छत्रपती संभाजीनगर मध्ये तब्बल नौ वर्षांपासून बेकायदा वास्तव्यास असलेल्या 39 वर्षीय येमनी नागरिकाला दहशतवाद विरोधी पथकाने (एटीएस) ताब्यात घेतले आहे. मोहम्मद अहमद अली बिनाशिरबकर असे त्याचे नाव असून, जयसिंगपुर परिसरातून ही कारवाई करण्यात आली. विद्यार्थी व्हिसावर 1 ऑक्टोबर 2014 रोजी भारतात आलेल्या आरोपीचा व्हिसा 17 मार्च 2017 रोजी बेंगळूर येथे बीबीएमचे शिक्षण पूर्ण केल्यानंतर संपली होती. मात्र, व्हिसा मुदत संपल्यानंतरही तो परदेशी न परतता भारतातच राहत होता. डिसेंबर 2024 मध्ये तो छत्रपती संभाजीनगरमध्ये दाखल झाला होता. गुप्तचर विभागाच्या माहितीनुसार एटीएसने शोधमोहीम राबवत त्याला ताब्यात घेतले असून, अधिक तपास सुरू आहे. तसेच संबंधित घरमालकाविरुद्धही गुन्हा दाखल करण्यात आल्याची माहिती आहे.