकऱ्यांना दिवसभर रांगेत थांबूनही नोंदणी पूर्ण करता आली नाही. शासकीय पोर्टल सतत स्लो असल्याने शेतकरी वैतागले असून, शासनाच्या नियोजनक्षमतेवर त्यांनी प्रश्नचिन्ह उपस्थित केले आहे. याशिवाय शेतकऱ्यांनी मागणी केली आहे की, नोंदणी फक्त खरेदी केंद्रांवर न ठेवता सेतु केंद्रांवरही (CSC / सेतू सुविधा केंद्रे) सुरू करावी, जेणेकरून शेतकऱ्यांचा वेळ आणि त्रास कमी होईल. सरकार म्हणतं शेतकऱ्यांसाठी योजना, पर अंमलबजावणीच नीट नाही तर फायदा कसला? असा प्रश्न आता शेतकरी उपस्थित करीत आहे.