शाळेत सरस्वती पूजन करून घरी परतणाऱ्या शाळकरी मुलांच्या दुचाकीला कारची धडक बसून झालेल्या अपघातात एक मुलगा जागीच ठार झाला. तर अन्य दोघे विद्यार्थी गंभीर जखमी झाले आहेत. ही घटना मुंबई गोवा महामार्गावर कुठाळ झाराप फाटा येथे घडली. राज पेडणेकर असे मृत मुलाचे नाव आहे. तर त्याच्यासमवेत सोहम परब व लवू रविंद्र पेडणेकर हे दोघे जखमी झाले असून त्यांना अधिक उपचारासाठी सावंतवाडी येथे रुग्णालयात दाखल करण्यात आले आहे. अपघातानंतर संतप्त ग्रामस्थांनी महामार्ग रोखून धरला. त्यामुळे दोन्ही बाजूने वाहतूक ठप्प झाली होती. जोपर्यंत कार चालकावर कारवाई केली जात नाही तोपर्यंत मृतदेह ताब्यात घेण्याची भूमिका त्यांनी घेतली होती. मात्र पोलीसांनी कारवाई करण्याचे आश्वासन दिल्यानंतर रास्तारोको मागे घेण्यात आला.