महायुतीच्या नेत्यांनी जाहीर कार्यक्रमात थेट पाईपलाईन योजनेवर टीका केल्यानंतर काँग्रेस आमदार सतेज पाटील यांनी पत्रकार परिषद घेत “लाव रे तो व्हिडिओ” म्हणत आकडेवारीसह ठोस प्रत्युत्तर दिले आहे. निवडणूक आली की थेट पाईपलाईनचा मुद्दा काढला जातो आणि निवडणूक संपली की तोच मुद्दा बाजूला पडतो, असा आरोप करत सतेज पाटील यांनी कोल्हापूरकरांना पत्रकार परिषदेच्या माध्यमातून वस्तुस्थिती सांगण्याचा प्रयत्न केला. ही योजना चुकीची असती, तर केंद्र सरकारने निधी दिलाच नसता, असा सवाल उपस्थित करत सतेज पाटील यांनी स्पष्ट केले की केंद्र सरकारने या योजनेच्या दुसऱ्या आणि तिसऱ्या टप्प्यासाठीही निधी मंजूर केला आहे. ही योजना २०४५ पर्यंतची लोकसंख्या लक्षात घेऊन आखण्यात आली असून, थेट पाईपलाईनद्वारे पुईखडीपर्यंत पाणी आणण्याची जबाबदारी आमची होती, मात्र पुढील वितरण व्यवस्था महापालिकेची असल्याचे त्यांनी सांगितले. अमृत योजनेबाबत गंभीर आरोप करताना सतेज पाटील म्हणाले की, अमृत योजनेचे प्रत्यक्ष काम सुरेश खाडे यांच्या मुलाकडे आहे. त्यांच्या कामात मोठ्या प्रमाणावर दिरंगाई झाल्याने संबंधित ठेकेदारावर तब्बल २५ कोटी रुपयांचा दंड ठोठावण्यात आला आहे याकडे चंद्रकांत दादा पाटील यांनी लक्ष द्यावे अशी विनंती देखील सतीश पाटील यांनी आपल्या पत्रकार बैठकीतून केली. हे पत्रकार बैठक घेत असताना थेट पाईपलाईन योजने संदर्भात मी यापुढे कुठलीही भूमिका मांडणार नाही, जे आहे ते स्पष्ट मांडलेला आहे असं देखील त्यांनी सांगून है विषय त्यांच्यासाठी संपला असल्यাচं सांगितलं.